Amosi 9:1-15
9 Ba uʼila no mozizio Yehowa+ yawa ba naha wanunu sumange ba imane, ”Bözi högö gehomo daʼö irege modögö dane-danenia. Taba högö gehomo daʼö, ba ubunu dania fefu niha si toröi ba daʼö faoma föda. Samösa lö si tola moloi mazui si tola mangorifi yaʼia.+
2 Hewaʼae lakhao danö ba waminiʼö yaʼira ba Lewatö,*Uhalö ira moroi ba daʼö faoma tangagu.
Na möi ira ba dalu mbanua,Uʼohe ira si tou.
3 Na labiniʼö ira ba zuzu Hili Garimeli,Uʼalui ba uhalö ira moroi ba daʼö.+
Na labiniʼö ira moroi ba duduma hörögu ba doyo nasi,Ufaretakö gulö ba wondrou yaʼira ba daʼö.
4 Na laʼoloiʼö ira ba naha nudu,Ufarou wöda ba wamunu yaʼira ba daʼö.+
Unehegö ira ba wameʼe khöra famakao, tenga howu-howu.+
5 Lowalangi Fondrege Zalawa, Yehowa samatörö saradadu zorugo dania zombambaya banua daʼa,*Irege modögö ia+ ba abu dödö nono mbanuania maʼafefu.+
Tobali ia simane Ungo Nidanö Nilo si falawu,Ba modulu simane Ungo Nidanö Nilo ba Miserai.+
6 ’Yaʼia zamazökhi ora si numalö ba mbanua si yawa,Samazökhi sagö ba wolumöʼö ulidanö,Sogaoni idanö nasiEnaʼö ifaduwa ba gulidanö misa,+Yaʼia zotöi Yehowa.’+
7 Imane Yehowa, ’He yaʼami iraono Gizaraʼeli, hadia tenga simane ngaʼötö niha Gusi ami ba wamaigigu?
Hadia tenga yaʼo zangeheta yaʼami moroi ba danö Miserai,+Sangeheta niha Wilisiti moroi ba Gereta,+ ba sangeheta niha Ziria moroi ba Giri?’+
8 ’Inehegö wamatörö safönu horö andre Yehowa Lowalangi Fondrege Zalawa,Ba ihori daʼö moroi ba gulidanö.+
Hizaʼi, lö ahori ubunu ngaʼötö Yakobo,’+ iwaʼö Yehowa.
9 ’Börö me ubeʼe faretaEnaʼö mutafiʼö fefu ndraono Gizaraʼeli moroi ba gotalua soi böʼö,+Simane niha samaza-mazaule fanafi,Irege lö hadöi ono gara satoru ba danö.
10 Dozi niha samalua horö ba gotalua nono mbanuagu, hasambalö mate ira ba mbawa wöda,Yaʼia daʼö niha sangumaʼö, ”Lö ahatö khöda wamakao ba lö göna khöda.”’
11 ’Ba luo daʼö, ufuli ufazökhi nose Dawido+ si no adudu,Ba ufuli uʼazökhi zi no agatöla.
Uʼazökhi gadudulania,*Ba ufuli ufasindro simane me mböröta,+
12 Irege tobali okhöta nono mbanuagu fefu hadia ia zi toröi ba Gedomo,+Hegöi moroi ba ngawalö soi sangotöigö töigu,’ iwaʼö Yehowa, samalua daʼa fefu.
13 Imane Yehowa, ’Hiza! Ba luo daʼö dania,No irugi inötö wamaku tanö fatua lö sawai mbaŵa wamasi,Ba no irugi inötö wamazaewe tanömö fatua lö sawai muhundra-hundra mbua nagu.+
Mowöi nagu sami ba hili,+Ba fahöna* mbua nagu ba hili-hili.+
14 Uʼohe mangawuli nono mbanuagu Izaraʼeli si no muʼoloiʼö,+Ba lafuli lafazökhi mbanua si no laröi, ba toröi ira ba daʼö.+
Lafazökhi kabu nagu ba labadu mbuania,+Lafazökhi kabu ba laʼa mbuania.’+
15 ’Utanö ira ba mbanuara,Ba lö saʼae mudeha iraMoroi ba mbanua si no ubeʼe khöra,’+ iwaʼö Yehowa Lowalangimi.”
Nisura ba gahe zura
^ Mazui ”Syeol”. Faigi Geluaha Ngawua Wehede.
^ Mazui ”ulidanö”.
^ Mazui ”gadudulara”.
^ Mazui ”mowöi”.
