Esera 10:1-44
10 Me mangandrö Gesera+ ba ifatunö horö soinia si fao feʼe, ituhi danö föna nomo Lowalangi sindruhu, ato ndra matua, ira alawe hegöi iraono ba soi Gizaraʼeli zamasui yaʼia ba laduhugö wege-ege.
2 Humede Zekhania ono Yehieli+ ngaʼötö Gelama,+ imane khö Gesera, ”No faröi ita khö Lowalangida börö me tahalö foʼomoda* ndra alawe soi daʼa.+ Hewaʼae simanö, lö saetu wanötöna Gizaraʼeli.
3 Iadaʼa, datalau fawuʼu li khö Lowalangida,+ wa tafofanö fefu ndra alawe daʼö awö ndraonora, simane niwaʼö Yehowa hegöi niha sangataʼufi oroisa Lowalangida.+ Dataʼoʼö zi so ba Goroisa Moze.
4 Ozizio, noro dödöu daʼa, ba matolo ndraʼugö. Böi ataʼufi ba falua.”
5 Mozizio Gesera ba iwaʼö khö ndra kafalo gere, niha Lewi, ba fefu ndraono Gizaraʼeli enaʼö fawuʼu li ira ba wamalua si no lawaʼö.+ Börö daʼö, lalau fawuʼu li.
6 Mofanö Gesera föna nomo Lowalangi sindruhu numalö bakha ba naha wemanga khö Yohanano ono Geliasibi. Hewaʼae möi ia ba daʼö, lö manga ba lö ibadu nidanö börö waʼabu dödönia ba wamaigi amuata faʼafaröi niha niʼoloiʼö si no mangawuli.+
7 Labeʼe gangombakhata ba zi sagörö Yehuda hegöi ba Yeruzalema wa fefu niha niʼoloiʼö si no mangawuli enaʼö owulo ira ba Yeruzalema.
8 Moloʼö angetula nihalö ndra sondröniaʼö hegöi satua mbanua, haniha zi lö tohare ba zi tölu hari hasambalö lafofanö ia ba gotalua niha niʼoloiʼö si no mangawuli ba lahalö fefu gokhötania.+
9 Börö daʼö, owulo fefu ndra matua si so ba Yehuda hegöi Beniami ba Yeruzalema ha ba zi tölu hari ba ngaluo si 20 ba mbaŵa si 9. Modadao ira fefu ba golayama nomo Lowalangi sindruhu si fao fanizi-nizi börö waʼataʼu hegöi teu sabölö-bölö.
10 Mozizio Gesera imane khöra, ”No faröi ami fefu me mihalö foʼomomi ndra alawe moroi ba soi böʼö.+ Minönö horö Gizaraʼeli.
11 Iadaʼa, mifatunö horömi khö Yehowa Lowalangi ndra tuami, ba mifalua zomasi ia. Mifabali ami ba soi si fasui yaʼami ba moroi khö woʼomomi si otarai soi böʼö.”+
12 Ba latema linia fefu niha sato ebua lira lamane, ”Mafalua fefu zi no öwaʼö.
13 Hizaʼi, ato sibai niha sowulo ba daʼa ba moteu nasa. Tebai mosindroga baero, ba lö awai daʼa ba zi sahari mazui ba zi dua hari börö me ato sibai zi no mamalua horö.
14 Maʼandrö khöu, tehegö khö ndra sondröniaʼö ba wosalahini yaʼaga fefu.+ Ba luo böʼö dania, dozi niha si so ba mbanuama si no mangowalu khö ndra alawe soi böʼö, fao ira ndra sondröniaʼö awö zanguhuku moroi ba mbanuama zamösana, möi ira ba daʼa irege lö saʼae mofönu khöma Lowalangi ba zalua andre.”
