Esera 1:1-11
1 Enaʼö itörö niwaʼö Yehowa nifaʼemania khö Yeremia,+ ba ndröfi siföföna wamatörö Razo Kiro+ moroi ba Weresia, ifarou dödönia Yehowa ba wameʼe angombakhata ba zi sagörö famatörönia ba isura göi daʼö ba zura.+ Ösinia:
2 ”Imane Razo Kiro moroi ba Weresia, ’No ibeʼe khögu Yehowa, Lowalangi samatörö sorugo fefu wamatörö ba gulidanö,+ ba no ituyu ndraʼo wamazökhi omo khönia ba Yeruzalema+ si so ba Yehuda.
3 Gofu haniha ba gotaluami zi no tobali ono mbanuania, yafao khönia Lowalangi. Yamangawuli ia ba Yeruzalema, ba Yehuda ba wamazökhi mangawuli omo Yehowa, Lowalangi ndraono Gizaraʼeli. Yaʼia Lowalangi sindruhu, ba so nomonia mböröta ba Yeruzalema.*
4 Gofu haniha zi fatewu,+ gofu hezo so ira, yamutolo ia si faola omo khönia* ba wameʼe khönia firö, anaʼa, gama-gama ba urifö hegöi sumange si no aoha gölö fameʼe ba nomo Lowalangi sindruhu+ si so ba Yeruzalema.’”
5 Aefa daʼö, ira sondröniaʼö moroi ba nösi nomo mado Yehuda ba mado Mbeniami, ira ere, niha Lewi, yaʼia daʼö fefu niha si no ifarou tödö Lowalangi sindruhu, lafaʼanö ira weʼamöi mamazökhi mangawuli omo Yehowa si so ba Yeruzalema.
6 Dozi niha ba zi fasuira latuhini wameʼe tolo-tolo si no aoha gölö fameʼe andrö, firö, anaʼa, gama-gama, urifö hegöi fakake sebua böli.
7 Ibeʼe göi baero gama-gama andrö Razo Kiro nihalö Nebukanesa moroi ba nomo Yehowa si so ba Yeruzalema ba si no iʼiröʼö ba gosali lowalanginia.+
8 Razo Kiro moroi ba Weresia, ifataro zololohe kefe sotöi Miteredata ba wolohe gama-gama andrö. Aefa daʼö, Miteredata zamasuraʼö fefu gama-gama andrö ba ibeʼe khö Sesibasa,*+ samösa sondröniaʼö ba Yehuda.
9 Daʼa gama-gama andrö: 30 ngawua raga-raga moroi ba ganaʼa, 1.000 ngawua raga-raga moroi ba wirö, ba 29 ngawua moroi ba naha tanö böʼö.
10 So göi 30 ngawua mako side-ide moroi ba ganaʼa, 410 ngawua mako side-ide moroi ba wirö ba 1.000 ngawua gama-gama tanö böʼö.
11 Faʼoya fefu fakake nifazökhi moroi ba wirö hegöi anaʼa yaʼia daʼö 5.400 ngawua. Iʼohe fefu fakake andrö Sesibasa me aheta niha niʼoloiʼö+ moroi ba Mbabilona numalö ba Yeruzalema.
