Esitera 6:1-14
-
Itema zumange Morodokhai moroi khö Razo (1-14)
6 Ba zi bongi daʼö lö iʼila mörö Razo. Börö daʼö, iʼandrö enaʼö lahalö ba labaso khönia mbuku waö-waö+ wamatörönia.
2 Ba mbuku daʼö, no musura nifalua Morodokhai me iʼombakhaʼö gera-era zi darua niha sondröniaʼö ba gödo razo ba wanaro bawandruhö, sotöi Bigitana ba Teresi, sedöna mamunu Razo Ahasiwero.+
3 Manofu Razo, ”Hadia zumange hegöi tandra wangandrö saohagölö si no mubeʼe khö Morodokhai ba zi no iʼombakhaʼö andrö?” Lamane ira sangai halöwö khönia, ”Lö mubeʼe khönia hadia ia.”
4 Aefa daʼö imane Razo, ”Haniha zi so ba golayama?” No tohare göi Hamano baero ba golayama+ gödo razo. Omasi ia fahuhuo khö Razo börö me no iʼera-era wotawi mbagi Morodokhai ba gatunga si no ihaogö.+
5 Latema linia ira sangai halöwö khönia, ”Hiza baero Hamano,+ no mozio-zio ia ba golayama.” Imane Razo, ”Mikaoni ia.”
6 Me möi yomo Hamano, imane khönia Razo, ”Na omasi Razo wameʼe sumange ba zi samösa niha, hadia zinangea mufalua khönia?” Imane tödönia Hamano, ”Haniha nasa zomasi ifosumange Razo andrö na tenga yaʼo?”+
7 Andrö imane Hamano khö Razo, ”Na omasiʼö öbeʼe zumange ba zi samösa niha,
8 waʼö ba niha enaʼö laʼohe kudo si no mufotakula awö mbaru razo+ si toʼölö öfake.
9 Ba fatenge samösa zondröniaʼö sabölö lafosumange enaʼö ihenaigö mbaru hegöi kudo. Aefa daʼö, yalafobaru niha somasi öfosumange andrö, ba yafakudo ia wanörö olayama mbanua. Yamuʼao niha fönania, ’Daʼa nifalua ba niha nifosumange Razo!’”+
10 Iʼanemaiʼö imane Razo khö Hamano, ”Aliokö! Ae halö mbaru awö kudo andrö. Falua zawena sibai öwaʼö andrö khö Morodokhai, niha Yahudi si dadao ba zinga mbawa göli gödo razo. Falua fefu zi no öwaʼö, böi ambösi.”
11 Möi Hamano wangai baru hegöi kudo ba ifobaru Morodokhai.+ Aefa daʼö, iʼandrö khö Morodokhai enaʼö fakudo ia ba woʼanöröi olayama mbanua. Muʼao-ao ia föna Morodokhai, ”Daʼa nifalua ba niha nifosumange Razo!”
12 Aefa daʼö, mangawuli Morodokhai ba zinga mbawa göli gödo razo. Hizaʼi, iʼaliokö wangawuli Hamano ba nomonia, abu sibai dödönia ba no ibalugö högönia.
13 Itutunö zalua andrö Hamano khö woʼomonia Seresi+ awö khö ndra awönia. Ba lamane khönia ira niha satua-tua hegöi Seresi, ”No kala ndraʼugö föna Morodokhai. Na duhu ngaʼötö niha Yahudi ia, tebai möna ndraʼugö wolawa yaʼia. Hasambalö kala ndraʼugö fönania.”
14 Me fahuo-huo ira khönia, tohare ndra sondröniaʼö ba gödo razo. Lafaondragö Hamano weʼamöi ba gowasa nifalua Gesitera.+