15 Hizaʼi, lö fao dödö Yonata ono Gazaheli ba Yehasia ono Dikiwa. Fao khöra Mesula ba Sabataʼi+ moroi ba mado Lewi.
16 Hewaʼae simanö, niha niʼoloiʼö si no mangawuli andrö lafalua zi no lafabuʼu. Ba ngaluo siföföna ba mbaŵa si fulu, ifalua rafe ere sotöi Esera ba wamatunö salua andre ba fao göi ndra sondröniaʼö ba nösi nomo zatua ira matua khö ndra niha si no tesura töi.
17 Ba ngaluo siföföna ba mbaŵa siföföna, awai lafatunö fefu huhuo andrö ba niha si no mangai ira alawe niha baero.
18 So göi nono gere sangowalu ba ndra alawe niha baero,+ yaʼia daʼö iraono matua moroi khö Yesua+ ono Yosadaki, ba talifusönia matua sotöi Maʼaseya, Eliezeri, Yaribi ba Gedalia.
19 Fawuʼu li ira* wa hasambalö lafofanö woʼomora. Baero daʼö, börö me no fasala ira, labeʼe ero samösa sageu mbiri-biri si matua moroi ba guriföra tobali sumange.+
20 Daʼa döi-töi niha si no mamalua horö. Moroi ba nösi nomo Gimeri:+ Hanani ba Sebadia.
21 Moroi ba nösi nomo Harimi:+ Maʼaseya, Elia, Semaya, Yehieli ba Usia.
22 Moroi ba nösi nomo Wasuri:+ Eliyoenai, Maʼaseya, Simaʼeli, Netaneʼeli, Yosabada ba Eleasa.
23 Moroi ba mado Lewi: Yosabada, Simeʼi, Kelaya (mazui Kelita), Fetaya, Yehuda ba Eliezeri.
24 Moroi ba gotalua zanunö: Eliyasibi. Moroi ba gotalua zanaro bawa göli: Salumi, Telemi ba Uri.
25 Moroi ba gotalua ndraono Gizaraʼeli, ösi nomo Wareo:+ Ramia, Yisia, Malakhia, Miyamini, Eleazari, Malakhia ba Benaya.
26 Moroi ba nösi nomo Gelama:+ Matania, Zakharia, Yehieli,+ Abidi, Yeremoto ba Elia.
27 Moroi ba nösi nomo Zatu:+ Eliyoenai, Eliasibi, Matania, Yeremoto, Sabada ba Asisa.
28 Moroi ba nösi nomo Mbebai:+ Yohanano, Hanania, Sabai ba Atalai.
29 Moroi ba nösi nomo Mbani: Mesula, Malukha, Adaya, Yasubi, Seala, ba Yeremoto.
30 Moroi ba nösi nomo Wahata-moabi:+ Adena, Kelala, Benaya, Maʼaseya, Matania, Besaleʼeli, Binui, ba Manase.
31 Moroi ba nösi nomo Harimi:+ Eliezeri, Yisia, Malakhia,+ Semaya, Simeoni,
32 Beniami, Malukha, ba Semaria.
33 Moroi ba nösi nomo Hasumi:+ Matanai, Matata, Sabada, Elifeleti, Yeremai, Manase ba Simeʼi.
34 Moroi ba nösi nomo Mbani: Madai, Ameramo, Ueli,
35 Benaya, Bedia, Keluhi,
36 Fania, Meremoto, Eliasibi,
37 Matania, Matanai ba Yaʼasai.
38 Moroi ba nösi nomo Mbinui: Simeʼi,
39 Selenia, Natano, Adaya,
40 Makhanadabai, Sasai, Sarai,
41 Asareʼeli, Selemia, Semaria,
42 Salumi, Amaria ba Yosefo.
43 Moroi ba nösi nomo Nebo: Yeieli, Matitia, Sabada, Sebina, Yadaʼi, Yoeli ba Benaya.
44 Fefu ira no lahalö ndra alawe niha baero tobali foʼomora,+ ba lafofanö woʼomora andrö hegöi iraonora.+
