Hezekieli 26:1-21
26 Ba ndröfi si 11 ba ngaluo si oföna ba mbaŵa andrö, imane khögu Yehowa,
2 ”He ono niha, imane Tiro sanandrösa ba Yeruzalema,+ ’Sökhi sibai! No adudu mbanua sondrönisi niha moroi ba ngawalö soi.+ Iadaʼa, aʼozu gohitö dödögu ba kayo ndraʼo me no adudu ia.’
3 Börö daʼö, daʼa niwaʼö Yehowa Lowalangi Fondrege Zalawa: ’He yaʼugö Tiro, yaʼo dania zi tobali udumö. Ufatenge ngawalö soi ba wolawa yaʼugö, hulö ndrulu nasi si lö aetu-aetu.
4 Ladudugö göli Diro hegöi maligenia.+ Uhakhösi danönia ba ubaliʼö hili kara salösö mbanua daʼö.
5 Tobali ia naha wolokhoi diala ba dalu nasi.’+
”’Börö me yaʼo zangumaʼö,’ iwaʼö Yehowa Lowalangi Fondrege Zalawa, ’ba larabu ia soi böʼö.
6 Ono mbanuania si so ba mbanua si gide-ide, mate dania ira ba mbawa wöda. Awena dania aboto ba dödö niha wa yaʼo Yehowa.’
7 ”Börö daʼö, daʼa niwaʼö Yehowa Lowalangi Fondrege Zalawa: ’He yaʼugö Tiro, ufatenge moroi yöu+ dania Nebukanesa* razo Mbabilona ba wanuwö yaʼugö. Yaʼia andrö razo yawa razo,+ sangokhögö kudo,+ kureta wasuwöta,+ saradadu si fakudo hegöi saradadu sato.
8 Idudugö mbanuamö si gide-ide faoma föda. Ifazökhi göli hegöi baʼa-baʼa ba zi fasuimö, ba isuwö ndraʼugö faoma baluse sebua.
9 Idudugö dania göli andrö khöu, ihawiagö geu sesolo niʼogunaʼö ba wanudugö ba iʼekhugö tou maligemö faoma fato.*
10 Na tohare kudonia soya sibai ba tebalu ndraʼugö ba gawu-gawu. Modögö fefu dowamö börö li ndra saradadu si fakudo, gaolo-gaolo hegöi kureta wasuwöta na itörö mbawa gölimö, simane saradadu satuʼa ba mbanua si lö baʼa-baʼa.
11 Ahe kudonia dania zohundra-hundra lalamö.+ Ibunu nono mbanuamö ba mbawa wöda ba adudu tou ba danö gehomomö saro.
12 Larabu dania haratomö, nifamawamö,+ ba ladudugö dowa hegöi omomö si baga-baga. Aefa daʼö, latiboʼö ba nidanö fefu gara, eu hegöi tanö niʼokhögöu.’
13 ”’Ubatogö dania zinunöu, ba lö terongo saʼae li harafa niʼokhögöu.+
14 Ubaliʼö ndraʼugö hili kara salösö. Tobali ndraʼugö naha wolokhoi diala.+ Lö irai saʼae laʼehaogö ndraʼugö, börö me yaʼo Yehowa zangumaʼö,’ iwaʼö Yehowa Lowalangi Fondrege Zalawa.
15 ”Daʼa niwaʼö Yehowa Lowalangi Fondrege Zalawa ba mbanua Diro: ’Hadia lö modögö hulo na larongo li waʼadudu mbanuamö, ba ginötö moʼira-ira niha si fao faʼataʼu, na alua wabunusa sabölö-bölö ba zi so yaʼugö?+
16 Fefu zondröniaʼö moroi ba nasi, möi ira tou ba dadaomara ba laheta mbaru sebua awö nukhara si no musoso. Manizi-nizi ira ba waʼataʼu. Modadao ira tou ba danö si fao fanizi-nizi ba ahöli-höli dödöra wamaigi yaʼugö.+
17 Laʼanunöisi khöu zinunö ngenu-ngenu+ ba lamane,
”Ha yaʼugö wondrege zabölö ba nasi mböröta simanö göi nono mbanuamö,+Ataʼu mibeʼe zowanua ba danö!
Hizaʼi, lö hadöi saʼae yaʼugö iadaʼa+ ba lö mowanua niha nasi ba mbanuau.
18 Modögö hulo ba ginötö waʼadudumö.
Abu dödö hulo ba nasi me lö hadöi saʼae yaʼugö.”’+
19 ”Daʼa niwaʼö Yehowa Lowalangi Fondrege Zalawa: ’Ba ginötö uhori ndraʼugö simane banua si lö niha-niha, ba ginötö ufatörö khöu ndrulu nidanö sabölö-bölö, ba na ahöndrö ndraʼugö ba nidanö sabölö ebua,+
20 uʼohe dania ndraʼugö ba mbawa lewatö, simane niha tanö böʼö, ba naha niha si no ara mate. Uröi ndraʼugö ba nahia wondrege zabakha hegöi ba nahia si no ara ladudugö ba fefu niha si no möi tou ba lewatö+ irege lö hadöi niha ba mbanuamö saʼae. Aefa daʼö, ufuli uʼehaogö danö enaʼö mowanua niha ba daʼö.
21 ”’Ufalua khöu zataʼu ndraʼugö ba zi lö ödöna-döna irege mate ndraʼugö.+ Laʼalui ndraʼugö niha hizaʼi lö irai falukha ira khöu,’ iwaʼö Yehowa Lowalangi Fondrege Zalawa.”
