Hosea 11:1-12
11 ”Uʼomasiʼö sibai ndraono Gizaraʼeli me iraono nasa ira,+Moroi ba Miserai ukaoni nono mbanuagu.+
2 Ihötöi ukaoni* ira, ihötöi laʼaröuʼö ira khögu.+
Lö laböhöli wameʼe sumange khö Mbaʼali,+Ba labeʼe zumange ba nadu nifoe nifazökhira samösa.+
3 Yaʼo zamomaha Eferai ba wowaö-waö,+ ba yaʼo zosakhei yaʼira.+
No ufadöhö ira, hizaʼi lö omasi ira lafaduhuʼö ndraʼo.
4 Udöni ira khögu si fao faʼahakhö dödö ba faʼomasi.+
Ba wamaigira, yaʼodo andre hulö niha sangefaʼö kalo mbagira.
Si fao faʼasökhi dödö, möido ufasao göra.
5 Lö lafuli ira ba danö Miserai, hizaʼi Asiria dania zi tobali razora,+Börö me lö omasi ira mangawuli khögu.+
6 Mufaligo-ligoi wöda ba mbanuara,+Ba mududugö mbaʼa-baʼa mbawa göli khöra,Ba tehori ira börö me lafakhoi tödöra zi lö sökhi.+
7 Asese faröi khögu nono mbanuagu.+
Hewaʼae lakaoni ira miyawa,* hizaʼi lö somasi möi.*
8 He yaʼugö Eferai, hewisa wa tola uröi ndraʼugö?+
He yaʼugö Izaraʼeli hewisa wa ululu ndraʼugö ba danga nudu?
Hewisa wa tola ufalua khöu nifaluagu ba Gadama?
Hewisa wa tola ubaliʼö ndraʼugö simane Seboʼi?+
No faböʼö gera-eragu;Ufuli uhakhösi tödö ndraʼugö.+
9 Lö ufalua wönugu si hola-hola.
Lö saʼae ufuli uhori Geferai,+Börö me Lowalangi ndraʼo, tenga niha gulidanö,Niʼamoniʼö andrö ba gotaluami.
Lö uʼondrasi ami si fao fönu.
10 Laʼoʼö dania Yehowa ba muʼao ia simane singo.+
Ba ginötö muʼao ia, tohare ndraononia moroi ba gaekhula si fao fanizi-nizi.+
11 Möi ira baero moroi ba Miserai si fao fanizi-nizi hulö wofo;Mofanö ira moroi ba Asiria hulö marafadi.+
Yaʼo Yehowa, uʼohe ira mangawuli ba nomora zamösana.+
12 Lö iböhöli Eferai wolimo yaʼo.
Gofu hezo, oroma khögu walimosa ndraono Gizaraʼeli.+
Hizaʼi, lö si faröi Yehuda khö Lowalangi,Ba lö faröi ia khö Wondrege Niʼamoniʼö.”+
Nisura ba gahe zura
^ Eluahania nikaoni ndra samaʼeleʼö hegöi niha böʼö nifatenge ba wamahaʼö iraono Gizaraʼeli.
^ Eluahania ba wamosumange sindruhu.
^ Mazui ”moʼalawaʼö yaʼo”.
