Esera 8:1-36
8 So ösa ndra sondröniaʼö ba nösi nomo zatuara ira matua si fao khögu moroi ba Mbabilona me mamatörö Razo Aretazasa.+ Daʼa döi-töira moloʼö ngaʼötöra zamösana:
2 Moroi ba nösi nomo Wineha:+ Gereso. Moroi ba nösi Gitamari:+ Danieli. Moroi ba nösi nomo Dawido: Hatusi.
3 Moroi ba nösi nomo Zekhania ba ösi nomo Wareo: Zakharia ba 150 ndra matua nifasuraʼö töi si fao khönia.
4 Moroi ba nösi nomo Wahata-moabi:+ Elieho-enai ono Zerahia ba 200 ndra matua tanö böʼö.
5 Moroi ba nösi nomo Zatu:+ Sekhania ono Yehazieli ba 300 ndra matua tanö böʼö.
6 Moroi ba nösi nomo Gadini:+ Ebedi ono Yonata ba 50 ndra matua tanö böʼö.
7 Moroi ba nösi nomo Gelama:+ Yesiaya ono Gatalia ba 70 ndra matua tanö böʼö.
8 Moroi ba nösi nomo Zefatia:+ Sebadia ono Mikhaʼeli ba 80 ndra matua tanö böʼö.
9 Moroi ba nösi nomo Yoabi: Obadia ono Yehieli ba 218 ndra matua tanö böʼö.
10 Moroi ba nösi nomo Mbani: Selomiti ono Yosifia ba 160 ndra matua tanö böʼö.
11 Moroi ba nösi nomo Mbebai:+ Zakharia ono Mbebai ba 28 ndra matua tanö böʼö.
12 Moroi ba nösi nomo Gasigada:+ Yohanano ono Hakatana ba 110 ndra matua tanö böʼö.
13 Moroi ba nösi nomo Gadonika+ safuria mangawuli: Elifeleti, Yeieli, Semaya ba 60 ndra matua tanö böʼö.
14 Moroi ba nösi nomo Mbigewai:+ Utaʼi, Sabudi ba 70 ndra matua tanö böʼö.
15 Uʼowuloi ira ahatö ba nungo nidanö si numalö ba Gahawa,+ ba toröi ira ba daʼö tölu hari. Hizaʼi, me unehegö niha sato hegöi ere, samösa lö niha Lewi.
16 Andrö ukaoni ndra sondröniaʼö, yaʼia daʼö Eliezeri, Arieli, Semaya, Elinata, Yaribi, Elinata, Natano, Zakharia hegöi Mesula, simanö göi ndra samahaʼö, yaʼia daʼö Yoyaribi ba Elinata.
17 Aefa daʼö, uwaʼö khöra enaʼö möi ira ba wamalukhaisi Ido, sondröniaʼö ba nahia nifotöi Kasifia. Ufatenge ira enaʼö laʼandrö genoni ba nomo Lowalangima khö Gido hegöi khö ndra talifusönia matua yaʼia daʼö ngaʼötö ndra enoni ba gosali* ba Gasifia.
18 Börö me fao khöma Lowalangima, laʼohe göi khöma samösa zatua-tua moroi ba nösi nomo Maheli+ maʼuwu Lewi ono Gizaraʼeli yaʼia daʼö Serebia,+ fao ndraononia hegöi ira talifusönia matua, faʼato fefu 18 niha.
19 Simanö göi Hasabia faoma Yesiaya moroi ba nösi nomo Merari,+ fao dalifusöra matua hegöi iraono matua khöra, faʼato fefu 20 niha.
20 So göi 220 genoni ba gosali* si no tesura töi. Me mböröta, ifohalöwö ira Dawido hegöi ira sondröniaʼö ba wanolo niha Lewi.
21 Aefa daʼö, ubeʼe gangombakhata enaʼö fuasö ndraʼaga ba Nungo Nidanö Gahawa, ba maʼide-ideʼö ndraʼaga föna Lowalangima. Maʼandrö khö Lowalangi enaʼö ibeʼe khöma wanuturu lala sagötö fofanöma, yaʼaga, iraonoma hegöi haratoma.
