Hosea 13:1-16
13 ”Me fahuhuo Geferai, manizi-nizi niha sato.
Yaʼia wondrege zabölö ba gotalua ndraono Gizaraʼeli.+
Hizaʼi, fasala ia ba mate börö me ifosumange Mbaʼali.+
2 Itugu monönö horö nifaluara iadaʼa,Lafazökhi nadu* moroi ba wirö.+
Onekhe sibai ira wamazökhi adu simane nifazökhi ndra sogonekhe.
Lamane, ’Dozi niha sameʼe sumange hasambalö laʼuma nono zawi.’+
3 Börö daʼö, tobali ira simane lawuo ba zihulö wongi,Simane namo mbanua salio taya,Simane uliho niʼoloiʼö nangi ba naha wamöbörö,Ba simane simbo sanörö bawa duwu-tuwu.
4 Hizaʼi, yaʼo Yehowa Lowalangimi iʼotarai ba danö Miserai,+Ha yaʼo Lowalangi niʼilami.
Ba ha yaʼo Zangorifi yaʼami.+
5 Urorogö ami ba danö si mate,+ ba danö si lö idanö.
6 Abuso ami ba mbua nowimi.+
Abuso ami irege tumbu khömi waʼasiliyawa.
Daʼö mbörö wa miʼolifugö ndraʼo.+
7 Tobali ndraʼo simane singo sawuyu-wuyu khöra,+Simane harimo sanarogö yaʼira ba zinga lala.
8 Uʼondrasi ira simane berua si taya ono,Ba usasawi dötöʼara.
Uʼa ira ba daʼö simane singo.
Urifö samuʼi dania zanasawi yaʼira.
9 He Izaraʼeli, daʼö dania zamakiko yaʼugö,Börö me ölawa ndraʼo, ölawa zanolo yaʼugö.
10 No irai ömane, ’Fataro khögu samösa razo awö ndra sondröniaʼö.’+
Iadaʼa, hezo so razomö andrö? Akha iʼefaʼö ndraʼugö moroi ba mbanuamö.
Hezo so ndra sondröniaʼö* andrö khöu?+
11 Si fao fönu, ufataro khöu samösa razo,+Ba si fao faʼabao dödö, ufuli uheta ia.+
12 Lö muʼolifugö zala nifalua Geferai;No muʼerai ba no musura fefu horönia.
13 Irasoi dania wehulu simane niha soʼono,Hizaʼi hulö ndraono si bodo ia,Si lö omasi möi baero ba dalu ninania hewaʼae no irugi inötö waʼatumbunia.
14 Uhöli nono mbanuagu moroi ba Lewatö.*
Uʼefaʼö ira moroi ba waʼamate.+
Hezo so zöfumö Faʼamate?+
Hezo so wamakao andrö khöu yaʼugö Lewatö?+
Lö uhakhösi tödö ndraʼugö.
15 Hewaʼae atabö ia ba gotalua ndruʼu sodoi,Tohare dania nangi gatumbukha moroi khö Yehowa.
Tohare daʼö moroi ba danö si mate ba iʼoköliʼö mbaʼa nidanö awö gumbu nidanö.
Teʼoloiʼö fefu haratonia sebua böli.+
16 Tefaduhuʼö dania wa fasala Zamaria+ börö me mamadaö ia ba wolawa Lowalanginia.+
Mate ira ba mbawa wöda.+
Mate dania ndraonora ba mbözi-bözi,Ba musila dalu ndra alawe sanabina khöra.”
Nisura ba gahe zura
^ Mazui ”nadu nifahele”.
^ Sin.: ”sanguhuku”.
^ Mazui ”Syeol”. Faigi Geluaha Ngawua Wehede.
