Hezekieli 48:1-35
48 ”Daʼa döi-töi mado ndraono Gizaraʼeli andrö iʼotarai wondrege tanö yöu: Tana khö Dano+ iʼotarai ngai lala Hetelono numalö ba Lebo-hamata*+ ofeta ba Hasara-enono, ba nola Ndramaseko tanö yöu, ba zi tambai Hamata.+ Ondröita nibeʼe khönia iʼotarai nola tanö ba gatumbukha ofeta nola tanö ba gaekhula.
2 Tana khö Gaseri+ faola ia khö Dano, iʼotarai nola tanö ba gatumbukha ofeta nola tanö ba gaekhula.
3 Tana khö Nafetali+ faola ia khö Gaseri, iʼotarai nola tanö ba gatumbukha ofeta nola tanö ba gaekhula.
4 Tana khö Manase+ faola ia khö Nafetali, iʼotarai nola tanö ba gatumbukha ofeta nola tanö ba gaekhula.
5 Tana khö Geferai faola ia khö Manase,+ iʼotarai nola tanö ba gatumbukha ofeta nola tanö ba gaekhula.
6 Tana khö Rubeno faola ia khö Geferai,+ iʼotarai nola tanö ba gatumbukha ofeta nola tanö ba gaekhula.
7 Tana khö Yehuda faola ia khö Rubeno,+ iʼotarai nola tanö ba gatumbukha ofeta nola tanö ba gaekhula.
8 Mufasambua danö si faola ba dana khö Yehuda ba mubeʼe tobali sumange khö Lowalangi, iʼotarai nola tanö ba gatumbukha ofeta nola tanö ba gaekhula. Faʼebolo danö daʼö 13 kilometer.*+ Faʼanaunia iʼotarai nola tanö ba gatumbukha ofeta nola tanö ba gaekhula fagölö waʼanaura danö si faola khönia. Ba gotaluania dania mubeʼe naha niʼamoniʼö.
9 ”Tanö si no mufasambua tobali sumange khö Yehowa faʼanaunia 13 kilometer* ba faʼebolonia 5,2 kilometer.*
10 Daʼö zi tobali tolo-tolo niʼamoniʼö nibeʼe khö ndra ere.+ Faʼanau tanö yöu 13 kilometer,* tanö ba gaekhula 5,2 kilometer,* tanö ba gatumbukha 5,2 kilometer,* tanö raya 13 kilometer.* Ba gotaluania dania mubeʼe naha niʼamoniʼö khö Yehowa.
11 Tebeʼe danö daʼö khö ndra ere si no muʼamoniʼö, yaʼia daʼö ngaʼötö Zadoki.+ Lö tebulö mangai halöwö ira khögu hewaʼae no laröi ndraʼo mböröta iraono Gizaraʼeli awö niha Lewi.+
12 Mubeʼe khöra dania danö si no mufasambua si tobali tanö fondrege niʼamoniʼö, ba faola ira danö nibeʼe ba niha Lewi.
13 ”Ba zinga danö nibeʼe khö ndra ere, tebeʼe göi danö ba niha Lewi. Faʼanaunia 13 kilometer* ba faʼebolonia 5,2 kilometer.* (Faʼanau danö andrö maʼasagörö 13 kilometer* ba faʼebolonia 5,2 kilometer.)*
14 Daʼö danö fondrege zi sökhi. Andrö wa tebai lafamawa, lafalalini mazui labeʼe ba niha böʼö, börö me teʼamoniʼö danö andrö khö Yehowa.
15 ”Tobali tanö si toʼölö zi töra danö andrö, faʼebolonia 2,6 kilometer,* faola ia ba danö si 13 kilometer* waʼanau.+ Mubaliʼö daʼö naha nomo hegöi benua soduʼu. Ba gotaluania dania mufasindro mbanua sebua.+
16 Daʼa zuʼa-suʼa mbanua daʼö: Ola tanö yöu 2,3 kilometer,* ola tanö raya 2,3 kilometer,* ola tanö ba gatumbukha 2,3 kilometer,* ba ola tanö ba gaekhula 2,3 kilometer.*
17 Daʼa zuʼa-suʼa mbenua soduʼu andrö: Ola tanö yöu 130 meter,* ola tanö raya 130 meter,* ola tanö ba gatumbukha 130 meter,* ba ola tanö ba gaekhula 130 meter.*
18 ”Faʼanau danö andrö fagölö ia ba waʼanau danö nibeʼe si tobali tolo-tolo niʼamoniʼö.+ Si töra danö andrö 5,2 kilometer* tanö ba gatumbukha ba 5,2 kilometer* tanö ba gaekhula. Bua danö daʼö tobali balazo niha sohalöwö ba mbanuara.
