Hezekieli 17:1-24
17 Imane nasa khögu Yehowa,
2 ”He ono niha, faʼema dahö-dahö andre hegöi amaedola sanandrösa ba ndraono Gizaraʼeli.+
3 Ömane, ’Daʼa niwaʼö Yehowa Lowalangi Fondrege Zalawa: ”Möi ba Libano+ moyo sebua+ ba sebolo afi, anau mbalö gafinia, atabö mbunia ba molaʼa-laʼa. Manuge ia ba mbutelai geu eresi.+
4 Ifatö mbadö-badö ndraha geu eresi, iʼohe daʼö ba mbanua niha sogale* ba itanö ba mbanua daʼö.+
5 Aefa daʼö, ihalö mato hauga ngawua danömö zinanö ba mbanua daʼö+ ba itanö ba kabu satabö sinanö. Itanö danömö daʼö simane fananö eu wilo sauri ba zinga nidanö sabölö-bölö.
6 Moliwiö danömö daʼö ba tobali tanömö nagu sanana ba danö.+ Tanö bakha manekaoro ndrahania ba tanö tou so waʼania. Tobali ia tanömö nagu, moliwiö ba modaha.+
7 ”’”Lö ara tohare moyo sebua tanö böʼö,+ sebolo afi ba anau mbalö gafinia.+ Iʼanemaiʼö ifanana waʼania tanömö nagu andrö ba gamaudu wofo daʼö, fandröndröu moroi ba kabu nitanö yaʼia. Ifaolo ndrahania ba wofo daʼö enaʼö ibeʼe khönia nidanö.+
8 No mutanö danömö andrö ba kabu si sökhi ba zinga nidanö sabölö-bölö enaʼö modaha, mowua, ba tobali tanömö nagu sahöli-höli dödö.”’+
9 ”Ömane, ’Daʼa niwaʼö Yehowa Lowalangi Fondrege Zalawa, ”Hadia atabö dania zinanö andrö? Hadia lö dania ladeha waʼania+ irege obou mbua ba aleu liwiönia?+ Oköli sibai dania daʼö irege tola mudeha irugi waʼania. Lö moguna niha sato hegöi taʼio sabölö ba wondreha yaʼia.
10 Hewaʼae mufuli mutanö zinanö daʼö ba nahia böʼö, hadia tola atabö ia? Hadia lö oköli ia na ibözi ia angi gatumbukha? Oköli dania ia ba kabu soliwiö yaʼia.”’”
11 Imane nasa khögu Yehowa,
12 ”Fatunö ba soi samadaö andrö, ’Hadia lö miʼila geluaha daʼa fefu?’ Ömane, ’Tohare razo Mbabilona ba Yeruzalema, iʼohe khönia ba Mbabilona razo awö zondröniaʼö si so ba daʼö.+
13 Aefa daʼö, ihalö samösa ngaʼötö razo,+ fawuʼu li ira ba iʼoʼou niha daʼö weʼamöi ba hölu.+ Iʼohe niha si so faka moroi ba mbanua daʼö,+
14 enaʼö teʼailasi wamatörö daʼö ba lö faʼabölö. Ha sambua lala enaʼö aro wamatörö daʼö yaʼia na iʼoʼö fefu mbuʼusa linia.+
15 Hizaʼi ba gafuriata, mamadaö razo Yehuda khö razo Mbabilona.+ Ifatenge niha ba Miserai wangandrö kudo+ hegöi saradadu sato.+ Hadia mofozu nifaluania? Hadia lö tehuku fefu niha samalua daʼö? Hadia lö tehuku ia me no isawö mbuʼusa li andrö?’+
16 ”’”Faya wa no sauri ndraʼo,” iwaʼö Yehowa Lowalangi Fondrege Zalawa, ”na lö mate dania ia ba Mbabilona, ba nahia razo* si no mamataro yaʼia* tobali razo. Iʼaohasi ba dödö hölunia khö razo ba isawö zi no lazazi.+
17 Fefu zaradadu Waraʼo sato sibai ba sabölö, tebai latolo ia+ na tohare zaradadu Mbabilona ba wamazökhi baʼa-baʼa hegöi towa ba wamunu niha sato.
18 Iʼaohasi ba dödö hölu ba isawö zi no izazi. Hewaʼae no fawuʼu li* ia, ifalua fefu daʼa. Tebai aefa ia.”’
19 ”’Daʼa niwaʼö Yehowa Lowalangi Fondrege Zalawa: ”Börö me iʼaohasi ba dödö hölunia+ ba no isawö mbuʼusa linia khögu, faya wa no sauri ndraʼo na lö irasoi lua-luania.
20 Ufazaumba guʼögu khönia, ba alau ia ba guʼö andrö.+ Uʼohe ia ba Mbabilona ba uhuku ia ba daʼö börö me no faröi ia khögu.+
21 Mate ba mbawa wöda ndra saradadunia soloi, ba muzawili misa ba watalinga danö*+ niha si toröi. Aboto dania ba dödömi wa yaʼo Yehowa zangumaʼö yaʼia.”’+
22 ”’Daʼa niwaʼö Yehowa Lowalangi Fondrege Zalawa: ”Uhalö dania liwiö moroi ba mbutelai fondrege zalawa+ ba geu eresi+ salawa andrö ba utanö. Ufatö liwiönia sawuyu-wuyu si so ba mbalö ndraha, ba utanö ba zuzu hili fondrege zalawa.+
23 Utanö ia ba hili salawa ba Gizaraʼeli. Tedou dania ndrahania ba mowua. Tobali ia eu eresi fondrege zi sökhi. Molombase ngawalö wofo ba lumö ndrahania ba toröi ira ba daʼö.
24 Fefu geu si so ba mbenua, aboto dania ba dödöra wa no yaʼo Yehowa zangide-ngideʼö eu sebua ba sangebuaʼö eu side-ide,+ sangoköliʼö eu satabö ba samobowo eu soköli.+ Yaʼo Yehowa zangumaʼö daʼö ba no ufalua.”’”
Nisura ba gahe zura
^ Sin.: ”mbanua Ganaʼana”.
^ Eluahania Nebukanesa.
^ Eluahania Sedekia.
^ Mazui ”faraʼu tanga”.
^ Sin.: ”ba watalinga nangi”.
