Amosi 6:1-14
6 ”Alai niha sohahau tödö* ba Ziona,Ba si lö ametaʼuö ba Hili Zamaria.+
Yaʼira andrö niha si tehöngö ba soi fondrege zabölö.
Ba khöra möi fefu ndraono Gizaraʼeli!
2 Miʼaeʼe ba Galene ba mifaigi.
Moroi ba daʼö, miʼaeʼe ba Hamata banua sebua andrö.+
Aefa daʼö, miʼaeʼe ba Gata banua niha Wilisiti.
Hadia abölö sökhi wamatöröra moroi ba wamatörömi,*Mazui abölö ebua mbanuara moroi ba mbanuami?
3 Hadia miʼodödögö wangolifugö ngaluo wamakao si lö ara tö alua,+Ba lö miböhöli wamalua faʼalösökhi?+
4 No mileagö ami ba naha wemörö nifazökhi moroi ba nifö gaza,+ ba mifadölö ami ba warate;+Miʼa mbiri-biri fondrege zatabö hegöi ono zawi* fondrege zesolo.+
5 Manunö ami ba migoʼö-goʼö li harafa,*+Simane Dawido, mifazökhi ngawalö wakake zinunö.+
6 Mibadu nagu moroi ba mako si no afönu,+Ba mifagule wanikha fondrege zi sökhi ba mbotomi.
Hizaʼi, lö ba dödömi* wamakao salua khö Yosefo.+
7 Börö daʼö, yaʼami zi oföna muʼoloiʼö,+Ba awai saʼae gowasa nifaluami.
8 Imane Yehowa Lowalangi samatörö saradadu zorugo, ’No möi ba hölu Yehowa Lowalangi Fondrege Zalawa ba khönia samösa,+”Fatuwudo sibai waʼasiliyawa Yakobo.+
Fatuwudo maligenia si no mufoʼöli,+Ba ululu mbanua daʼö awö nösinia ba danga nudu.+
9 ”’”Na so dafulu niha ba zi sambua omo, hasambalö mate ira.
10 Tohare dania dalifusöra,* ifazawa ba ibeʼe baero gamatelara andrö, izara-zara wanunu. Iheta mboto* zi mate andrö moroi ba nomo. Aefa daʼö, manofu ia ba niha si so ba mbateʼe tanö bakha, ’Hadia so nasa danö böʼö?’ Lamane, ’Lö hadöi!’ Aefa daʼö imane, ’Böi mihede-hede! Tenga saʼae inötönia iadaʼa wanötöi töi Yehowa.’”
11 Na ibeʼe faretania Yehowa,+Adudu nomo sebua irege tobali akhökhöla,Ba tobali hawu-hawu nomo si gide-ide.+
12 Hadia fagohi kudo ba dete hili sokaraMazui so zolohe urifönia ba daʼö ba wamaku tanö?
Mibaliʼö sinanö solangu waʼatulö andrö,Ba mibaliʼö sinanö safeto mbua zindruhu.+
13 Omuso dödömi ba zi lö moguna,Ba mimane, ”Mamatörö ita* börö waʼabölöda samösa.”+
14 Börö daʼö yaʼami iraono Gizaraʼeli, ufatenge khömi sambua soi solawa yaʼami.+
Lafakao ami iʼotarai Lebo-hamata*+ irugi ba Ndraso Garaba,’ iwaʼö Yehowa Lowalangi samatörö saradadu zorugo.”
Nisura ba gahe zura
^ Mazui ”si faduhu tödö”.
^ Eluahania famatörö Yehuda hegöi famatörö ndraono Gizaraʼeli.
^ Mazui ”sawi sawuyu-wuyu”.
^ Mazui ”wakake zinunö nifosinali”.
^ Mazui ”lö mirasoi waʼafökhö börö”.
^ Sin.: ”döla”.
^ Mazui ”dalifusö namara”.
^ Sin.: ”Tahalö dandru”.
^ Mazui ”lala weʼamöi ba Hamata”.