Amosi 3:1-15
3 ”He yaʼami iraono Gizaraʼeli, mifondrondrongo daromali Yehowa sanandrösa khömi hegöi ösi nomo maʼafefu si no uheta moroi ba danö Miserai,
2 ’Ha yaʼami niʼilagu moroi ba nösi nomo ba gulidanö maʼasagörö.+
Börö zalami wa uhuku ami.+
3 Hadia so darua niha si fao ba lala na lö si fazazi ira enaʼö falukha?
4 Hadia muʼao zingo ba gatua na lö ahuluania?
Hadia ifaboka mbawania ono zingo ba nahania na lö niraʼunia hadia ia?
5 Hadia alau wofo ba wesu si so tou ba danö na lö hadöi mubeʼe dandrawa?*
Hadia aefa dandrawa tou ba danö na lö hadöi salau?
6 Na mufoli dorofe nifazökhi moroi ba dandru ba zi sambua banua, hadia lö manizi niha?
Na alua wamakao ba zi sambua banua, hadia tenga börö Yehowa daʼö?
7 Lö ifalua hadia ia Yehowa Lowalangi Fondrege ZalawaNa lö ifatunö ua zi tobini andrö khö ndra samaʼeleʼönia.+
8 Na no muʼao zingo,+ haniha zi lö ataʼu?
Na no mohede Yehowa Lowalangi Fondrege Zalawa, haniha ndra samaʼeleʼö si lö mamaʼeleʼö?’+
9 ’Fatunö daʼa ba malige si no mufoʼöli ba GasotoHegöi ba malige si no mufoʼöli ba danö Miserai,
”Miʼowuloi ami ba hili-hili Zamaria;+Faigi wagua-guasaBa falimosa ba mbanua daʼö.+
10 Lö laʼila lafalua zindruhu,” iwaʼö Yehowa,”Lafoʼösi malige si no mufoʼöli faoma gama-gama si no larabu ba waʼalösökhi.”’
11 Andrö, daʼa niwaʼö Yehowa Lowalangi Fondrege Zalawa:’So samösa nudu dania zamaʼuʼu soi daʼö.+
Lö khöu faʼabölö ibeʼeBa irabu maligemö si no mufoʼöli.’+
12 Daʼa niwaʼö Yehowa:’Simane kubalo samadöni ba mbawa zingo ahe mbiri-biri si dua rozi mazui talinga si tambai,Lö ato göi dania niʼorifi ba gotalua ndraono Gizaraʼeli si dadao ba Zamaria,Ba naha wemörö fondrege zi sökhi hegöi naha wedadao sahono dödö moroi ba Ndramaseko.’+
13 ’Fondrondrongo ba fangelama ngaʼötö Yakobo,’ iwaʼö Yehowa Lowalangi Fondrege Zalawa, Lowalangi samatörö saradadu zorugo.
14 ’Na uhuku ndraono Gizaraʼeli ba luo daʼö börö wamadaöra,*+Hasambalö göi ufaogö wanudugö naha wanunu sumange ba Mbetieli;+Mutaba dania dandru naha wanunu sumange andrö ba aekhu tou ba danö.+
15 Ufakiko nomo niʼogunaʼö ba mbaŵa deu hegöi ba mbaŵa lökhö.’
’Tekiko nomo si so ifö gaza,+Ba adudu nomo segebua,’*+ iwaʼö Yehowa.”
Nisura ba gahe zura
^ Mazui te ”na lö hadöi lakhö”.
^ Mazui ”wanawöra oroisa”.
^ Mazui ”oya nomo sagadudu”.