Hezekieli 41:1-26
41 Aefa daʼö, iʼohe ndraʼo ba nahia tanö baero ba naha niʼamoniʼö* andrö. Isuʼa gehomo tanö ba zinga, sara ba gabera ba sara ba gambölö. Faʼanau ero sara gehomo 3,11 meter.*
2 Faʼebolo ero sara gehomo andrö 2,6 meter.* Faʼebolo lala weʼamöi bakha 5,2 meter.* Aefa daʼö, isuʼa hawaʼebua nahia andrö, faʼanaunia 21 meter* ba faʼebolonia 10,4 meter.*
3 Lö ara, möi ia bakha* ba wanuʼa ehomo tanö ba zinga mbawandruhö, faʼebolonia sameter* ba faʼanaunia 3,6 meter.* Faʼebolo lala weʼamöi bakha 3,11 meter.*
4 Aefa daʼö, isuʼa nahia sangotahögö tanö baero naha niʼamoniʼö, faʼanaunia 10,4 meter* ba faʼebolonia 10,4 meter.*+ Imane khögu, ”Daʼa Nahia Wondrege Niʼamoniʼö.”+
5 Ba isuʼa dowa gosali, faʼaweʼe-weʼenia 3,11 meter.* Ba zi fasui osali andrö so mbateʼe ba zingania, faʼebolonia 2,1 meter.*+
6 So tölu tika waʼalawa mbateʼe tanö ba zinga andrö, no teʼoli miyawa. Ero sambua tika so 30 mbateʼe. So nifanekaoro ba zi fasui towa gosali andrö sanaha salo mbateʼe tanö ba zinga, irege lö saʼae mutaruʼö ia ba dowa nomo andrö.+
7 Itugu numalö miyawa mbateʼe tanö ba zinga andrö ba itugu monönö waʼebolonia.+ Ba zi fatambai osali andrö, so nora niʼogaolo moroi ba tika si oföna numalö ba tika dua ofeta ba tika tölu.
8 Uʼila wa no mufasindro gosali andrö ba nahia sabölö alawa moroi ba nahia böʼö si so ba zi fasuinia. Fondrasi mbateʼe tanö ba zinga andrö iʼotarai danö ofeta ba watalinga tanö si yawa, faʼalawania sara siʼo yaʼia daʼö 3,11 meter.*
9 Faʼaweʼe-weʼe dowa tanö baero ba mbateʼe tanö ba zinga andrö 2,6 meter.* Ba zi fasuinia, so ösa nahia si lö baʼa-baʼa.*
10 Ba zi fatambai gosali andrö so nahia si 10,4 meter* waʼebolo, ba gotalua gosali faoma nahia wemanga.+
11 Nahia si lö baʼa-baʼa andrö faʼebolonia 2,6 meter.* Ba daʼö so mbawandruhö si numalö ba mbateʼe tanö ba zinga, sambua tanö yöu ba sambua tanö raya.
12 So domosa tanö ba gaekhula, faʼebolonia 36 meter,* faʼanaunia 47 meter* ba faʼaweʼe-weʼenia 2,6 meter.* So nahia si lö baʼa-baʼa ba gotalua domosa daʼa faoma osali.
13 Isuʼa gosali andrö, faʼanaunia 52 meter.* Nahia si lö baʼa-baʼa andrö awö domosa* hegöi towania, faʼanaunia 52 meter.*
14 Tanö föna gosali sangotahögö atumbukha awö nahia si lö baʼa-baʼa, faʼebolonia 52 meter.*
15 Isuʼa domosa si so tanö furi sangotahögö nahia si lö baʼa-baʼa. Faʼanau domosa daʼö hegöi lala sise-ise 52 meter* fatambai.
Isuʼa göi nahia tanö baero awö nahia tanö bakha si so ba naha niʼamoniʼö+ hegöi kaki lima sangotahögö olayama.
16 Isuʼa nasa lala weʼamöi bakha, sandrela si no mufolesi-lesi sadöni bakha hegöi lala sise-ise+ si so ba zi tölu nahia andrö. No mufoʼuli dowa si so ba lala weʼamöi bakha faoma eu,+ iʼotarai moroi tou irugi zandrela, ba no mufasui zandrelania faoma eu.
17 Ahori isuʼa fefu högö mbawandruhö weʼamöi bakha, nahia tanö bakha ba gosali, nahia tanö baero ba gosali, ba fefu dowa ba zi fasuinia.
18 So ba daʼö gambara ndra kerubi+ hegöi töla geu khorema si no mutoto.+ Ero sageu döla khorema darua kerubi zamatambai, ba dombua mbawa ero samösa kerubi.
19 Bawania si hulö niha, iʼotahögö döla khorema si tambai, ba bawania si hulö zingo iʼotahögö döla khorema si tambai.+ Simane daʼö wangehaogöra gambara andrö ba gosali.
20 No muhaogö mutoto gambara kerubi awö döla geu khorema ba dowa naha niʼamoniʼö andrö, iʼotarai moroi tou irugi mbawandruhö tanö yawa.
21 Toga mbawandruhö naha niʼamoniʼö* no mufoʼöfa sagi.+ Tanö föna mbateʼe nahia niʼamoniʼö* andrö so zi hulö
22 naha wanunu sumange+ nifazökhi moroi ba geu, faʼalawania 1,6 meter* ba faʼanaunia sameter.* Ba sagi-sagi naha wanunu sumange andrö so toga-toga si no mufasa, ba moroi ba geu tefazökhi dane-danenia hegöi singania. Aefa daʼö imane khögu, ”Daʼa meza si so föna Yehowa.”+
23 So dombua mbawandruhö ba naha niʼamoniʼö tanö baero ba dombua göi mbawandruhö ba nahia niʼamoniʼö.+
24 Ero sambua bawandruhö, so dombua lagö-lagö si tola mufazaule-zaule.
25 No mutoto gambara kerubi hegöi töla geu khorema ba mbawandruhö si so ba naha niʼamoniʼö andrö, simane si so ba dowa.+ Tanö baeronia, so lesi eu si no mufasa tanö yawa kaki lima.
26 So zandrela si no mufolesi-lesi sadöni bakha,+ ba so gambara döla geu khorema ba zinga kaki lima fatambai, simanö göi fefu mbateʼe tanö ba zinga gosali hegöi lesi eu andrö.
Nisura ba gahe zura
^ Sin.: ”osali”. Ba faza 41 hegöi 42, eluahania daʼa nahia niʼamoniʼö tanö baero (Nahia Niʼamoniʼö) mazui fefu naha niʼamoniʼö (osali, farahu ba daʼö Nahia Niʼamoniʼö hegöi Nahia Wondrege Niʼamoniʼö).
^ Eluahania möi ia tanö bakha ba naha niʼamoniʼö mazui ba Nahia Wondrege Niʼamoniʼö.
^ Te lala sise-ise ba zi fasui osali.
^ Eluahania tomosa si so tanö ba gaekhula gosali.
^ Te eluahania bawandruhö si numalö ba Nahia Niʼamoniʼö.
^ Te eluahania Nahia Wondrege Niʼamoniʼö.
