Hezekieli 9:1-11
9 Aefa daʼö, muʼao ia khögu, ”Kaoni niha si no mufili ba wanguhuku banua daʼa. Akha laʼohe wangönara ba wanudugö!”
2 Uʼila daönö ndra matua si tohare moroi ba mbawa göli tanö yawa+ sangotahögö tanö yöu, ba oi zara laʼohe wangöna ba wamunu. So göi samösa ndra matua sonukha si sökhi no ibeʼe ba löwi-löwinia naha fena sekretaris.* Möi ira bakha ba mozizio ira ba zinga naha wanunu sumange moroi ba tembaga.+
3 Aefa daʼö, tefazawa lakhömi Lowalangi ndraono Gizaraʼeli+ si so yawa ba dete kerubi numalö ba mbawandruhö gosali.+ Muʼao ia khö ndra matua samake nukha si sökhi andrö, si so naha fena sekretaris ba löwi-löwi.
4 Imane khönia Yehowa, ”Töröi fefu mbanua daʼa awö Yeruzalema, ba fotandro gangango niha sabu tödö ba sangarö-ngarö+ börö ngawalö zi raʼiö nifalua ba mbanua daʼö.”+
5 Imane ba danö böʼö, ”Oʼö ia ba woʼanöröi banua daʼö ba mibunu niha si so ba daʼö. Böi ahakhö dödömi wamaigi yaʼira ba böi alimagö khömi ira.+
6 Mibunu fefu ndra matua si no alawa döfi, sawuyu-wuyu, ono alawe, iraono side-ide hegöi ira alawe irege tehori ira.+ Hizaʼi, böi mifalua hadia ia ba niha si no mufotandro.+ Mibörögö ba naha niʼamoniʼö khögu.”+ Andrö wa labörögö wamalua daʼö khö ndra matua sagalawa döfi si so föna gosali.+
7 Aefa daʼö imane khöra, ”Taʼunöi gosali andrö ba mifönui boto zi mate golayamania.+ Miʼofanö!” Mofanö ira ba labunu niha si so ba mbanua daʼö.
8 Me labunu fefu niha si so ba daʼö ba hatö yaʼo zi toröi, utuhi danö ba muʼaodo, ”He Yehowa Lowalangi Fondrege Zalawa! Hadia öhori fefu ndraono Gizaraʼeli si toröi na öfalua wönumö sabölö-bölö ba Yeruzalema?”+
9 Imane khögu, ”Sindruhu-ndruhu wa ebua sibai zala nifalua ndraono Gizaraʼeli khögu hegöi Yehuda.+ Afönu fanuwagö do mbanua daʼa+ hegöi faʼalösökhi.+ Lamane, ’No iröi mbanua daʼa Yehowa. Lö iʼila ita Yehowa.’+
10 Hizaʼi, lö ahakhö dödögu wamaigi yaʼira ba lö alimagö khögu ira.+ Usulöni khöra gamuatara si no lafalua.”
11 Aefa daʼö, uʼila ndra matua samake nukha si sökhi andrö si so naha fena ba löwi-löwi, mangawuli ia wangombakha, ”No ufalua fefu simane niwaʼöu.”
Nisura ba gahe zura
^ Mazui ”naha dawa fena sekretaris”.
