Hezekieli 2:1-10
2 Aefa daʼö, imane khögu, ”He ono niha,* ozizio enaʼö tola fahuhuodo khöu.”+
2 Me fahuhuo ia khögu, möi ba dödögu geheha niʼamoniʼö irege mosindro ndraʼo+ enaʼö tola urongo li zi fahuhuo khögu andrö.
3 Aefa daʼö imane, ”He ono niha, ufatenge ndraʼugö ba ndraono Gizaraʼeli,+ ba soi solawa yaʼo.+ Ofeta maʼökhö, no lasawö goroisa nibeʼegu khöra simane nifalua ndra tuara.+
4 Ufatenge ndraʼugö ba ngaʼötö niha si lö faʼaila ba sabeʼe högö.+ Fatunö khöra, ’Daʼa niwaʼö Yehowa Lowalangi Fondrege Zalawa.’
5 Hewaʼae lafondrondrongo hegöi na löʼö börö me soi sabeʼe högö ira,+ hasambalö laʼila wa so zamaʼeleʼö ba gotaluara.+
6 ”Ba yaʼugö ono niha, böi ataʼufi ira.+ Böi ataʼufi wehedera, hewaʼae ifasui ndraʼugö duʼu sodoi* ba toröiʼö ba gotalua dongo.+ Böi ataʼufi wehedera,+ ba böi anizi wamaigi bawara,+ börö me soi samadaö ira.
7 Lö tola löʼö öfaʼema wehedegu khöra hewaʼae lafondrondrongo mazui löʼö, börö me niha samadaö ira.+
8 ”Ba yaʼugö ono niha, fondrondrongo niwaʼögu khöu. Böi mamadaö ndraʼugö simane soi samadaö andrö. Bokai mbawau ba a nibeʼegu khöu.”+
9 Aefa daʼö, uʼila zangoroʼö tangania khögu.+ Ba dangania andrö so sambua gölu-gölu zura.*+
10 Ibokai fönagu gölu-gölu zura daʼö. Tanö föna hegöi tanö furinia,+ no tesura zinunö ngenu-ngenu, fangarö-ngarö ba fege-ege.+
Nisura ba gahe zura
^ Ngawua wehede ”ono niha” tesöndra ia 93 kali ba mbuku Hezekieli, ba daʼa zi oföna.
^ Mazui te ”hewaʼae abeʼe högöra ba hulö gama-gama satarö samahö yaʼugö”.
^ Sin.: ”gölu-gölu zura niʼamoniʼö”.
