Esitera 2:1-23
2 Aefa daʼö, me no alö wönu Razo Ahasiwero,+ itörö tödönia gamuata Wasi+ hegöi angetula nibeʼe khönia.+
2 Lö ara, lamane khö Razo ira sangai halöwö khönia, ”Beʼe fareta ba wangalui ono alawe si baga-baga.
3 Fatenge mato hadauga niha weʼamöi ba provinsi nifatöröu+ enaʼö laʼohe ba Gödo Zusa fefu nono alawe si baga-baga, ba nomo ndra alawe.* Nifataro ba wozago iraono alawe andrö yaʼia daʼö Hegai,+ kafalo* hegöi sozago ba nomo ndra alawe. Beʼe khöra ginötö ba wangehao botora.
4 Aefa daʼö, ono alawe sabölö öʼomasiʼö, daʼö zi tobali fangali Ratu Wasi.”+ Fao dödö Razo ba mbua gera-era daʼa ba ifalua daʼö.
5 Ba Gödo Zusa,+ so samösa niha Yahudi sotöi Morodokhai,+ ono Yaʼiri, ono Zimeʼi, ono Gisi mado Mbeniami,+
6 no laʼoloiʼö ia moroi ba Yeruzalema awö niha tanö böʼö, simanö göi Yekhonia*+ razo Yehuda niʼoloiʼö Nebukanesa, razo Mbabilona.
7 Morodokhai andrö zangebuaʼö Hadasa,* yaʼia daʼö Esitera, ono dalifusö namania+ börö me lö hadöi ama ba ina Gesitera. No baga-baga nono alawe daʼa ba adöni dödö niha khönia. Me mate zatuania, ihalö ia Morodokhai tobali ononia.
8 Me laʼombakhaʼö wehede awö huku nifakhoi Razo, ato nono alawe niʼohe khö Hegai+ ba Gödo Zusa, laʼohe göi Gesitera ba gödo razo. Hegai nifataro ba wozago iraono alawe andrö.
9 Omuso dödö Hegai khö Gesitera, ba daʼö ebua dödönia.* Börö daʼö, itatugöi Hegai enaʼö so nifalua ba wangehao boto+ Gesitera, ba lafaʼanö gönia. Ifataro göi dafitu zangai halöwö khönia, yaʼia daʼö iraono alawe si no ifili ba gödo razo. Ifindrakö nasa Gesitera awö zangai halöwö khönia ba nahia fondrege zi sökhi ba nomo ndra alawe.*
10 Lö iʼombakhaʼö Esitera hezo moroi soinia+ mazui ösi nomonia, börö me no iwaʼö khönia Morodokhai+ enaʼö lö itutunö daʼö ba niha.+
11 Ero maʼökhö manörö-nörö Morodokhai föna golayama nomo ndra alawe* ba wamaigi hadia zalua khö Gesitera ba na lö hadia ia khönia.
12 Ero samösa nono alawe, möi ia iʼondrasi Razo Ahasiwero na no aefa itörö wangehao boto ba zi 12 waŵa moloʼö si no latatugöi khöra, yaʼia daʼö önö waŵa wamake fanikha emuri,+ önö waŵa wamake fanikha famayoini,+ ba oya nasa wanikha tanö böʼö fangehao mboto.
13 Aefa daʼö, tola saʼae laʼondrasi Razo. Na mofanö ira moroi ba nomo ndra alawe* numalö ba gödo razo, hasambalö labeʼe gofu hadia niʼandröra.
14 Bongi daʼö, möi nono alawe andrö ba wangondrasi Razo. Mahemolu sihulö wonginia, lafindrakö ia ba nomo tanö böʼö nizago Zaʼasagasa,+ kafalo* ba nomo ndra alawe,* sozago donga razo ba döi. Lö saʼae möi ndra alawe andrö ba wangondrasi Razo na tenga Razo zogaoni yaʼia+ mangawuli börö waʼomasinia.
