Hosea 10:1-15
10 ”Hulö döla nagu si lö sökhi* ndraono Gizaraʼeli si lö aetu mowua.+
Itugu oya mbuania ba itugu oya göi naha wanunu sumange nifazökhira.+
Itugu sökhi mbua danö khönia ba itugu monönö waʼasökhi gehomo niʼamoniʼönia.*+
2 No tödö si falimo* dödöra andrö.
Oroma wa fasala ira iadaʼa.
Tohare dania zanudugö naha wanunu sumange hegöi ehomo niʼamoniʼö* khöra.
3 Lamane, ’Lö hadöi razoda saʼae+ börö me lö taʼataʼufi Yehowa.
Hadia gunania khöda razo?’
4 Si lö eluaha nifahuhuosira, fahölu ira ba waya+ ba lafazökhi mbuʼusa li.
Muzawili misa wanguhuku si lö atulö hulö zinanö si so langu ba mbenua.+
5 Laʼabusi tödö nadu ono zawi si so ba Mbeti-avena+ ira niha Zamaria.
Abu dödö zamosumange adu andrö,Simanö göi ndra ere lowalangi niha baero, sohöni-höni adu andrö awö lakhöminia,Börö me teʼoloiʼö ia ba soi böʼö.
6 Teʼohe daʼö ba Asiria tobali buala khö razo sebua.+
Teʼailasi dania Geferai,Ba aila Gizaraʼeli börö me no laʼandrö mene-mene moroi ba nadu andrö.+
7 Taya dania* Zamaria awö razora,+Simane daha geu safatö solangi ba dete nidanö.
8 Muhori+ dania naha wamosumange* ba Mbeti-avena,+ yaʼia daʼö horö nifalua ndraono Gizaraʼeli.+
Tumbu dania zinanö hegöi duʼu sodoi ba naha wanunu sumange khöra.+
Lamane ba hili, ’Balugö ndraʼaga!’
Ba lamane ba hili-hili, ’Langögö ndraʼaga!’+
9 He Izaraʼeli, no öfalua horö+ iʼotarai ba götö Gibea.
Lö öböhöli wamalua daʼö.
Lö tehori ndraʼugö hewaʼae mufalua wasuwöta ba wolawa niha si lö sökhi* ba Gibea.
10 Uhuku ira* gofu hawaʼara zomasido.
Orudu soi böʼö ba wolawa yaʼira,Ba ginötö latema zulö börö zala si dombua si no lafalua.
11 Me föna, Eferai andrö hulö nono zawi si alawe si no tefahaʼö, somasi mamöbörö.
Andrö wa lö ufonoro mbanginia si sökhi.
Hizaʼi iadaʼa, ufatenge niha enaʼö möi ia ba hulu* Geferai.+
Samaku tanö dania Yehuda, ba sogori tanö dania Yakobo.
12 Mifaku danö sinangea mutanö sinanö,Mitaru danömö waʼatulö ba mibasi dania mbua waʼomasi si lö faröi,+Fatua so nasa ginötö ba wangalui Yehowa.+
Hasambalö tohare ia ba wamahaʼö yaʼugö sanandrösa ba zindruhu hegöi satulö.+
13 Hizaʼi, no mitaru zi lö sökhi,Andrö wa mibasi walöʼatulö.+
No miʼa mbua moroi ba walimosami,Börö me miʼodaligö waʼabölömi samösaHegöi ira saradadumi sabölö sato sibai.
14 So dania li wasuwöta ba wolawa soimö,Ba tedudugö fefu mbanuamö si no mufoʼöli,+Simane me tohare Zalama ba wanudugö Mbeti-Arebeli,*Me alua wasuwöta andrö muböbözi nina awö nononia irege mate.
15 Daʼö dania zalua khöu yaʼugö Betieli,+ börö waʼoya zi lö sökhi nifaluamö.
Hasambalö mubunu* razo ndraono Gizaraʼeli ba ginötö tumbu luo.”+
Nisura ba gahe zura
^ Faigi Geluaha Ngawua Wehede.
^ Mazui te ”sanana tou ba danö”.
^ Mazui ”tefuyu”.
^ Faigi Geluaha Ngawua Wehede.
^ Mazui ”Muduhö dania mbawa”.
^ Sin.: ”nahia sagalawa”.
^ Sin.: ”iraono matua si lö atulö”.
^ Mazui ”Ubeʼe khöra mene-mene”.
^ Mazui ”wamasa kalo mbagi”.
^ Mazui ”omo Garebeli”.
^ Mazui ”muduhö mbawa”.
