Hezekieli 27:1-36
-
Sinunö ngenu-ngenu sanandrösa ba göfa Diro si no ahöndrö (1-36)
27 Imane nasa khögu Yehowa,
2 ”He ono niha, anunöisi zinunö ngenu-ngenu sanandrösa ba Diro.+
3 Faʼema daʼa ba Diro,’Yaʼugö si toröi ba mbawa göli nasi,Sogale ba soi böʼö moroi ba ngawalö hulo,Daʼa niwaʼö Yehowa Lowalangi Fondrege Zalawa:
”He yaʼugö Tiro, ömane tödöu, ’Sindruhu-ndruhu wa moʼahonoa waʼasökhigu.’+
4 Ba dalu nasi so mbanuamö.
Tuka andrö khöu zamoʼahonoa faʼasökhimö.
5 Lafazökhi khöu wafa moroi ba geu juniper si otarai Zeniri.+
Lahalö geu eresi moroi ba Libano ba labaliʼö döla-döla göfamö.
6 Lafazökhi galukhamö moroi ba geu ek si otarai MbazanaBa tanö fönania moroi ba geu cemara nifoʼuli ifö gaza nihalö ba hulo Gitimi.+
7 Tefazökhi loyo andrö khöu moroi ba nukha si sökhi solaʼa-laʼa nihalö ba danö Miserai.
Tefazökhi tendramö moroi ba mbana sobalau hegöi nukha si ungu laʼa-laʼa moroi ba hulo Welisa.+
8 Ono mbanua Zidona hegöi Ariwadi+ dania zoʼalukhaini köfamö.
He yaʼugö Tiro, niha sogonekhe ba mbanuamö dania zi tobali ono bua göfamö.+
9 Niha sogonekhe ba si toʼölö moroi ba Gebala+ dania zangehaogö sagatöla ba göfa khöu.+
Tohare fefu göfa nasi awö ndra sohalöwö ba göfa andrö ba möi ira mogale khöu.
10 Tobali saradadumö weʼamöi fasuwö dania niha Weresia, Ludi hegöi Futo.+
Khöu lasaitagö mbalusera awö dakula siʼöli, ba tehöngö ndraʼugö labeʼe.
11 Manaro ndra saradadumö yaʼia daʼö niha Gariwadi ba zi fasuimö,Niha si lö faʼataʼu dania zanaro malige khöu.
Lasaitagö mbaluse sowulo-wulo ba zi fasui towa khöuBa moʼahonoa waʼasökhimö labeʼe.
12 ”’”Mogale khöu niha Darisi+ börö waʼakayomö.+ Labeʼe wirö, siʼöli, simo safusi, ba simo saitö si tobali fangali gama-gama niʼölira khöu.+
13 Mogale khöu niha Yawano, Tubala+ hegöi Mesekhi,+ labeʼe khöu zawuyu+ awö gama-gama moroi ba tembaga si tobali fangali gama-gama niʼölira khöu.
14 Labeʼe kudo, kudo wasuwöta hegöi kalide sebua* ira ngaʼötö Dogarima+ si tobali fangali gama-gama niʼölira khöu.
15 Mogale khöu niha Dedano.+ Öfohalöwö ndra sogale moroi ba hulo misa. Labeʼe khöu nifö gaza+ awö geu saitö si tobali beʼelö.
16 Mogale khöu Gedomo börö waʼoya gama-gamamö. Labeʼe khöu gara firusi, nukha si ungu laʼa-laʼa, nukha nisoso solaʼa-laʼa, nukha si sökhi, kara sebua böli moroi ba nasi* hegöi kara mira si tobali fangali gama-gama niʼölira khöu.
17 ”’”Mogale khöu niha Yehuda hegöi iraono Gizaraʼeli, labeʼe gandru moroi ba Miniti,+ ö fondrege zi sökhi, wewani,+ fanikha hegöi fanikha famayoini+ si tobali fangali gama-gama niʼölira khöu.+
18 ”’”Mogale khöu niha Ndramaseko+ börö waʼoya gama-gamamö hegöi faʼakayomö. Labeʼe khöu nagu moroi ba Helebono hegöi nukha moroi ba mbu mbiri-biri si otarai Zakhara.*
19 Labeʼe khöu ziʼöli ira niha Wedano hegöi Yawano moroi ba Gusala, bunga lawang,* sarango* si tobali fangali gama-gama niʼölira khöu.
