Hezekieli 15:1-8
-
Yeruzalema andrö töla nagu si lö moguna (1-8)
15 Imane nasa khögu Yehowa,
2 ”He ono niha, hadia gamaehuta döla nagu moroi ba zinanö tanö böʼö mazui daha geu tanö böʼö ba gatua?
3 Hadia tola muʼogunaʼö döla nagu ba wamalua hadia ia? Mazui hadia tola mubaliʼö ia khai-khai ba wosaitagö gama-gama?
4 Latiboʼö daʼö ba galitö. Na no akhozi mbalönia faföfö ba akhozi göi dalunia. Hadia moguna nasa daʼö?
5 Me lö sakhozi nasa ba tebai muʼogunaʼö geu daʼö, mendrua manö me no ahori akhozi!”
6 ”Börö daʼö, daʼa niwaʼö Yehowa Lowalangi Fondrege Zalawa: ’Simane töla nagu nihalö ba gotalua geu si so ba gatua ba ubaliʼö eu galitö, simane daʼö göi dania nono mbanua Yeruzalema.+
7 Utimbagö ira. Hewaʼae aefa ira moroi ba galitö, hizaʼi ba gafuriata hasambalö mate ira ba galitö. Na utimbagö ira, awena dania aboto ba dödömi wa yaʼo Yehowa.’”+
8 ”’Ubaliʼö tanö si lö niha-niha soi daʼa,+ börö me no faröi ira,’+ iwaʼö Yehowa Lowalangi Fondrege Zalawa.”
