Hezekieli 45:1-25
45 ”’Ba ginötö mibagi danö si tobali ondröita,+ mibeʼe ösa daʼö khö Yehowa tobali tana niʼamoniʼö.+ Faʼanaunia 13 kilometer* ba faʼebolonia 5,2 kilometer.*+ Fefu nahia daʼö tobali tana niʼamoniʼö.
2 Ba nahia daʼa, muhenaigö nasa danö si öfa sagi si tobali nahia niʼamoniʼö, 259 meter kali 259 meter.*+ Lö tola löʼö so mbenua soduʼu ba zi fasuinia, faʼebolonia 26 meter.*+
3 Aefa daʼö, suʼa danö andrö faʼanaunia 13 kilometer* ba faʼebolonia 5,2 kilometer.* Ba daʼö dania so gosali, naha wondrege niʼamoniʼö.
4 Daʼö zi tobali tana niʼamoniʼö khö ndra ere,+ sangai halöwö ba gosali hegöi sangai halöwö föna Yehowa.+ Ba daʼö so nomora hegöi naha niʼamoniʼö ba gosali.
5 ”’Niha Lewi sangai halöwö ba gosali, latema göi danö faʼanaunia 13 kilometer* ba faʼebolonia 5,2 kilometer.*+ Latema nasa 20 ngawua nahia wemanga+ si tobali tana khöra.
6 ”’Moguna göi mihenaigö sagörö mbenua tobali banua sebua. Faʼanaunia 13 kilometer* (fagölö simane nahia niʼamoniʼö nibeʼera tobali tolo-tolo) ba faʼebolonia 2,6 kilometer.*+ Daʼa gokhöta ndraono Gizaraʼeli maʼafefu.
7 ”’Tebeʼe khö ndra sondröniaʼö danö si so ba zi fatambai nahia si no tobali tana niʼamoniʼö hegöi banua sebua, tanö ba gaekhula awö ba gatumbukha. Faʼanaunia enaʼö fagölö simane faʼanau danö si sambua mado, iʼotarai nola tanö ba gaekhula ofeta ba gatumbukha.+
8 Daʼö zi tobali okhötania ba Gizaraʼeli. Lö saʼae dania lafakao nono mbanuagu.+ Hizaʼi labagi-bagi danö ba ndraono Gizaraʼeli moloʼö madora zamösana.’+
9 ”Daʼa niwaʼö Yehowa Lowalangi Fondrege Zalawa: ’He yaʼami sondröniaʼö iraono Gizaraʼeli, sindruhu-ndruhu lö sökhi nifaluami!’
”’Miböhöli waʼalösökhi hegöi famakao nifaluami. Mifalua zatulö ba sindruhu.+ Böi saʼae mirabu gokhöta nono mbanuagu,’+ iwaʼö Yehowa Lowalangi Fondrege Zalawa.
10 ’Miʼogunaʼö waliʼera satulö, fanuʼa efa* ba fanuʼa bat* satulö.+
11 Moguna muhonogöi wangogunaʼö fanuʼa efa ba fanuʼa bat. Sambua bat fagölö ira zi sambua niʼofulu homer,* ba sambua efa fagölö ira zi sambua niʼofulu homer. Homer andre zi tobali dane-dane wanuʼa.
12 Sambua syekel*+ fagölö ira zi 20 gera.* Na 20 syekel inönö 25 syekel inönö 15 syekel fagölö ira zi sambua mina.’*
13 ”’Daʼa dolo-tolo si lö tola löʼö öbeʼe: sambua niʼoʼönö efa ero sambua homer gandru ba sambua niʼoʼönö efa ero sambua homer barli.
14 Musuʼa göi dolo-tolo fanikha moloʼö fanuʼa bat. Sambua bat fagölö ira zi sambua niʼofulu kor.* Fulu bat yaʼia daʼö sambua homer, börö me si sambua homer fagölö ira zi fulu bat.
15 Ero 200 ngaʼeu mbiri-biri ndraono Gizaraʼeli, labeʼe sageu tobali sumange. Muʼogunaʼö ia tobali sumange niʼa,*+ sumange nitunu maʼafefu,+ ba sumange fangatulö,+ enaʼö aefa zala niha,’+ iwaʼö Yehowa Lowalangi Fondrege Zalawa.
16 ”’Fefu nono mbanua soi daʼö, laʼohe dolo-tolo andrö+ khö ndra sondröniaʼö.
17 Sondröniaʼö zangonorogö tödö ba wohenaigö sumange nitunu maʼafefu,+ sumange niʼa,+ ba sumange nibadu sagötö mufalua gowasa,+ baŵa si bohou, Sabato+ awö gowasa si no muhonogöi ba ndraono Gizaraʼeli.+ Yaʼia zangaʼasogö sumange fameta horö, sumange niʼa,* sumange nitunu maʼafefu awö zumange fangatulö enaʼö aefa zala ndraono Gizaraʼeli.’
18 ”Daʼa niwaʼö Yehowa Lowalangi Fondrege Zalawa: ’Ba mbaŵa si oföna ba ngaluo si oföna, halö sageu zawi si matua sawuyu-wuyu ba si lö fökhö, ba amoniʼö naha niʼamoniʼö andrö.*+
19 Ihalö dania ere maʼifu ndro moroi ba zumange fameta horö andrö ba ifagule ba toga mbawandruhö gosali,+ ba zi öfa watalinga moroi ba tika tölu naha wanunu sumange hegöi ba dowa mbawa göli golayama tanö bakha.
20 Daʼö zi lö tola löʼö öfalua ba ngaluo si fitu ba mbaŵa andrö, salahi niha samalua horö si lö muʼodödögö hegöi horö niʼodödögö.+ Amoniʼö gosali andrö.+
21 ”’Ba mbaŵa si oföna ba ngaluo si 14, mifalua Gowasa Fasa.+ Sagötö zi fitu hari, miʼa roti si lö mufaruka ragi.+
22 Ba ngaluo daʼö, lahenaigö zawi si matua sawuyu-wuyu ira sondröniaʼö tobali sumange fameta horö, si möi salahinia samösa awö nono mbanua soi daʼö maʼafefu.+
23 Sagötö zi fitu hari andrö,+ ero maʼökhö ihenaigö fitu ngaʼeu mbiri-biri si matua sawuyu-wuyu ba si lö fökhö tobali sumange nitunu maʼafefu khö Yehowa. Ihenaigö göi sageu mbiri-biri si matua ero maʼökhö tobali sumange fameta horö.
24 Ihenaigö göi zumange niʼa, yaʼia daʼö 22 liter* hamo darigu ero sageu zawi si matua sawuyu-wuyu, 22 liter* ero sageu mbiri-biri si matua, ba arakhagö öfa liter* wanikha ero 22 liter* hamo darigu.
25 ”’Ba mbaŵa si 7 ba ngaluo si 15, sagötö zi fitu hari owasa andrö+ lö tola löʼö ihenaigö zumange fameta horö, sumange nitunu maʼafefu, sumange niʼa awö wanikha, simane nifaluania mege.’”
Nisura ba gahe zura
^ Mazui ”500 siʼu kali 500 siʼu”. Sin.: ”500 kali 500”.
^ Mazui ”zumange bua nowi”.
^ Mazui ”sumange bua nowi”.
^ Mazui ”ba wangamoniʼö naha niʼamoniʼö andrö moroi ba horö”.
