Hezekieli 35:1-15
-
Famaʼeleʼö sanandrösa ba hili Zeʼira (1-15)
35 Aefa daʼö imane zui khögu Yehowa,
2 ”He ono niha, otahögö mbanua si so ba hili Zeʼira+ ba amaʼeleʼö sanandrösa khönia.+
3 Ömane, ’Daʼa niwaʼö Yehowa Lowalangi Fondrege Zalawa: ”He yaʼugö banua si so ba hili Zeʼira, yaʼo dania zi tobali udumö. Ufazawa dangagu ba ubaliʼö ndraʼugö tanö si mate ba si lö niha-niha.+
4 Ubaliʼö adudula mbanuamö, ba tobali ndraʼugö tanö si mate ba si lö niha-niha.+ Awena dania aboto ba dödöu wa yaʼo Yehowa.
5 Börö me lö öböhöli waʼafökhö dödöu ba ndraono Gizaraʼeli.+ Ölulu ira ba mbawa wöda me göna ira famakao, yaʼia daʼö me latema wanguhuku safuria.”’+
6 ”’Börö daʼö, faya wa no sauri ndraʼo,’ iwaʼö Yehowa Lowalangi Fondrege Zalawa, ’na lö uhonogöi khöu wanuwagö do, daʼö dania zolohi yaʼugö.+ Börö me fatuwu khöu ndro niduwagömö, andrö wa igohi ndraʼugö fanuwagö do.+
7 Ubaliʼö dania tanö si mate ba si lö niha-niha mbanua si so ba hili Zeʼira.+ Uhori niha sanörö mazui niha sangawuli ba daʼö.
8 Afönu hili andrö khönia boto zi mate. Fadela ba hili-hili andrö mboto niha si mate ba wöda, ba ndraso ba fefu nungo nidanö khöu.
9 Ubaliʼö ndraʼugö banua si lö niha-niha sagötö faʼara ba lö hadöi si toröi ba mbanuamö.+ Awena dania aboto ba dödöu wa yaʼo Yehowa.’
10 ”Ömane, ’Tobali dania tana khögu soi hegöi tanö si dombua andre, ba taʼokhögö manö maʼadombua,’+ sindruhunia so Yehowa ba daʼö.
11 ’Börö daʼö, faya wa no sauri ndraʼo,’ iwaʼö Yehowa Lowalangi Fondrege Zalawa, ’na lö uhuku dania ndraʼugö moloʼö fönu hegöi faʼolohu niforomaʼöu börö me fatuwu ndraʼugö khöra.+ Na uhuku dania ndraʼugö, awena aboto ba dödöra haniha ndraʼo.
12 Awena dania aboto ba dödöu wa yaʼo Yehowa, no urongo fefu wehedeu si lö sökhi sanandrösa ba hili Gizaraʼeli. Ömane, ”No tobali tanö si lö niha-niha mbanuara. Tebeʼe khöda ginötö ba wanudugö yaʼira.”
13 Fayawa ami khögu. Oya nidunö-dunömi sanandrösa khögu.+ No urongo fefu daʼö.’
14 ”Daʼa niwaʼö Yehowa Lowalangi Fondrege Zalawa: ’Omuso dödö gulidanö maʼafefu ba ginötö ubaliʼö ndraʼugö tanö si mate ba si lö niha-niha.
15 Börö me omuso dödöu me tobali tanö si mate gondröita ndraono Gizaraʼeli, andrö wa simane daʼö göi ndraʼugö ubeʼe.+ Banua si so ba hili Zeʼira, yaʼia daʼö Edomo+ tobali adudula ba si lö niha-niha. Awena dania aboto ba dödö niha wa yaʼo Yehowa.’”
