Hezekieli 6:1-14
6 Ifuli zui imane khögu Yehowa,
2 ”He ono niha, otahögö hili ndraono Gizaraʼeli ba amaʼeleʼö sanandrösa khöra.
3 Ömane, ’He yaʼami hili ndraono Gizaraʼeli, mifondrondrongo wehede Yehowa Lowalangi Fondrege Zalawa: Daʼa niwaʼö Yehowa Lowalangi Fondrege Zalawa ba hili andrö, ba hili-hili, ba nungo nidanö hegöi daso: ”Ufatörö khömi wöda ba uhori naha wamosumange* khömi.
4 Ududugö naha wanunu sumange khömi, urasa naha zumange somuhua+ ba ufazaumba gamatela niha si no mubunu föna nadu niʼogorofi* andrö khömi.+
5 Utiboʼö mboto ndraono Gizaraʼeli si no mate föna nadu niʼogorofi andrö khöra. Ufazawili dölami ba zi fasui naha wanunu sumange khömi.+
6 Hasambalö tedudugö fefu danö si toröi yaʼami.+ Mududugö ba muröi dania naha wamosumange.*+ Mutunu ba muhori naha wanunu sumange khömi. Tehori nadu niʼogorofi andrö khömi, murasa naha zumange somuhua ba zaya-zaya gölö fefu halöwömi.
7 Fadela dania mboto zi mate ba gotaluami.+ Awena dania aboto ba dödömi wa yaʼo Yehowa.+
8 ”’”Hizaʼi, so mato hadauga niröigu moroi ba gotaluami. Ba ginötö tefazawili ami ba soi böʼö, so zoloi moroi ba mbawa wöda me toröi ira ba gotalua soi böʼö.+
9 Niha si toröi andrö, latörö tödöra ndraʼo ba gotalua soi böʼö ba niʼoloiʼö yaʼira.+ Aboto ba dödöra wa afatö dödögu börö me faröi ira, laʼafökhöiʼö dödögu,+ ba laʼomasiʼö nadu niʼogorofi andrö.+ Aila ira dania ba fatuwu ira gamuatara si raʼiö awö ngawalö zi lö sökhi nifaluara.+
10 Awena dania aboto ba dödöra wa yaʼo Yehowa, ba tenga faya wamakao si no uwaʼö khöra.”’+
11 ”Daʼa niwaʼö Yehowa Lowalangi Fondrege Zalawa: ’Bözi dawo-tawo ba hösini danö ba wangeʼesi ngawalö zi lö sökhi hegöi ngawalö zi raʼiö nifalua ndraono Gizaraʼeli, börö me si mate ira ba mbawa wöda, lofo hegöi ba wökhö waba.+
12 Mate dania ba wökhö waba niha si so ba nahia saröu ba si mate ba mbawa wöda niha sahatö. Gofu haniha zauri mazui si toröi, mate ira ba waʼolofo. Ufalua wönugu khöra.+
13 Fadela tou ba danö niha nibubunu ba gotalua nadu niʼogorofi andrö khöra, ba zi fasui naha wanunu sumange,+ ba hili-hili, ba zuzu hili, barö geu satabö, barö ndraha geu sebua. Ba daʼö labeʼe zumange somuhua enaʼö omuso dödö nadu niʼogorofi andrö khöra.+ Ba luo daʼö, awena dania aboto ba dödömi wa yaʼo Yehowa.+
14 Ufazawa dangagu ba wanguhuku yaʼira ba ubaliʼö nahia si lö niha-niha soi daʼö. Fefu nahia si toröi yaʼira, ubaliʼö tanö si mate töra moroi ba danö si mate sahatö ba Ribela. Awena dania aboto ba dödöra wa yaʼo Yehowa.’”
Nisura ba gahe zura
^ Sin.: ”nahia sagalawa”.
^ Ba li Heberaiʼo, te moʼamakhaita ia ba ”zi taʼunö” ba wangoromaʼö faʼogoro.
^ Sin.: ”nahia sagalawa”.
