Hezekieli 29:1-21
29 Ba ndröfi si 10, baŵa si 10 ba ngaluo si 12 ba mbaŵa andrö, imane khögu Yehowa,
2 ”He ono niha, otahögö Waraʼo razo Miserai ba amaʼeleʼö sanandrösa khönia hegöi ba Miserai maʼasagörö.+
3 Ömane, ’Daʼa niwaʼö Yehowa Lowalangi Fondrege Zalawa:
”He yaʼugö Faraʼo razo Miserai,+ yaʼo dania zi tobali udumö.
Yaʼugö gurifö sebua si no adölö ba gelea nidanö Nilo,*+Sangumaʼö, ’Okhötagu Nungo Nidanö Nilo andrö.
Khögu wa ufazökhi ia.’+
4 Ubeʼe dania gai ba zimbimö, ba falemba ba huna-hunamö ngawalö giʼa moroi ba nidanö Nilo khöu.
Uheta ndraʼugö moroi ba nidanö Nilo khöu awö giʼa fefu si no falemba ba huna-hunamö.
5 Uröi dania ndraʼugö ba danö si mate ba fefu giʼa moroi ba nidanö Nilo khöu.
Mate dania ndraʼugö ba mbenua ba lö saʼae lahalöʼö mazui lakoʼo ndraʼugö.+
Ubaliʼö ndraʼugö balazo gutu ndruʼu ba fofo ba dalu mbanua.+
6 Awena dania aboto ba dödö nono mbanua Miserai wa yaʼo Yehowa,Börö me hulö döla wakhe ira, si tebai manolo iraono Gizaraʼeli.+
7 Me lagogohe dangau iraono Gizaraʼeli ba latendroʼö ira khöu,Afatö ndraʼugö ba afufu,Irege manizi-nizi gaheraBa afatö galisira.”+
8 ”’Börö daʼö, daʼa niwaʼö Yehowa Lowalangi Fondrege Zalawa: ”Ufatenge wöda+ ba wangohori niha hegöi uriföu.
9 Tedudugö dania Miserai ba tobali ia tanö si mate.+ Awena dania aboto ba dödöra wa yaʼo Yehowa, börö me no öwaʼö, ’Okhötagu Nungo Nidanö Nilo andrö. Yaʼo zamazökhi yaʼia.’+
10 Ulawa dania ndraʼugö hegöi Nilo andrö khöu. Ududugö dania Miserai ba tobali ia tanö soköli, tanö si mate, si lö niha-niha+ iʼotarai Migidola+ ofeta ba Ziene+ irugi nola danö Gaitiofia.
11 Lö hadöi niha hegöi urifö sanörö banua daʼö,+ ba lö niha sowanua ba daʼö sagötö zi 40 fakhe.
12 Ubaliʼö tanö fondrege zi mate dania Miserai, simanö göi mbanuania sagötö zi 40 fakhe.+ Ufazawili niha Miserai ba gotalua soi böʼö misa.”+
13 ”’Daʼa niwaʼö Yehowa Lowalangi Fondrege Zalawa: ”Me no aefa zi 40 fakhe, ufuli uʼowuloi niha Miserai si no muzawili misa ba soi böʼö.+
14 Uʼohe dania niha Miserai si no muʼoloiʼö ba ufangawuli ira ba Wataro,+ banua si tumbu yaʼira. Ba daʼö lafasindro wamatörö si lö eluaha.
15 Tobali famatörö wondrege zide-ide dania Miserai. Lö saʼae ifatörö soi böʼö.+ Ubaliʼö ira fondrege zide-ide irege tebai lakalaisi soi böʼö.+
16 Lö saʼae laʼodaligö ia iraono Gizaraʼeli.+ Börö ia wa tefasugi ba dödö ndraono Gizaraʼeli zala si no lafalua, yaʼia daʼö me laʼandrö wanolo ba niha Miserai. Aboto dania ba dödöra wa yaʼo Yehowa Lowalangi Fondrege Zalawa.”’”
17 Ba ndröfi si 27, ba mbaŵa siföföna ba ngaluo siföföna, imane khögu Yehowa,
18 ”He ono niha, no ifatenge zaradadunia Nebukanesa+ razo Mbabilona enaʼö laforege wanuwö Diro.+ Dozi högö ahori batule ba dozi alisi oi azaza. Hizaʼi, lö itema luonia simanö göi zaradadunia ba waʼerege dödöra wolawa Tiro.
19 ”Börö daʼö, daʼa niwaʼö Yehowa Lowalangi Fondrege Zalawa: ’Ubeʼe danö Miserai ba danga Nebukanesa* razo Mbabilona.+ Yaʼia dania zangokhögö faʼakayo Miserai ba sorabu gama-gamania soya sibai. Daʼö luo nitema zaradadunia.’
20 ”’Ubeʼe dania khönia Miserai si tobali böli gölönia, börö me no iforege wolawa Tiro salahigu,’+ iwaʼö Yehowa Lowalangi Fondrege Zalawa.
21 ”Ba luo daʼö, ufatumbuʼö dandru* ba ndraono Gizaraʼeli,+ ba ubeʼe khöu ginötö enaʼö tola fahuhuo ndraʼugö khöra. Awena dania aboto ba dödöra wa yaʼo Yehowa.”
Nisura ba gahe zura
^ Ba ayati daʼa ofeta awai, eluaha ”Nilo” yaʼia daʼö Ungo Nidanö Nilo hegöi lala nidanö khönia.
^ Sin.: ”Nebukaresa”, amalalata döinia tanö böʼö.
^ Mazui ”iʼamualagö waʼabölö”.
