Hezekieli 46:1-24
46 ”Daʼa niwaʼö Yehowa Lowalangi Fondrege Zalawa: ’Tebai mibokai+ mbawa göli golayama tanö bakha sangotahögö atumbukha,+ sagötö zi önö hari fohalöwö.+ Hizaʼi na ba ngaluo Sabato hegöi ba mbaŵa si bohou, böi zi lö mibokai mbawa göli andrö.
2 Na möi bakha zondröniaʼö, itörö golayama tanö baero numalö ba kaki lima mbawa göli,+ ba mozizio ia ba zinga döla-döla mbawa göli. Iʼohe zumange nitunu maʼafefu hegöi sumange fangatulö khö ndra ere enaʼö yaʼira zameʼe sumange. Aefa daʼö, mangalulu ia ba zinga mbawandruhö weʼamöi bakha, ba awena möi ia baero. Hizaʼi, tebai laduhö mbawa göli andrö irugi bongi.
3 Ba mangalulu göi nono mbanua andrö föna Yehowa ba mbawa göli, ero luo Sabato hegöi ba mbaŵa si bohou.+
4 ”’Ba ngaluo Sabato, önö ngaʼeu nono mbiri-biri si matua si lö fökhö niʼohe zondröniaʼö ba sageu mbiri-biri si matua si lö fökhö, ibeʼe tobali sumange nitunu maʼafefu föna Yehowa.+
5 Ero sageu mbiri-biri si matua, ibeʼe 22 liter* hamo darigu tobali sumange niʼa.* Ba nono mbiri-biri si matua, tola ibeʼe gofu hadia ia zi sagu khönia. Ibeʼe göi arakhagö öfa liter* wanikha ero 22 liter* hamo darigu.+
6 Ba ngaluo si bohou, ibeʼe sageu zawi si matua sawuyu-wuyu si lö fökhö, önö ngaʼeu nono mbiri-biri si matua, ba sageu mbiri-biri si matua. Tebai ibeʼe zofökhö.+
7 Ba zawi si matua sawuyu-wuyu andrö, ibeʼe 22 liter* hamo darigu tobali sumange niʼa.* Na ba mbiri-biri si matua, 22 liter* hamo darigu. Ba nono mbiri-biri si matua, tola ibeʼe gofu hadia ia zi sagu khönia. Ibeʼe göi arakhagö öfa liter* wanikha ero 22 liter* hamo darigu.
8 ”’Na möi bakha zondröniaʼö, itörö kaki lima mbawa göli, simanö göi na möi ia baero.+
9 Na möi nono mbanua andrö ba wamalua owasa föna Yehowa,+ latörö mbawa göli tanö yöu,+ ba na möi ira baero latörö mbawa göli tanö raya. Na so zanörö bawa göli tanö raya,+ hasambalö latörö mbawa göli tanö yöu na möi ira baero. Tebai latörö mangawuli mbawa göli nitöröra ba weʼamöi bakha. Na möi ira baero, akha latörö mbawa göli si fatahö ba daʼö.
10 Fao khöra zondröniaʼö na möi ira bakha, simanö göi na möi ira baero.
11 Ero mufalua gowasa, lö tola löʼö mubeʼe zumange niʼa.* Ero sageu zawi si matua sawuyu-wuyu, 22 liter* hamo darigu. Na ba mbiri-biri si matua, 22 liter* hamo darigu. Ba nono mbiri-biri si matua, tola ibeʼe gofu hadia ia zi sagu khönia. Ibeʼe göi arakhagö öfa liter* wanikha 22 liter* hamo darigu.+
12 ”’Na iʼohe sondröniaʼö zumange nitunu maʼafefu+ hegöi sumange fangatulö föna Yehowa tobali sumange si no aoha gölö, mubokai khönia mbawa göli sangotahögö atumbukha. Ihenaigö zumange nitunu hegöi sumange fangatulö simane nifaluania ba ngaluo Sabato.+ Na no möi ia baero, awena muduhö mbawa göli andrö.+
13 ”’Ero maʼökhö, henaigö sageu nono mbiri-biri si matua si lö fökhö si döfi faʼebua, tobali sumange nitunu föna Yehowa.+ Falua daʼö ero sihulö wongi.
14 Baero daʼö, henaigö nasa ero sihulö wongi 3,7 liter* hamo darigu tobali sumange niʼa,* ba töra saliter* wanikha nitefeʼö ba hamo darigu si sökhi andrö. Daʼö zumange niʼa si lö tebulö mubeʼe khö Yehowa. Moguna gamakhoita daʼa irugi zi lö aetu.
15 Ero sihulö wongi, akha lahenaigö nono mbiri-biri si matua, sumange niʼa hegöi fanikha tobali sumange nitunu si lö tebulö labeʼe.’
16 ”Daʼa niwaʼö Yehowa Lowalangi Fondrege Zalawa: ’Na so zondröniaʼö sameʼe buala si tobali ondröita ba ndraononia matua, tobali okhöta ndraononia daʼö. Daʼö gondröita nitemara.
17 Hizaʼi, na ibeʼe ösa gondröitania khö zawuyunia, tobali okhöta zawuyunia daʼö irugi ndröfi wangefa+ ba awena dania tefangawuli khö zondröniaʼö andrö. Ha iraononia matua zi tola mangokhögö ondröita daʼö sagötö faʼara.
18 Tebai ifofanö nono mbanuania sondröniaʼö andrö ha ba worabu ondröitara. Ha tanönia samösa zi tola ibeʼe tobali ondröita ba ndraononia. Börö daʼö, lö hadöi ono mbanuagu nifofanö ba danönia.’”
19 Aefa daʼö, iʼohe ndraʼo ba lala weʼamöi bakha,+ ba zinga mbawa göli si numalö ba nahia wemanga niʼamoniʼö khö ndra ere, sangotahögö tanö yöu.+ Uʼila ba daʼö sambua nahia gamaudu tanö furi sangotahögö aekhula.
20 Imane khögu, ”Daʼa nahia ndra ere ba wondrino sumange fameta zala, sumange fameta horö hegöi ba wamogö sumange niʼa,*+ enaʼö lö laʼohe hadia ia ba golayama tanö baero irege teʼamoniʼö niha sato.”+
21 Aefa daʼö iʼohe ndraʼo ba golayama tanö baero, ifasao ndraʼo ba zi öfa watalinga golayama andrö. Ero sambua watalinga, uʼila nasa sambua tö golayama.
22 Ba zi öfa watalinga golayama andrö so golayama si gide-ide, faʼanaunia 21 meter* ba faʼebolonia 16 meter.* Fagölö-gölö zuʼa-suʼa golayama si gide-ide andrö si öfa ngawua.
23 Ba zi fasui olayama daʼö so dowa sadogo-dogo. Ba narö dowa andrö so naha wondrino sumange.
24 Aefa daʼö imane khögu, ”Daʼa naha nawu khö ndra sohalöwö ba gosali ba wondrino sumange nibeʼe nono mbanuagu.”+
Nisura ba gahe zura
^ Mazui ”sumange bua nowi”.
^ Mazui ”sumange bua nowi”.
^ Mazui ”zumange bua nowi”.
^ Sin.: ”ba 1/3 hin”.
^ Mazui ”sumange bua nowi”.
^ Mazui ”sumange bua nowi”.
