Amosi 5:1-27
5 ”He yaʼami iraono Gizaraʼeli, mifondrondrongo wehede daʼa, niʼanunöisigu si tobali ngenu-ngenu,
2 ’No alabu nono alawe andrö yaʼia daʼö Izaraʼeli ba mbanuania samösa;Tebai mozizio ia.
No laröi ia fefu;Lö hadöi samazawa yaʼia.’
3 ”Daʼa niwaʼö Yehowa Lowalangi Fondrege Zalawa:
’Banua si möi fasuwö samatenge si saribu saradadunia, hatö otu zi toröi,Ba samatenge si daotu saradadu, hatö dafulu zi toröi. Daʼö zalua ba ndraono Gizaraʼeli.’+
4 ”Daʼa niwaʼö Yehowa ba ndraono Gizaraʼeli:
’Miʼalui ndraʼo enaʼö auri ami.+
5 Böi miʼalui Mbetieli,+Böi miʼaeʼe ba Giligala+ mazui ba Mbere-seba,+Börö me muʼoloiʼö dania niha Giligala,+Ba mududugö* Mbetieli.
6 Miʼalui Yehowa enaʼö auri ami,+Enaʼö lö tobali ia alitö sanunu ngaʼötö Yosefo,Ikhozi Mbetieli ba lö si tola mamunu hola-hola galitönia.
7 Mibaliʼö sinanö safeto waʼatulö andrö.
No mitiboʼö waʼatulö ba gulidanö.+
8 Yaʼia Zomböi orudua ndröfi Kima* hegöi orudua ndröfi Kesil,*+Samaliʼö sogömi-gömi tobali sihulö wongi,Samaliʼö si maʼökhö tobali si bongi,+Sogaoni idanö nasi,Enaʼö inönöi gulidanö,+Yaʼia andrö sotöi Yehowa.
9 Ba zi lö mudöna-döna, ihori niha sabölö,Ba idudugö nahia si no mufoʼöli.
10 Fatuwu ira ba niha sameʼe mene-mene ba mbawa göli,Ba fatuwu sibai ira ba niha sangumaʼö sindruhu.+
11 Mifaso niha si numana ba wamuʼa sewa* danö,Ba lö mibato wangai bua gandru khöra.+
Börö daʼö, lö toröi ami ba nomo nifazökhimi moroi ba gara nitaba,+Ba lö saʼae mibadu nagu moroi ba kabu nagu fondrege zi sökhi si no mitanö.+
12 Uʼila wa asese sibai mamadaö ami,*Ba uʼila hawaʼebua horö nifaluami;Mifakao niha satulö,Mitema zölö-sölö,*Ba lö mifalua waʼatulö ba niha si numana ba mbawa göli mbanua.+
13 Ba luo daʼö, lö hede-hede niha si so faʼaboto ba dödö,Börö me daʼö ginötö wamakao.+
14 Miʼalui zi sökhi, tenga si lö sökhi,+Enaʼö lö tebulö auri ami.+
Na mifalua daʼö, lö faröi khömi Yehowa Lowalangi samatörö saradadu zorugo,Simane si no miwaʼö.+
15 Miʼogorofi zi lö sökhi ba miʼomasiʼö zi sökhi.+
Mifalua waʼatulö ba mbawa göli mbanua.+
Maʼatö ihakhösi tödö ngaʼötö Yosefo+ si toröi andröYehowa Lowalangi samatörö saradadu zorugo.’
16 ”Börö daʼö, daʼa niwaʼö Yehowa Lowalangi samatörö saradadu zorugo. Imane Yehowa:
’Terongo li zangenu-ngenu ba golayama misa,Ba dozi niha si so ba lala muʼao ira ba waʼabu dödö.
Lakaoni niha sohalöwö ba danö enaʼö lalau meʼe,Ba lakaoni niha nigazi enaʼö lalau meʼe ba mangenu-ngenu.’
17 ’Terongo li zege-ege ba kabu nagu misa,+Börö me utörö gotaluami ba wanguhuku yaʼami,’ iwaʼö Yehowa.
18 ’Alai ami sombalo-mbaloi ngaluo Yehowa!+
Miwalinga hewisa ngaluo Yehowa andrö?+
Daʼö ngaluo waʼogömi-gömi, tenga haga.+
19 Salua dania ba daʼö hulö niha soloi ba mbawa zingo, hizaʼi falukha ia mberua,Ba me möi ia bakha ba nomo, me ibabaya dowa, idou ia ulö.
20 Faʼogömi-gömi zalua ba ngaluo Yehowa, tenga haga.
Daʼö ngaluo waʼogömi-gömi, tenga sohaga.
21 Fatuwu ndraʼo ba uʼogorofi gowasa nifaluami;+Lö omasido hua zumange nibeʼemi ba gangowuloa niʼamoniʼö.
22 Hewaʼae mibeʼe khögu fefu zumange nitunu awö zumange tanö böʼö,Lö omuso dödögu.+
Lö omasido gurifö satabö nibeʼemi si tobali sumange fangatulö.+
23 Mibato zinunömi andrö, anigo ndraʼo.
Lö omasido ufondrondrongo li wakake zinunö nifosinali.+
24 Akha mangele waʼatulö simane idanö,+Ba mangele waʼatulö simane ungo nidanö si lö irai ogöʼö.
25 Yaʼami iraono Gizaraʼeli, sagötö zi 40 fakhe me so ami ba danö si mate,Hadia no irai mibeʼe khögu zumange nitunu awö zumange tanö böʼö?+
26 Iadaʼa lö tola löʼö mifazawa Zikuti ba Kewana* na teʼoloiʼö ami dania,Yaʼia daʼö famaedo nadu lowalangi döfi andrö nifazökhimi.
27 Utehegö laʼoloiʼö ami ba nahia sabölö aröu moroi ba Ndramaseko,’+ iwaʼö Yehowa Lowalangi samatörö saradadu zorugo.”+
Nisura ba gahe zura
^ Mazui te ”tobali nahia sataʼu niha”.
^ Te orudua ndröfi Belantik (Orion).
^ Te gugus Kartika (Pleiades) si so ba gorudua ndröfi Taurus.
^ Mazui ”pajak”.
^ Mazui ”gefe fondruhö bawa”.
^ Mazui ”misawö huku”.
^ Si dua ngawalö andre te eluahania planet Saturnus niʼolowalangigö.
