Esitera 3:1-15
3 Me no awai daʼö fefu, idouʼö Razo Ahasiwero faka Hamano,+ ono Hamedata niha Agagi.+ Ibeʼe khönia dadaoma sabölö alawa moroi khö ndra sondröniaʼö tanö böʼö.+
2 Fefu genoni Razo si so ba mbawa göli gödo razo, mangalulu ira ba latuhi danö föna Hamano, börö me no oroisa Razo daʼö sinangea mufalua khönia. Hizaʼi, lö omasi Morodokhai mangalulu mazui ituhi danö fönania.
3 Börö daʼö, manofu ndra enoni Razo si so ba zinga mbawa göli khö Morodokhai, ”Hana wa lö öʼameʼegö tödö fareta Razo?”
4 Ero maʼökhö lasofu khönia zimane daʼö, hizaʼi lö ifondrondrongo niwaʼöra Morodokhai. Börö daʼö, lafatunö khö Hamano enaʼö lö itehegö alua zimane daʼö+ börö me no ifatunö khöra Morodokhai wa niha Yahudi ia.+
5 Mofönu sibai Hamano+ me iʼila wa lö mangalulu Morodokhai ba ituhi danö fönania.
6 Hizaʼi, lö omasi Hamano na ha Morodokhai nibunu, börö me no lafatunö khönia hezo moroi soi Morodokhai. Ibörögö iʼalui lala Hamano ba wamunu niha Yahudi si so ba zi sagörö famatörö Ahasiwero yaʼia daʼö fefu niha moroi ba soi Morodokhai.
7 Me baŵa siföföna yaʼia daʼö baŵa Nisana,* me no 12 fakhe+ mamatörö Razo Ahasiwero, iʼandrö Hamano ba niha ba wamazaumba Wuri+ (eluahania, dahö-dahö) enaʼö laʼila hadia ngaluo hegöi baŵa si tefaudu ba wamalua niʼera-erania. Dahö-dahö andrö aekhu ia ba mbaŵa si 12 yaʼia daʼö baŵa Adara.*+
8 Imane Hamano khö Razo Ahasiwero, ”So sambua soi si no muzawili ba no fabali-bali misa ba gotalua soi böʼö+ ba provinsi nifatörömö.+ Faböʼö huku khöra moroi ba soi tanö böʼö, ba lö laʼoʼö huku nifakhoi Razo. Rugi ndraʼugö na lafalua manö zomasi dödöra.
9 Na fao dödöu, fazökhi zura sangombakha wa lö tola löʼö tehori ira. Ubeʼe dania 342 ton* wirö si tobali dolo-tolo khö ndra sohalöwö ba gödo enaʼö labeʼe ba naha girö-girö khö Razo.”*
10 Me irongo daʼa Razo, iheta laedurunia si so tandro,+ ibeʼe khö Hamano,+ ono Hamedata niha Agagi,+ udu niha Yahudi andrö.
11 Imane Razo, ”Tola öfalua zomasi dödöu ba soi daʼö hegöi ba gokhötara.”*
12 Aefa daʼö, lakaoni fefu sekretaris+ Razo ba ngaluo si 13 ba mbaŵa siföföna. Lasura+ fefu fareta Hamano, lafaʼema khö ndra samatörö ba zi sambua provinsi, khö ndra gubernur provinsi hegöi khö zondröniaʼö ba ngawalö soi. Ero sambua provinsi, latema zura andrö moloʼö hurufo niʼogunaʼöra, ba ero sambua soi latema ba li niʼogunaʼöra samösa. Lasura döi Ahasiwero ba zura andrö ba lafotandro faoma laeduru Razo.+
13 Lafatenge niha si no mutatugöi tobali tenge-tenge ba wamaʼema sura andrö misa ba provinsi. Ösi zura andrö ba wangohori, ba wamunu hegöi ba wamakiko fefu niha Yahudi, he satua he sawuyu-wuyu, iraono, ira alawe, ha ba zi sahari ba ngaluo si 13 ba mbaŵa si 12 yaʼia daʼö ba mbaŵa Adara,+ ba worabu haratora.+
14 Sura daʼö labaliʼö huku ero sambua provinsi ba laʼombakhaʼö ba soi fefu enaʼö tefaʼanö ira na irugi inötönia.
15 Laʼaliokö wofanö+ ira tenge-tenge andrö börö fareta Razo. Laʼetuʼö huku andrö ba Gödo Zusa.+ Aefa daʼö, modadao Razo hegöi Hamano ba mamadu-madu ira, hizaʼi alua waʼakaliru ba Mbanua Zusa.
Nisura ba gahe zura
^ Mazui te ”Ubeʼe 342 ton wirö ba naha girö-girö khö razo, soguna ba niha samalua daʼö”. Sin.: ”10.000 talenta”. Faigi Lamp. B14.
^ Sin.: ”ba wirö niʼokhögöra”.
