Amosi 8:1-14
8 Daʼa gangilata nitemagu moroi khö Yehowa Lowalangi Fondrege Zalawa: Sambua raga-raga mbua zinanö sowua ba mbaŵa lökhö.
2 Aefa daʼö imane, ”Hadia niʼilamö, Amosi?” Umane, ”Sambua raga-raga mbua zinanö sowua ba mbaŵa lökhö.” Imane Yehowa, ”No irugi gamozua ba nono mbanuagu Izaraʼeli. Lö saʼae uʼefaʼö zalara.+
3 ’Ba luo daʼö, tobali fege-ege zinunö nifalua ba gosali,’+ iwaʼö Yehowa Lowalangi Fondrege Zalawa. ’Fahöna dania mboto zi mate nitiboʼö misa,+ ba lö nini-nini.’
4 Mifondrondrongo daʼa yaʼami sohundra-hundra niha si numana,Ba samunu niha si so fangide-ngideʼö ba soi daʼa.+
5 Mimane, ’Hawaʼara awai gowasa mbaŵa si bohou+ enaʼö möiga mamawa gandru?
Hawaʼara awai Zabato andrö+Enaʼö tola maʼide-ideʼö zuʼa-suʼa,*Madouʼö mböli,*Ba malimo niha ba kilo,+
6 Enaʼö tola maʼöli niha si tosasa faoma firö,Ba maʼöli niha si numana simane böli zi safasa sandrala,+Ba mafamawa zi toröi mbua gandru si lö baga.’
7 No möi ba hölu Yehowa khönia samösa, Lowalangi nifolakhömi Yakobo,+’Lö irai uʼolifugö fefu nifaluara.+
8 Börö daʼö, modögö dania mbanua daʼa,*Ba abu dödö nono mbanuania.+
Tobali ira simane Ungo Nidanö Nilo si falawu,Ba modulu simane Ungo Nidanö Nilo ba Miserai.’+
9 Imane Yehowa Lowalangi Fondrege Zalawa,’Ba luo daʼö, aekhu luo ba zi talu maʼökhö,Ba ogömi soi daʼa ba zi maʼökhö.+
10 Ubaliʼö fangabu dödö gowasa nifaluami,+Ba ubaliʼö ngenu-ngenu fefu zinunömi.
Uʼasogö khömi wangabu dödö simane na mate nono si ha sambua,Irege dozi niha laʼonukha goni ba löwi-löwira ba latöwö mbura.
Amozua ngaluo daʼö dania ba faʼabu dödö sabölö-bölö.’
11 Imane Yehowa Lowalangi Fondrege Zalawa,’Ba luo daʼö dania, uʼasogö mbaŵa lofo ba soi daʼa,Tenga faʼolofo ba gö ba tenga faʼowökhi dödö ba nidanö,Hizaʼi, faʼolofo ba wamondrondrongo taromali Yehowa.+
12 Mangole-ngolea wofanöra iʼotarai nasi si sambua numalö ba zi sambua,Iʼotarai moroi yöu numalö ba gatumbukha luo.
Laʼanöröi danö wangalui taromali Yehowa, hizaʼi lö lasöndra.
13 Ba luo daʼö, ono alawe si sökhi bawa hegöi ono matua,Tolea ira tou ba danö börö waʼowökhi dödö.
14 Yaʼira andrö niha si möi ba höluSalahi lowalangi faya ba Zamaria,*+Ba Dano+ hegöi ba Mbere-seba.*+
Alabu ira ba tebai saʼae maoso.’”+
Nisura ba gahe zura
^ Mazui ”gulidanö”.
^ Sin.: ”Salahi zala nifalua Zamaria”. Eluahania fasala ira börö nadu si so ba Zamaria.
^ Sin.: ”lala si numalö ba Mbere-seba”. Te daʼa lala si numalö ba naha wamosumange adu si so ba daʼö.
