Hosea 12:1-14
12 ”Angi dania niʼa Geferai.
Angi gatumbukha nigohinia ero maʼökhö.
Asese falimo ia ba ifalua waʼalösökhi.
Fawuʼu li ia ba niha Asiria,+ ba iʼohe wanikha ba Miserai.+
2 So gamadöniwa Yehowa ba niha Yehuda.+
Ihuku Yakobo moloʼö amuatara,Ba isulöni khöra moloʼö si no lafalua.+
3 Me bakha ba dalu nasa so ia, no igogohe mbörö sisi gaʼania.+
Ihorigö waʼabölönia ba wasöndrata khö Lowalangi.+
4 Lö iböhöli wasöndrata khö malaʼika irege möna ia.
Iʼandrö howu-howu si fao feʼe.”+
Iʼondrasi ia Lowalangi ba Mbetieli, ba fahuhuo khönia Lowalangi ba daʼö sanandrösa khöda.+
5 Yehowa, Lowalangi samatörö saradadu zorugo,+Yehowa andrö döinia, si tebai laʼolifugö niha.+
6 ”Börö daʼö, miʼangawuli khö Lowalangimi,+Böi miböhöli wangoromaʼö faʼomasi si lö faröi hegöi faʼatulö,+Ba böi aetu wanötönami khö Lowalangimi.
7 So ba danga zogale kilo si falimo;Omasi ia falimo.+
8 Lö iböhöli wangumaʼö Eferai, ’No kayo ndraʼo,+No fahöna gokhötagu.+
Tebai lafobahulu ndraʼo mazui fasala ndraʼo ba halöwögu.’
9 Hizaʼi, yaʼo Yehowa Lowalangiu iʼotarai ba danö Miserai.+
Ufuli dania ufaʼaso ndraʼugö ba nose,Simane ba ngaluo gowasa si no muhonogöi.
10 Fahuhuo ndraʼo khö ndra samaʼeleʼö,+Ba uhöna khöra wameʼe angilata,Ba ufatunö khö ndra samaʼeleʼö gamaedola enaʼö lafaʼema khömi.
11 Ba mbanua Gileadi, falimo niha*+ ba lö latörö zindruhu.
Ba Giligala, labeʼe nono zawi tobali sumange.+
Naha wanunu sumange khöra hulö gara nifalaete ba mbenua.+
12 Moloi Yakobo ba mbanua* Garamo.*+
Ba daʼö mohalöwö Gizaraʼeli+ enaʼö isöndra woʼomonia ira alawe.+
Tobali ia kubalo mbiri-biri enaʼö isöndra woʼomonia ira alawe.+
13 Ifatenge samösa zamaʼeleʼönia Yehowa ba wangeheta iraono Gizaraʼeli ba danö Miserai,+Ba ifatenge ndra samaʼeleʼö ba wondrorogö yaʼira.+
14 Eferai andrö zangafökhöiʼö tödö Lowalangi.+
Lö tebulö wa fasala ia börö me no iduwagö ndro.*
Isulöni khönia Lowalanginia zi no ifalua börö me no laʼailasi ia.”+
Nisura ba gahe zura
^ Mazui ”laʼogunaʼö gelemu”.
^ Sin.: ”mbenua”.
^ Mazui ”Ziria”.
^ Mazui ”moʼömö do ia”.
