Hezekieli 19:1-14
-
Sinunö ngenu-ngenu sanandrösa khö ndra sondröniaʼö iraono Gizaraʼeli (1-14)
19 ”Miʼanunöisi zinunö ngenu-ngenu sanandrösa khö ndra sondröniaʼö iraono Gizaraʼeli
2 ba mimane,’Haniha ninami? Yaʼia andrö hulö zingo si alawe ba gotalua ngawawa zingo.
Mörö ia ba gotalua zingo sawuyu-wuyu ba sagabölö, ba iʼebuaʼö ndraononia.
3 Iʼebuaʼö sageu nononia irege tobali singo sawuyu-wuyu ba sabölö.+
Ifomaha ia ono zingo andrö ba wanasawi ahuluania.
Tola göi iʼa niha.
4 Terongo ba soi böʼö sanandrösa khönia ba laraʼu ia ba dögi nifazökhira,Ladöni ia faoma sinali weʼamöi ba danö Miserai.+
5 Ibalo-baloi ia inania, ba awena aboto ba dödönia wa lö saʼae mangawuli nononia.
Andrö ihalö nononia tanö böʼö ba iʼebuaʼö irege tobali singo sawuyu-wuyu ba sabölö.
6 Mowaö-waö göi zingo daʼö ba gotalua ngawawa zingo, ba tobali ia singo sawuyu-wuyu ba sabölö.
Ifomaha ia ba wanasawi ahuluania ba tola iʼa niha.+
7 Ifasui malige nifoʼöli nifazökhi niha gulidanö ba idudugö mbanuara,Irege terongo weʼaonia ba zi sagörö banua si no muröi andrö.+
8 Tohare soi si so ba zi fasuinia ba wolawa yaʼia ba lafazaumba guʼö khönia.
Aefa daʼö, laraʼu ia ba dögi nifazökhira.
9 Ladöni ia faoma sinali ba laʼohe khö razo Mbabilona.
Lakuru ia ba daʼö, irege lö saʼae terongo weʼaonia ba hili-hili Gizaraʼeli.
10 Inamö andrö hulö danömö nagu*+ nitanö ba zinga nidanö.
Oya mbuania hegöi dahania börö me fahöna nidanö ba daʼö.
11 Aro dania ndrahania ba tola mubaliʼö siʼo ndra samatörö.
Manöi ia tobali eu sabölö alawa moroi ba danö böʼö.
Oroma sibai dania ia börö me alawa ba atabö mbulunia.
12 Hizaʼi, mudeha dania ia+ ba wönu ba mutiboʼö tou ba danö,Oköli mbuania börö nangi gatumbukha.
Mufatö ndrahania sesolo irege oköli+ ba latunu ba galitö.+
13 Iadaʼa, mutanö ia ba danö si mate,Ba danö soköli ba si lö idanö.+
14 Ba numalö misa ba ndrahania galitö andrö, ba iraʼi liwiö awö mbuania,Irege lö hadöi dahania sesolo, lö hadöi saʼae khönia siʼo ba wamatörö.+
”’Daʼö zinunö ngenu-ngenu ba lö tebulö tobali ia sinunö ngenu-ngenu.’”
Nisura ba gahe zura
^ Sin.: ”danömö nagu bakha ba ndromö”.
