Amosi 1:1-15
1 Daʼa wehede Gamosi, samösa kubalo mbiri-biri moroi ba Dekoa.+ Itema gangilata sanandrösa ba ndraono Gizaraʼeli, dua fakhe fatua lö alua ndruru danö. Me luo daʼö Usia+ zi tobali razo ba Yehuda, ba Yerobeamo+ ono Yoasi+ zi tobali razo ba ndraono Gizaraʼeli.+
2 Imane,
”Terongo li Yehowa moroi ba Ziona hulö li zingo,Ba muʼao ia ba Yeruzalema.
Abu dödö mbenua soduʼu,Ba oköli zuzu Hili Garimeli.”+
3 ”Daʼa niwaʼö Yehowa:’”Börö me no hauga kali* mamadaö* Ndramaseko, lö saʼae ufuli furi gangetulagu,Börö me laböbörö Gileadi ba wafa wamöbörö siʼöli.+
4 Andrö wa ufatörö galitö ba nomo Hazaeli,+Ba ahori akhozi fefu malige Mbeni-hada si no mufoʼöli.+
5 Ufatö dania mbaʼa-baʼa mbawa göli Ndramaseko.+
Uhori fefu nono mbanuania moroi ba Mbika-awe,Awö ndra sondröniaʼö khönia moroi ba Mbeti-gedena,Muʼoloiʼö niha Ziria ba Giri,”+ iwaʼö Yehowa.’
6 Daʼa niwaʼö Yehowa:’”Börö me no hauga kali* mamadaö niha Gaza,+ lö saʼae ufuli furi gangetulagu,Börö me latouʼö fefu niha niʼoloiʼöra+ ba danga niha Gedomo.
7 Andrö wa ufatörö galitö ba göli Gaza,+Ba ahori akhozi fefu maligenia si no mufoʼöli.
8 Uhori nono mbanuania moroi ba Gasoto,+Awö ndra sondröniaʼö khönia moroi ba Gasekalo.+
Tangagu dania zolawa Ekerona,+Ba ahori mate niha Wilisiti si toröi,”+ iwaʼö Yehowa Lowalangi Fondrege Zalawa.’
9 Daʼa niwaʼö Yehowa:’Börö me no hauga kali* mamadaö Diro,+ lö saʼae ufuli furi gangetulagu,Börö me latouʼö fefu niha niʼoloiʼöra ba danga niha Gedomo.
Ba no laʼolifugö mbuʼusa li waʼafatalifusöta nifazökhira.+
10 Andrö wa ufatörö galitö ba göli Diro,Ba ahori akhozi fefu maligenia si no mufoʼöli.’+
11 Daʼa niwaʼö Yehowa:’Börö me no hauga kali* mamadaö Gedomo,+ lö saʼae ufuli furi gangetulagu,Börö me no igohi dalifusönia faoma siʼöli,+Ba lö omasi ia iforomaʼö waʼahakhö dödö.
Si fao fönu sabölö-bölö, isasawi ira,Ba lö aetu mbao dödönia khöra.+
12 Andrö wa ufatörö galitö ba Demano,+Ba ahori akhozi fefu malige Mbosera si no mufoʼöli.’+
13 Daʼa niwaʼö Yehowa:’”Börö me no hauga kali* mamadaö Gamoni,+ lö saʼae ufuli furi gangetulagu,Börö me no lasila dalu ndra alawe sanabina ba Gileadi, ha ba wangeboloʼö tanöra samösa.+
14 Utunu göli Raba+ ba ngaluo wasuwöta,Ba ahori akhozi fefu maligenia si no mufoʼöliTerongo weʼao ba wanuwöAwö nangi sabölö-bölö.
15 Ba muʼoloiʼö dania razora awö ndra sondröniaʼö khönia,”+ iwaʼö Yehowa.’
Nisura ba gahe zura
^ Mazui ”no tölu kali ma öfa kali”.
^ Mazui ”isawö goroisagu”.
^ Mazui ”no tölu kali ma öfa kali”.
^ Mazui ”no tölu kali ma öfa kali”.
^ Mazui ”no tölu kali ma öfa kali”.
^ Mazui ”no tölu kali ma öfa kali”.