22 Ailado wangandrö fanolo khö Razo enaʼö ifatenge ndra saradadu hegöi si fakudo solumöʼö yaʼaga ba danga nuduma ba lala, börö me no mawaʼö khö Razo ba zilalö, ”Lö aefa danga Lowalangima ba zangalui yaʼia.+ Ba iforomaʼö waʼabölö hegöi fönunia ba niha sangerogö yaʼia.”+
23 Börö daʼö, fuasö ndraʼaga ba maʼandrö wanuturu lala moroi khö Lowalangi ba ifondrondrongo wangandröma.+
24 Aefa daʼö, ufabali zi 12 kafalo gere yaʼia daʼö Serebia, Hasabia+ hegöi talifusöra si dafulu.
25 Usuʼa wirö, anaʼa hegöi ngawalö fakake yaʼia daʼö tolo-tolo si no aoha gölö fameʼe ba nomo Lowalangi, si no iʼamualagö Razo, ira sameʼe mene-mene khönia, ira sondröniaʼö hegöi iraono Gizaraʼeli maʼafefu si so ba daʼö, aefa daʼö ubeʼe ba danga ndra ere.+
26 Fefu nisuʼagu awö nibeʼegu ba dangara yaʼia daʼö 22,2 ton* wirö, 100 ngawua fakake moroi ba wirö faʼoyania 68,4 kilogram,* 3,4 ton* ganaʼa,
27 ba 20 ngawua mako side-ide moroi ba ganaʼa faʼabuania 1.000 darik,* ba 2 fakake nifazökhi moroi ba tembaga si takile laʼa-laʼa si hulö ganaʼa.
28 Aefa daʼö umane khöra, ”No teʼamoniʼö ami khö Yehowa,+ ba teʼamoniʼö göi fefu fakake andrö. Firö hegöi anaʼa andrö, daʼö zi tobali sumange si no aoha gölö fameʼe khö Yehowa Lowalangi ndra tuami.
29 Mihaogö wondrorogö fakake andrö irege no misuʼa ba zanehe ndra kafalo gere, niha Lewi, ba föna zondröniaʼö moroi ba nösi nomo zatua ira matua ba ndraono Gizaraʼeli si so ba Yeruzalema,+ bakha ba nahia wemanga ba nomo Yehowa.”
30 Aefa daʼö, latema ira ere hegöi niha Lewi wirö andrö, anaʼa, ba fakake si no musuʼa. Latouʼö ba dangara, enaʼö laʼohe ba Yeruzalema ba nomo Lowalangima.
31 Ba ngaluo si 12 ba mbaŵa siföföna,+ mofanö ndraʼaga moroi ba Nungo Nidanö Gahawa+ numalö ba Yeruzalema. Sagötö fofanöma ba lala, lö aefa khöma danga Lowalangima ba itolo ndraʼaga ba danga zi faʼudu hegöi sorabu ba lala.
32 Me marugi Yeruzalema,+ toröi ndraʼaga ba daʼö tölu hari waʼara.
33 Ba ngaluo si öfa, masuʼa wirö, anaʼa, ba fakake ba nomo Lowalangima,+ aefa daʼö matouʼö ba danga Gere Merimoto+ ono Guria. So ba daʼö Geleazari ono Wineha hegöi niha Lewi yaʼia daʼö Yosabada+ ono Yesua ba Noadia ono Mbinui.+
34 Laʼerai fefu fakake daʼö, lasuʼa ba lasura hawaʼabua.
35 Niha niʼoloiʼö sangawuli moroi ba danö saröu andrö, labeʼe zumange nitunu khö Lowalangi ndraono Gizaraʼeli, 12 ngaʼeu zawi si matua+ soguna ba ndraono Gizaraʼeli maʼafefu, 96 mbiri-biri si matua,+ 77 nono mbiri-biri si matua, ba 12 nambi si matua+ tobali sumange fameta horö. Daʼö fefu zumange nitunu khö Yehowa.+
36 Aefa daʼö, mafatunö gangetula Razo+ khö ndra samatörö ba zi sambua provinsi hegöi khö ndra gubernur ba mbanua Yefo Nungo Nidanö.*+ Labeʼe wanolo ba soi daʼa, simanö göi ba nomo Lowalangi sindruhu.+
Nisura ba gahe zura
^ Mazui ”niha Netini”. Sin.: ”niha nibeʼe”.
^ Mazui ”niha Netini”. Sin.: ”niha nibeʼe”.
^ Mazui ”Trans-Oiferati”.
