Amosi 4:1-13
4 ”He yaʼami ira alawe si toröi ba Hili Zamaria,+ mifondrondrongo daʼa:Yaʼami andrö hulö zawi si so ba Mbazana.
Milimo niha si tebai+ ba mifakao niha si numana.
Mimane khö woʼomomi ira matua,* ’Ohe ba daʼa duo enaʼö tabadu!’
2 No fahölu Yehowa Lowalangi Fondrege Zalawa börö me no niʼamoniʼö ia,’”Ba luo daʼö dania, latawi ami ba naha wanawi nagole,Ba si toröinia, latawi ba gai giʼa.
3 Ba möi ami dania baero, mitörö göli si no atöla si so fönami;Mufofanö ami ba Haramono,” iwaʼö Yehowa.’
4 ’Miʼaeʼe ba Mbetieli ba mifalua horö!*+
Miʼaeʼe ba Giligala ba miʼoyaʼö wamalua horö!+
Miʼohe zumange+ ba zihulö wongi,Ba miʼohe zi sambua niʼofulu+ ba ngaluo si tölu.
5 He yaʼami iraono Gizaraʼeli, mitunu roti si no mufaruka ragi tobali sumange fangandrö saohagölö!+
Miʼombakhaʼö hadia manö niʼohemi si tobali tolo-tolo si no aoha gölö fameʼe!
Börö me omasi ami wamalua daʼö,’ iwaʼö Yehowa Lowalangi Fondrege Zalawa.
6 ’Ufatörö lofo* ba mbanuami maʼafefu,Simanö göi waʼambö roti ba nomomi.+
Hizaʼi lö mifuli ami khögu,’+ iwaʼö Yehowa.
7 ’Lö utorugö deu khömi tölu waŵa fatua lö mamasi.+
Utorugö deu ba zi sambua banua, ba lö ubeʼe ba mbanua böʼö.
So danö si göna teuHizaʼi so göi danö soköli börö me lö aekhu deu.
8 Niha moroi ba zi dombua banua mazui tölu banua, mangole-ngolea ira weʼamöi ba zi sambua banua ba wangalui idanö,+Ba löʼö saʼatö döhö waʼowökhi dödöra.
Hizaʼi, lö mifuli ami khögu,’+ iwaʼö Yehowa.
9 ’Ufatörö khömi nangi saukhu hegöi fökhö zinanö.+
Hewaʼae miʼeboloʼö kabu hegöi kabu nagu khömi,Ahori iʼa tamo fefu döla geu ara awö döla zaitu khömi.+
Hizaʼi, lö mifuli ami khögu,’+ iwaʼö Yehowa.
10 ’Ufatörö khömi wökhö waba simane nifaluagu ba danö Miserai.+
Ubunu ndraonomi matua faoma föda+ ba larabu fefu kudomi.+
Aböu oboula dania nosemi börö waʼoya mboto zi mate.+
Hizaʼi, lö mifuli ami khögu,’ iwaʼö Yehowa.
11 ’Ududugö mbanuamiSimane nifaluagu ba Zodoma hegöi Gomora.+
Hulö geu nidöni ami moroi ba galitö.
Hizaʼi, lö mifuli ami khögu,’+ iwaʼö Yehowa.
12 Börö daʼö yaʼami Izaraʼeli, ufuli zui uhuku ami simane si no ufalua.
Daʼö dania nifaluagu.
Mifaʼanö ami, yaʼami iraono Gizaraʼeli ba wangondrasi Lowalangi.
13 Yaʼia zamasindro hili+ ba samazökhi angi;+Ifatunö ba niha hadia zi so ba wangera-ngerania;Sombaliʼö sogömi-gömi faʼamoluo,+Ba mowaö-waö ia ba nahia sagalawa ba gulidanö;+Töinia Yehowa Lowalangi samatörö saradadu zorugo.”
Nisura ba gahe zura
^ Mazui ”zokhö yaʼami”.
^ Mazui ”ba mifalua wamadaö!”
^ Sin.: ”Uʼafusiʼö nifömi”.