Hezekieli 31:1-18
-
Adudu Miserai, eu eresi salawa sibai (1-18)
31 Aefa daʼö, ba ndröfi si 11, ba mbaŵa si 3 ba ngaluo siföföna, imane zui khögu Yehowa,
2 ”He ono niha, fatunö khö Waraʼo razo Miserai hegöi ba nono mbanuania,+’Haʼökhö mufaomagö waʼabölömö?
3 Hulö niha Asiria ndraʼugö, simane töla geu eresi ba Libano,Salawa sibai, si sökhi daha ba si sökhi hogu,Irugi lawuo si yawa hogunia.
4 Itugu ebua hogunia börö gumbu nidanö; ba monönö waʼalawania börö nidanö sabakha.
So gelea nidanö ba zi fasui mbörönia;Fefu lala nidanö khönia ahori ibasöi waʼa geu ba mbenua.
5 Daʼö mbörö wa tohude waʼalawania moroi ba geu tanö böʼö si so ba mbenua.
Itugu ebua hogunia ba monönö waʼaganau ndrahania,Börö me fahöna nidanö ba gelea zi so yaʼia.
6 Oi mangazuni wofo ba ndrahania,Ba moʼono gutu ndruʼu ba mbenua gamaudu mbörönia,Ba lumönia fefu toröi soi segebua.
7 Sahöli-höli dödö niha waʼasökhinia ba aganau sibai ndrahania,Börö me manana waʼania misa ba zoya idanö.
8 Lö hadöi eu eresi ba kabu Lowalangi+ si fagölö khönia.
Lö hadöi eu juniper si fagölö ba ndrahania.
Lö hadöi eu platanus si fagölö ba hogunia.
Lö hadöi eu tanö böʼö ba kabu Lowalangi si fagölö ba waʼasökhinia.
9 Unönö waʼasökhinia ba waʼafahöna mbulunia.
Fefu geu tanö böʼö si so ba Gedena, ba kabu Lowalangi sindruhu, afökhö dödöra khönia.’
10 ”Daʼa niwaʼö Yehowa Lowalangi Fondrege Zalawa: ’Börö me itugu alawa ia ba irugi lawuo si yawa hogunia, ibörögö tumbu ba dödönia waʼasiliyawa.
11 Ba ululu ia ba danga niha fondrege zabölö ba soi böʼö.+ Daʼö dania zanguhuku yaʼia. Utimbagö ia börö waʼalösökhinia.
12 Laʼobö dania ia ira niha baero yaʼia daʼö soi fondrege zafaito ba laröi ia ba hili. Aruru mbulunia ba ndraso ba muzawili ndrahania sagafatö ba nungo nidanö si so ba soi daʼö.+ Mofanö fefu soi si toröi ba lumönia ba laröi ia.
13 Manuge wofo ba döla geu si no asoʼa andrö ba toröi gutu ndruʼu ba ndrahania.+
14 Wa alua daʼö enaʼö lö hadöi saʼae eu salawa sibai si tumbu ba zinga nidanö mazui sirugi lawuo si yawa hogunia. Noa sa mululu ira fefu ba waʼamate, ba narö danö ba fao ira ba niha tanö böʼö si möi mitou ba lewatö.’
15 ”Daʼa niwaʼö Yehowa Lowalangi Fondrege Zalawa: ’Na möi ia mitou ba Lewatö,* laʼeʼesi ia niha ubeʼe. Ubaʼa nidanö sabakha ba utaha geleania irege fahöna nidanö ba daʼö. Börö ia wa ubaliʼö nahia sogömi-gömi Libano, ba aleu fefu geu ba mbenua.
16 Na uʼohe ia mitou ba Lewatö* ba fao ia ba niha tanö böʼö si möi mitou ba lewatö, ataʼu soi böʼö me larongo li waʼadudunia. Terara dödö geu ba narö danö me no ibasöi ira idanö yaʼia daʼö fefu geu ba Gedena,+ eu fondrege zi sökhi moroi ba Libano.
17 Fao khönia geu daʼö ba Lewatö,* simanö göi niha si no mubunu ba mbawa wöda+ awö niha si faʼawö khönia si toröi ba lumönia ba gotalua soi böʼö.’+
18 ”’Hadia so geu ba Gedena si tola mufaomagö ba lakhömi hegöi faʼabölöu?+ Hizaʼi, hasambalö möiʼö mitou ba narö danö ba faoʼö ba geu tanö böʼö si so ba Gedena. Fao ndraʼugö ba niha si lö nisuna hegöi ba niha si mate ba mbawa wöda. Daʼö dania zalua khö Waraʼo awö niha si fao khönia,’ iwaʼö Yehowa Lowalangi Fondrege Zalawa.”
Nisura ba gahe zura
^ Mazui ”Syeol”. Faigi Geluaha Ngawua Wehede.
^ Mazui ”Syeol”. Faigi Geluaha Ngawua Wehede.
^ Mazui ”Syeol”. Faigi Geluaha Ngawua Wehede.
