Hosea 14:1-9
14 ”No alabu ndraʼugö yaʼugö Izaraʼeli börö zala nifaluamö.
Andrö, angawuli khö Yehowa Lowalangiu.+
2 Angawuli khö Yehowa ba ömane khönia,’Efaʼö zala nifaluama+ ba tema gamuatama si sökhi.
Mafuli masuno ndraʼugö bewema+ simane me mabeʼe nono zawi sawuyu-wuyu tobali sumange khöu.
3 Tebai iʼorifi ndraʼaga Asiria.+
Lö saʼae maʼogunaʼö kudo wasuwöta.+
Lö matötöi nifazökhi dangama tobali Lowalangima,Börö me yaʼugö zangoromaʼö faʼahakhö dödö ba ndraono si lö ama.’+
4 Ufuli dania ufadöhö nono mbanuagu moroi ba gamuatara si faröi.+
Uʼomasiʼö ira soroi ba dödögu,+Börö me lö saʼae mofönudo khöra.+
5 Tobali ndraʼo simane namo mbanua ba ndraono Gizaraʼeli.
Mobowo ia simane bunga lili,Ba aro sibai waʼania simane eu Libano.
6 Itugu monönö waʼoya ndrahania.
Faʼasökhinia simane eu zaitu,Ba faʼomuhuania simane eu Libano.
7 Toröi ira barö lumögu.
Latanö zinanö, ba moliwiö ira simane töla nagu.+
Tehöngö* ndraʼo simane agu Libano.
8 Imane Eferai, ’Hadia guna nadu andrö khögu saʼae?’+
Ufondrondrongo ia ba urorogö.+
Tobali ndraʼo simane eu juniper satabö.
Yaʼo zangaʼasogö buania khöu.”
9 Yaʼaboto ba dödö niha satua-tua daʼa fefu;Yaʼiʼila geluahania niha si so faʼaboto ba dödö.
No satulö lala Yehowa andrö.+
Ba daʼö latörö ira niha satulö tödö,Ba alabu dania niha si lö sökhi ba lala daʼö.
Nisura ba gahe zura
^ Mazui ”Itörö tödö niha”.