Habakuki 3:1-19
3 Fangandrö Habakuki samaʼeleʼö ba zinunö fangabu dödö:
2 He Yehowa, no urongo sanandrösa khöu,He Yehowa, ahöli-höli dödögu ba nifaluamö.
Falua göi daʼö ba götöma andre!*
Foromaʼö fefu daʼö ba götöma.*
Na alua waʼafawuka, törö tödöu ba wangoromaʼö khöma faʼahakhö dödö.+
3 Tohare Lowalangi moroi ba Demano,Tohare Niʼamoniʼö andrö moroi ba Hili Warana.+ (Sela)*
Ihawui mbanua si yawa lakhöminia;+Anönö danö wanuno yaʼia.
4 Mohaga ia simane haga luo.+
So dombua haga si otarai dangania,Ba daʼö teʼiröʼö waʼabölönia.
5 Mowaö-waö fönania wökhö waba,+Ba furinia fogikhi.
6 Modögö gulidanö na tebato ia.+
Ba na itöngö ngawalö soi, manaoka ira börö waʼataʼu.+
Adudu hili saro,Ba mangalulu hili-hili si no so iʼotarai mböröta.+
Okhötania lala si so me mböröta.
7 Uʼila wamakao salua ba nose Gusi.
Modögö nukha nose si so ba Midiano.+
8 He Yehowa, hadia mofönu ndraʼugö ba nungo nidanö?
Hadia mohola-hola wönumö khöra?
Hadia mofönuʼö ba nasi+Ba ginötö möiʼö yawa ba hulu kudo?+
Iʼohe waʼamöna* kureta wasuwötamö.+
9 No mufaʼanö ba mubeʼe baero nono wana sinali khöu.
No mufaʼanö ziʼomö* moloʼö hölu si no öwaʼö. (Sela)
Ösila gulidanö faoma ungo nidanö.
10 Mangarö-ngarö hili ba waʼafökhö me laʼila ndraʼugö.+
Alua deu sabölö-bölö.
Mogoso-goso nidanö ba narö danö,+Ba fawura nidanö si yawa.
11 Lö mofanö luo hegöi baŵa ba mbanua si yawa.+
Aefa nono wanamö simane haga.+
Takile dohomö simane gari mbanua.
12 Ba waʼabao dödö ötöröi gulidanö.
Öhundra-hundra ngawalö soi si fao fönumö.
13 Mofanö ndraʼugö ba wangorifi ono mbanuau, ba wangorifi niha si no öbayoini.
Öfakiko niha sondröniaʼö moroi ba nomo niha si lö sökhi.
Ödudugö nomo daʼö, iʼotarai ba wondrasi numalö ba mbumbu. (Sela)
14 Ötaruʼö ba högö ndra saradadu wangöna* niʼokhögöra,Me tohare ira ba wamazawili yaʼaga.*
Omasi sibai ira lahörö-hörögö niha si tosasa ba laʼa.
15 Öʼogunaʼö kudomö ba wangötö asi,Ba wangötö asi sebolo ba sodulu.
16 Me urongo daʼa, lö sökhi-sökhi dödögu;*Me urongo duria daʼa, manizi-nizi mbewegu;Atata dölagu,+Ba manizi-nizi gahegu.
Hizaʼi, uhonogö dödögu ba wombaloi ngaluo safönu abula dödö andrö,+Salua dania ba soi sanuwö yaʼaga.
17 Hewaʼae lö mobowo geu ara,Ba lö mowua döla nagu;Hewaʼae lö mofozu wamasi bua zaitu,Ba lö hadöi ö ba nowi;Hewaʼae taya nambi hegöi biri-biri ba gandra,Ba lö hadöi urifö ba gandra;
18 Hizaʼi na yaʼo, somuso tödö ndraʼo börö Yehowa;Owua-wua dödögu khö Lowalangi sangorifi yaʼo.+
19 Faʼabölögu Yehowa Lowalangi Fondrege Zalawa;+Iʼabölöʼö gahegu hulö gahe mböhöIrege tola utörö nahia sagalawa.+
Nisura ba gahe zura
^ Sin.: ”ba gotalua ndröfi daʼö”.
^ Sin.: ”ba gotalua ndröfi daʼö”.
^ Faigi Geluaha Ngawua Wehede.
^ Mazui ”wangorifi”.
^ Mazui te ”nono wana”.
^ Sin.: ”siʼo”.
^ Sin.: ”yaʼo”.
^ Sin.: ”manizi-nizi dalugu”.
