Ba Mbanua Niha Keriso ba Wilifi 3:1-21
3 Ba gafuriata yaʼami ira talifusö, böi miböhöli waʼomuso dödö ba khö Zoʼaya.+ Lö abua khögu ufuli usura wehedegu si no usura khömi. Soguna khömi daʼa.
2 Miʼangelama ba niha si hulö nasu,* miʼangelama ba niha si lö sökhi. Miʼangelama ba niha somasi enaʼö lasuna ami.+
3 Yaʼita zindruhunia zi no lasuna,+ börö me tafalua halöwö niʼamoniʼö si fao fanolo geheha niʼamoniʼö moroi khö Lowalangi, omuso dödöda ba khö Keriso Yesu+ ba lö taʼodaligö waʼabölö ba waʼaniha,
4 hewaʼae sindruhunia tola manö uʼodaligö waʼabölö ba waʼaniha.
Oya zi tobali dane-dane enaʼö uʼodaligö waʼabölö ba waʼaniha moroi ba niha böʼö:
5 Lasuna ndraʼo me no walu bongi,+ ngaʼötö Gizaraʼeli ndraʼo, moroi ba mado Mbeniami, yaʼo niha Heberaiʼo ba satuagu göi niha Heberaiʼo.+ Samösa Farizaiʼo ndraʼo sonekhe ba huku,+
6 terou sibai dödögu wamakao banua niha Keriso,+ ba lö mosinegu ndraʼo ba wamalua satulö moloʼö huku.
7 Hadia zamohare yaʼo me föna no uʼaohasi gölögu wondröi daʼö iadaʼa börö Keriso.+
8 Uwaʼö tödögu, no tobali famaʼala daʼö fefu börö me ebua mböli waʼaboto ba dödö sanandrösa khö Keriso Yesu, Soʼaya yaʼo. Börö ia wa uröi fefu hadia ia ba ubaliʼö sasao enaʼö tola ukhamö Keriso
9 ba tehöngö wa ha sambua ndraʼo khönia, tenga börö me atulö ndraʼo ba wamalua Oroisa Moze, hizaʼi börö me mamatido+ khö Keriso+ irege atulö ndraʼo iwaʼö Lowalangi.+
10 Omasido na aboto ba dödögu haniha ia hegöi sanandrösa ba waʼabölö zanusugi yaʼia,+ fao ndraʼo ba wamakao simane yaʼia,+ ba mate simane yaʼia,+
11 enaʼö yaʼo zi oföna tesusugi moroi ba gotalua niha si no mate.+
12 Sindruhu sa, lö nitemagu nasa ba lö soʼahonoa ndraʼo. Uforege enaʼö ukhamö+ börö me no ifili ndraʼo Keriso Yesu ba wogamö daʼö.+
13 Yaʼami ira talifusö, lö uwaʼö tödögu no ukhamö ia. Hizaʼi, si no tatu, börö me uröi fefu hadia ia+ ba uforege enaʼö ukhamö zi so miföna,+
14 fagohi ndraʼo ba wogamö buala+ moroi khö Lowalangi yaʼia daʼö fogaoni ba zorugo+ ba khö Keriso Yesu.
15 Börö daʼö, yaʼita si no aro ba wamati,+ yataʼokhögö wangera-ngera ba amuata simane daʼö, ba na aolo wangera-ngerami ba danö böʼö, ifatunö khömi Lowalangi hewisa zatulönia.
16 Sabölö moguna, enaʼö tedou ita simane si no tafalua barö daʼa.
17 Yaʼami ira talifusö, miʼoʼö ndraʼo,+ ba mifaigi göi niha si no manörö lala duma-duma nibeʼema khömi.
18 Ato sibai zoʼuduni ba sangosiwawöi faʼamate Keriso ba döla geu famakao.* No asese udunö-dunö ira khömi, ba ufuli zui ufatunö khömi iadaʼa si fao feʼe.
19 Amozuara waʼatekiko, ba lowalangira dalura. Omuso dödöra ba waʼailara ba ha ösi gulidanö nifatou-toura.+
20 Hizaʼi, yaʼita ono mbanua+ sauri ba zorugo+ ba tadöna-döna zangefaʼö yaʼita si so ba daʼö, yaʼia Zoʼaya yaʼita Yesu Keriso,+
21 sangokhögö kuaso sebua enaʼö ifatörö fefu hadia ia.+ Börö waʼabölö andrö, botoda sambö faʼabölö andre tola ibaliʼö boto sabölö ba solakhömi.+
Nisura ba gahe zura
^ Eluahania niha si lö sökhi ba somasi-masi mohorö.
^ Faigi Geluaha Ngawua Wehede.