20 Labeʼe khöu nukha dane-dane zela* ira niha Dedano+ si tobali fangali gama-gama niʼölira khöu.
21 Öfohalöwö dania niha Garabi ba fefu zondröniaʼö ba Gedara.+ Yaʼira andrö sogale ono mbiri-biri, biri-biri si matua hegöi nambi.+
22 Mogale khöu niha Zeba hegöi Raʼema.+ Labeʼe khöu ngawalö wanikha somuhua, kara sebua böli awö ganaʼa si tobali fangali gama-gama niʼölira khöu.+
23 Mogale khöu niha Harana,+ Kane, Edena+ hegöi sogale moroi ba Zeba,+ Asuri,+ awö Gilimada.
24 Mogale ira ba fasa. Lafamawa nukha si sökhi, baru sebua moroi ba nukha sobalau, nukha nisoso solaʼa-laʼa, karpet solaʼa-laʼa nihaogö famöbö faoma sinali.
25 Köfa Darisi+ zolohe gama-gamamö ba wogale,Irege monönö waʼakayomö ba afönu nösi göfau* ba dalu nasi.
26 Laʼohe ndraʼugö ba dalu nasi ira soʼalukhaini köfa khöu.
Ibözi ndraʼugö angi gatumbukha irege ahöndrö göfau ba dalu nasi.
27 Fefu zi so yawa ba göfa khöuYaʼia daʼö haratomö, gama-gamau, nifamawau, ira sohalöwö hegöi ono bua göfa khöu,Niha sangehaogö sagatöla ba göfa, sogale+ hegöi ira saradadumö si möi fasuwö,+Ahöndrö fefu dania daʼö ba dalu nasi ba ngaluo waʼadudumö.+
28 Me moʼira ndra sohalöwö ba göfa, modögö mbanua si so ba zinga nasi.
29 Möi tou fefu niha soʼalukhaini köfa, sohalöwö hegöi ono bua göfaBa mozizio ira ba danö.
30 Muʼao ira ba laʼeʼesi ndraʼugö si fao fanizi-nizi,+Lafazawili nawu ba högöra ba lafagaölö-gaölö ira ba gawu-gawu.
31 Latöwö mbu högöra ba lafake nukha goni.
Laʼeʼesi ndraʼugö si fao fanizi-nizi ba laduhugö wege-ege.
32 Ba wege-egera, laʼanunöisi zinunö ngenu-ngenu lamane:
’Hadia so zimane Tiro si no ahono ba dalu nasi?+
33 Me tohare gama-gamamö moroi ba nasi, abuso fefu soi öbeʼe.+
Kayo razo-razo ba gulidanö börö waʼebua gokhötau awö nifamawamö.+
34 Iadaʼa no ahöndrö göfamö ba nasi, ba nidanö sabakha.+
Ahöndrö ndraʼugö awö gama-gamamö hegöi niha si fao khöu.+
35 Fefu zowanua ba hulo, ahöli-höli dödöra ba wamaigi yaʼugö,+Ba manizi-nizi razora ba waʼataʼu. No lafangerau mbawara.+
36 Laʼoʼaya ndraʼugö ira sogale ba gotalua soi böʼö börö zalua khöu.
Tehori ndraʼugö ba zi lö mudöna-döna ba humokha mbu zamaigi.
Lö saʼae yaʼugö sagötö faʼara.’”’”+
Nisura ba gahe zura
^ Ba li Heberaiʼo eluahania ngaʼötö galide ba kudo.
^ Eluahania koral.
^ Mazui ”mbu mbiri-biri sohawu-hawu oroyo-royo”.
^ Sinanö si fagölö simane ba guli mani.
^ Sinanö somuhua.
^ Mazui ”nukha dadaoma nibeʼe ba hulu gurifö”.
^ Mazui te ”tehöngö ndraʼugö”.