19 Ira sohalöwö ba mbanua andrö moroi ba mado ndraono Gizaraʼeli maʼafefu, daʼö dania zohalöwö ba danö.+
20 ”Fefu danö nibaliʼö tolo-tolo niʼamoniʼö yaʼia daʼö 13 kilometer* öfa sagi. Mifasambua danö daʼö tobali tolo-tolo niʼamoniʼö hegöi benua ba mbanua sebua.
21 ”Si töra danö nibaliʼö tolo-tolo niʼamoniʼö andrö faoma fatambai hegöi banua andrö, tobali okhöta zondröniaʼö.+ So ia ba zinga nola danö nibeʼe tolo-tolo si 13 kilometer* faʼebolo, tanö ba gatumbukha hegöi ba gaekhula. Fagölö nolania simane tanö si faola khönia, ba okhöta zondröniaʼö daʼö. Ba gotaluania dania mubeʼe danö nibaliʼö tolo-tolo niʼamoniʼö hegöi naha niʼamoniʼö si so ba gosali.
22 ”Tana khö ndra niha Lewi hegöi benua ba mbanua sebua si so ba gotalua danö nibeʼe khö ndra sondröniaʼö. Tana khö ndra sondröniaʼö so ba nola danö tana khö Yehuda+ hegöi Beniami.
23 ”Ba mado tanö böʼö, tana khö Mbeniami yaʼia daʼö iʼotarai nola tanö ba gatumbukha ofeta nola tanö ba gaekhula.+
24 Tana khö Zimeoni faola ia khö Mbeniami,+ iʼotarai nola tanö ba gatumbukha ofeta nola tanö ba gaekhula.
25 Tana khö Gisasari+ faola ia khö Zimeoni, iʼotarai nola tanö ba gatumbukha ofeta nola tanö ba gaekhula.
26 Tana khö Zebuloni faola ia khö Gisasari,+ iʼotarai nola tanö ba gatumbukha ofeta nola tanö ba gaekhula.+
27 Tana khö Gado faola ia khö Zebuloni,+ iʼotarai nola tanö ba gatumbukha ofeta nola tanö ba gaekhula.
28 Ola tanö raya si so ba mbanua Gado adölö iʼotarai Damara+ numalö ba nungo nidanö Meribati-kadesi,+ aefa daʼö numalö ba Ndraso*+ ofeta ba Nasi Sebolo.*
29 ”Daʼö danö sinangea mubagi-bagi ba mado ndraono Gizaraʼeli+ si tobali ondröita. Daʼö dana khöra,”+ iwaʼö Yehowa Lowalangi Fondrege Zalawa.
30 ”Daʼa lala na möi baero ba mbanua andrö: Faʼanaunia tanö yöu yaʼia daʼö 2,3 kilometer.*+
31 ”Lafotöi mbawa göli mbanua moloʼö mado ndraono Gizaraʼeli. So tölu mbawa göli tanö yöu: sambua khö Rubeno, sambua khö Yehuda ba sambua khö Lewi.
32 ”Tanö ba gatumbukha faʼanaunia 2,3 kilometer,* ba so tölu mbawa göli: sambua khö Yosefo, sambua khö Mbeniami ba sambua khö Dano.
33 ”Tanö raya faʼanaunia 2,3 kilometer,* ba so tölu mbawa göli: sambua khö Zimeoni, sambua khö Gisasari, ba sambua khö Zebuloni.
34 ”Tanö ba gaekhula faʼanaunia 2,3 kilometer,* ba so tölu mbawa göli: sambua khö Gado, sambua khö Gaseri ba sambua khö Nafetali.
35 ”Faʼanau zi fasui banua andrö 9,3 kilometer.* Iʼotarai me luo daʼö, labeʼe töi mbanua andrö, So Yehowa ba Daʼö.”+
Nisura ba gahe zura
^ Mazui ”lala si numalö ba Hamata”.
^ Eluahania Daso Miserai.
^ Eluahania ”Asi Mediterania (Laut Tengah)”.
