Esitera 7:1-10
7 Ba möi Razo hegöi Hamano+ ba gowasa nifalua Ratu Esitera.
2 Ba ngaluo si dua, me labadu nagu manofu zui Razo khö Gesitera, ”Hadia zomasiʼö Ratu Esitera? Hasambalö ubeʼe khöu. Hadia niʼandrömö? Hewaʼae öʼandrö matonga moroi ba wamatörögu, hasambalö ubeʼe khöu!”+
3 Imane Ratu Esitera, ”Na ebua dödöu khögu, ba na fao dödöu, uʼandrö khöu lumöʼö waʼaurigu hegöi soigu.+
4 Noa sa lafamawa ndraʼo+ hegöi soigu enaʼö tehori, labunu, ba lafakiko.+ Na niʼamawa menaʼö ndraʼaga tobali sawuyu, he ira matua hegöi ira alawe, ba lö hede-hedegu. Hizaʼi, tenga sinangea alua wamakao daʼa börö me yaʼugö dania zi rugi.”
5 Manofu Razo Ahasiwero, ”Haniha zi barani wamalua daʼö, hezo ia?”
6 Imane Esitera, ”Udu hegöi samakao yaʼaga andrö yaʼia zotöi Hamano, niha si lö sökhi andre.”
Ataʼu sibai Hamano khö Razo hegöi khö Ratu.
7 Si fao fönu, mosindro Razo ba iröi gowasa famadu agu andrö, idölö ia ba golayama gödo razo. Ba mosindro Hamano, iʼandrö khö Ratu Esitera enaʼö ihakhösi tödö ia, börö me iʼila wa hasambalö ihuku ia Razo.
8 Me mangawuli Razo moroi ba golayama gödo razo, iʼila wa no ituhi danö Hamano föna dadaoma Gesitera. Imane Razo, ”Hadia ihoröni göi ratu ba nomogu?” Me no aefa iwaʼö daʼö Razo, labalugö mbawa Hamano.
9 Imane Harabona,+ samösa sondröniaʼö ba gödo razo, ”No ifazökhi Hamano gatunga ba wamunu Morodokhai,+ sangefaʼö Razo moroi ba wamunu.+ So ba nomonia gatunga andrö, faʼalawania mato 22 meter.”* Imane Razo, ”Mitawi ia ba daʼö.”
10 Ba latawi Hamano ba gatunga andrö nifazökhinia khö Morodokhai, ba awena alö wönu Razo.
