Amosi 2:1-16
2 ”Daʼa niwaʼö Yehowa:’”Börö me no hauga kali* mamadaö* Moabi,+ lö saʼae ufuli furi gangetulagu,Börö me no itunu döla razo Gedomo tobali betua.
2 Andrö wa ufatörö galitö ba göli Moabi,Ba ahori akhozi fefu malige Geriota si no mufoʼöli.+
Mate dania Moabi ba höngö-höngö niha,Si fao feʼao wasuwöta awö li dorofe nifazökhi moroi ba dandru.+
3 Uhori ndra samatörö* khönia,Ba ubunu ia hegöi ira sondröniaʼö andrö khönia,”+ iwaʼö Yehowa.’
4 Daʼa niwaʼö Yehowa:’Börö me no hauga kali* mamadaö Yehuda,+ lö saʼae ufuli furi gangetulagu,Börö me no latimbagö goroisa* Yehowa,Ba lö laʼoʼö gamakhoitania.+
No ifowöhö ira falimosa niʼoʼö ndra tuara.+
5 Andrö wa ufatörö galitö ba Yehuda,Ba ahori akhozi fefu malige Yeruzalema si no mufoʼöli.’+
6 Daʼa niwaʼö Yehowa:’Börö me no hauga kali* mamadaö Gizaraʼeli,+ lö saʼae ufuli furi gangetulagu,Börö me no lafamawa niha satulö ba wanöndra firö,Ba lafamawa niha si numana salahi sandrala si safasa.+
7 Lahundra-hundra niha si numana tou ba danö,+Ba labaʼa lala niha sangide-ngideʼö.+
Mohorö nama hegöi ono khö ndra alawe si fagölö,Irege lataʼunöisi döigu niʼamoniʼö.
8 Ba zinga naha wanunu sumange,+ labaliʼö tufora nukha si tobali gade.+
Ba gosali lowalangira, labadu nagu niʼölira moroi ba gefe si tobali hukuma niha si numana.’
9 ’Yaʼo zangohori niha Gamori föna duduma höröra,+Salawa simane eu eresi, ba sabeʼe simane eu ek.
Uhori mbuania hegöi waʼania.+
10 Uheta ami moroi ba danö Miserai,+Ba ututuru lalami ba wanörö tanö si mate ba zi 40 fakhe,+Ba worabu banua niha Gamori.
11 Ufataro ösa ndraonomi tobali samaʼeleʼö+Ba so ösa ndraonomi si bohou ebua si tobali niha Naziri.*+
Hadia tenga simane daʼö, yaʼami iraono Gizaraʼeli?’ iwaʼö Yehowa.
12 ’Hizaʼi, lö miböhöli wameʼe agu ba niha Naziri,*+Ba mitenawa ndra samaʼeleʼö enaʼö lö mamaʼeleʼö ira.+
13 Andrö wa ufakiko ami ba nahiami,Simane kureta safönu bua zinanö, somama gofu hadia zi so ba narönia.
14 Tebai moloi dania niha sabölö fagohi gofu hezo,+Taya waʼabeʼe niha sabölö,Ba lö hadöi ira saradadu sagabölö si falukha fangorifi.
15 Lö fataha zi fafana,Tebai teʼefaʼö niha sabölö fagohi,Ba lö teʼorifi niha si fakudo.
16 Ba luo daʼö, moloi lö nukhaZaradadu sagabölö ba si barani,’+ iwaʼö Yehowa.”
Nisura ba gahe zura
^ Mazui ”no tölu kali ma öfa kali”.
^ Mazui ”isawö goroisagu”.
^ Sin.: ”sangetuʼö huku”.
^ Mazui ”no tölu kali ma öfa kali”.
^ Mazui ”wanuturu lala”.
^ Mazui ”no tölu kali ma öfa kali”.
^ Eluahania ”nilulu faʼauri; nifasambua”.
^ Eluahania ”nilulu faʼauri; nifasambua”.