15 Simane daʼö lala wamaʼanöra Esitera, ono Gabihailo, tana nama Morodokhai andrö si no manou yaʼia tobali ononia.+ Me no irugi inötö khö Gesitera wangondrasi Razo, lö hadöi niʼandrönia baero niwaʼö Hegai, kafalo* hegöi sozago ba nomo ndra alawe. (Dozi niha si no mangila Esitera me luo daʼö, adöni dödöra khönia.)
16 Laʼohe Gesitera föna Razo Ahasiwero ba mbaŵa si fulu, yaʼia daʼö baŵa Tebeti,*+ me no fitu fakhe mamatörö razo.
17 Omasi sibai Razo khö Gesitera, töra moroi ba waʼomasinia khö ndra alawe tanö böʼö. Abölö ebua dödönia ba ifosumange* Gesitera moroi ba nono alawe tanö böʼö. Andrö wa ibeʼe ba högö Gesitera dakula ba tobali ia Ratu+ fangali Wasi.+
18 Aefa daʼö, ifalua gowasa sebua Razo khö Gesitera ba ikaoni fefu zondröniaʼö awö genoninia. Iʼombakhaʼö göi Razo wa teʼefaʼö niha gurunga* si so misa ba provinsi, ba lö iböhöli wameʼe buala ba nono mbanuania moloʼö faʼakayonia.
19 Me lafuli laʼowuloi nono alawe+ ba zi mendrua kali, no modadao Morodokhai ba zinga mbawa göli gödo razo.
20 Simane si no iʼoroisi Morodokhai, lö iʼombakhaʼö haniha nösi nomonia Esitera hegöi soinia.+ Lö iböhöli woloʼö fehede Morodokhai, simane me toröi ia ba nomo.+
21 Me luo daʼö, me modadao Morodokhai ba zinga mbawa göli gödo razo, so darua zondröniaʼö ba gödo razo sanarogö bawandruhö mbateʼe Razo, yaʼia daʼö Bigitana ba Teresi. Mofönu sibai ira khö Razo Ahasiwero ba edöna labunu ia.
22 Me irongo daʼö Morodokhai, iʼanemaiʼö ifatunö khö Ratu Esitera. Andrö fahuhuo Gesitera khö Razo salahi Morodokhai.
23 Me no laʼosisiʼö ba itörö fefu zalua, latawi ndra matua si darua andrö ba döla geu. Lasura fefu daʼa föna Razo ba mbuku waö-waö wamatörönia.+
Nisura ba gahe zura
^ Mazui ”harem”. Daʼa nahia waʼatoröi ndra alawe si tobali foʼomo sindruhu mazui foʼomo ba döi khö razo.
^ Sin.: ”sida-sida”.
^ Hadasa yaʼia daʼö töi Gesitera ba li Heberaiʼo, eluahania ”Tanömö Mirtel”.
^ Mazui ”iforomaʼö waʼomasi si lö faröi”.
^ Mazui ”harem”. Daʼa nahia waʼatoröi ndra alawe si tobali foʼomo sindruhu mazui foʼomo ba döi khö razo.
^ Mazui ”harem”. Daʼa nahia waʼatoröi ndra alawe si tobali foʼomo sindruhu mazui foʼomo ba döi khö razo.
^ Mazui ”harem”. Daʼa nahia waʼatoröi ndra alawe si tobali foʼomo sindruhu mazui foʼomo ba döi khö razo.
^ Sin.: ”sida-sida”.
^ Mazui ”harem si dua”. Daʼa nahia waʼatoröi ndra alawe si tobali foʼomo sindruhu mazui foʼomo ba döi khö razo.
^ Sin.: ”sida-sida”.
^ Mazui ”iforomaʼö waʼomasi si lö faröi khö”.
^ Mazui ”teʼefaʼö niha ba wamuʼa pajak”.
