Hosea 1:1-11
1 Mohede Yehowa khö Hosea* ono Mbeʼeri me mamatörö Usia,+ Yotamo,+ Ahasi+ ba Hizikia+ tobali razo ba Yehuda+ hegöi me mamatörö Yerobeamo+ ono Yoasi+ razo ndraono Gizaraʼeli.
2 Me ifaʼema goroisania Yehowa khö Hosea, imane Yehowa, ”Angowalu khö zi samösa ira alawe. Tobali dania ia sohorö-horö ba tumbu khöu nono moroi ba wohorö-horönia börö me no sindruhu-ndruhu faröi soi daʼa khö Yehowa simane niha sohorö-horö.”+
3 Andrö wa mangowalu Hosea khö Gomeri ono Dibilaʼi. Manabina Gomeri ba tumbu khönia nono matua.
4 Imane Yehowa khö Hosea, ”Beʼe töinia Yezereʼeli* börö me lö ara tö uhuku nösi nomo Yehu+ me no laduwagö ndro niha sato ba Yezereʼeli. Uhori wamatörö ndraono Gizaraʼeli.+
5 Ba luo daʼö, ufatö wana sinali ndraono Gizaraʼeli ba Ndraso Yezereʼeli.”
6 Aefa daʼö, ifuli zui manabina Gomeri ba tumbu khönia nono alawe. Imane Lowalangi khö Hosea, ”Beʼe töinia Lo-ruhama,* börö me lö uhakhösi tödö+ saʼae ndraono Gizaraʼeli. Hasambalö ufofanö ira.+
7 Hizaʼi, uhakhösi tödö niha Yehuda.+ Yaʼo Yehowa Lowalangira,+ uʼorifi dania ira, tenga ba wasuwöta, fana sinali, föda, kudo mazui niha si fakudo.”+
8 Me no aefa ba mbagi zusu Lo-ruhama, ifuli manabina Gomeri ba tumbu khönia nono matua.
9 Imane Lowalangi, ”Beʼe töinia Lo-ami,* börö me tenga ono mbanuagu ami ba tenga Lowalangimi ndraʼo.
10 ”Hizaʼi, simane faʼoya gawu ba nasi, simane daʼö dania waʼoya ndraono Gizaraʼeli si tebai musuʼa ba muʼerai.+ Ba nahia si no irai uwaʼö khöra, ’Tenga saʼae ono mbanuagu ami’,+ ba daʼö göi ufuli uwaʼö khöra, ’Ono Lowalangi sauri ami.’+
11 Ifuli orudu niha Yehuda ba ndraono Gizaraʼeli+ ba lafataro samösa zondröniaʼö yaʼira, mofanö ira moroi ba soi daʼö. Tobali ngaluo sabölö sökhi daʼö khö Yezereʼeli.+
Nisura ba gahe zura
^ Töi sadogo-dogo khö Hosyaya, eluahania ”Iʼorifi Ia Yehowa; Yehowa Zangorifi”.
^ Eluahania ”Lowalangi Dania Zamazaewe Tanömö”.
^ Eluahania ”Lö Isöndra Waʼahakhö Dödö”.
^ Eluahania ”Tenga Ono Mbanuagu”.
