Hosea 2:1-23
2 ”Mimane ba dalifusömi matua, ’Ono mbanuagu ami!’*+
Mimane ba dalifusömi alawe, ’Ira alawe nihakhösi tödö ami!’*+
2 Miʼangadugö ninami. Miʼangadugö ia,Börö me tenga foʼomogu ia+ ba tenga foʼomonia ndraʼo.
Lö tola löʼö iböhöli wohorö-horöBa ibato wohorö-horö ba zi tenga foʼomonia.*
3 Na lö ibato, uheta nukhania simane me awena tumbu ia.
Ubaliʼö ia simane tanö si mateBa simane tanö si lö idanö.
Ubunu ia ba waʼowökhi dödö.
4 Lö uhakhösi tödö ndraononia,Börö me ono horö ira.
5 No mohorö ninara.+
No möi fangaila gamuata ndra alawe sangadonogö yaʼira.+ Imane,’Möi ndraʼo wamalukhaisi ira tuho dödögu,+Sameʼe ögu idanö ba roti,Bu mbiri-biri ba nukha si sökhi, fanikha hegöi nibadu.’
6 Börö daʼö, ubaʼa lalania faoma duʼu sodoi.
Ufazökhi göli kara ba wombaʼa yaʼia,Enaʼö lö hadöi lalania weʼamöi baero.
7 Möi ia wolohi ira tuho dödönia andrö, hizaʼi lö ikhamö.+
Iʼalui ira ba lö isöndra.
Andrö wa imane, ’Mangawulido khö woʼomogu si oföna,+Abölö ohahau dödögu me luo daʼö moroi iadaʼa.’+
8 Lö aboto ba dödönia wa yaʼo zameʼe khönia bua nowi,+ agu si bohou awö wanikha.
Yaʼo zameʼe khönia firö soya,Hegöi anaʼa niʼogunaʼönia ba wanömba Baʼali.+
9 ’Börö daʼö, mangawulido dania ba wangai bua nowigu andröHegöi bua agu ba ginötö mowua.+
Ufuli uhalö mbu mbiri-biri awö nukha si sökhi si no ubeʼe ba wombalugö botonia.
10 Iadaʼa uheta nukhania föna ndra tuho dödönia andrö,Ba lö hadöi ira matua si tola mangefaʼö yaʼia moroi khögu.+
11 Ba uheta khönia waʼomuso dödö,Owasa,+ baŵa si bohou, sabato awö gowasa tanö böʼö khönia.
12 Ufakiko dania danömö agu hegöi töla geu ara khönia. Imane ba zinanö andrö,
”Daʼa luo nitemagu moroi khö ndra tuho dödögu.”
Ubaliʼö ia simane atuaBa utu ndruʼu si so ba mbenua dania zi manga yaʼia.
13 Uhuku ia börö ngaluo niʼogunaʼönia ba wameʼe sumange khö Mbaʼali,+Me ifake laeduru awö gama-gama tanö böʼö ba wolohi ira tuho dödönia.
Hizaʼi no iʼolifugö ndraʼo,+ iwaʼö Yehowa.
14 Andrö wa udönisi dödönia,Uʼohe ia ba danö si mate,Ba fahuhuo ndraʼo khönia ba wangai tödönia.
15 Ba luo daʼö, ufangawuli khönia kabu nagunia,+Ba itörö dania Ndraso Gakhori+ ba weʼamöi ba mbanua dötönafö.
Ba daʼö dania itema ligu simane me awuyu-wuyu ia,Simane me mofanö ia moroi ba danö Miserai.’+
16 Ba luo daʼö, yaʼo Yehowa, umane khönia,’Öfotöi dania ndraʼo foʼomou ba lö saʼae ökaoni ndraʼo sokhö yaʼugö.’*
17 ’Lö utehegö khönia wogaoni töi-töi Mbaʼali;+Ba lö itörö tödö niha döira.+
18 Ba luo daʼö, fawuʼu li ndraʼo ba gutu ndruʼu salahi nono mbanuagu,+Ba fawuʼu li göi ndraʼo ba wofo si so ba dalu mbanua awö gurifö sanana-nana ba danö.+
Uhori wana sinali, föda hegöi fasuwöta ba soi daʼa,+Ba ubeʼe khöra waʼahono dödö.+
19 Ubaliʼö ndraʼugö foʼomogu sagötö faʼara,Ba ubaliʼö ndraʼugö foʼomogu ba waʼatulö hegöi ba waʼaduhuBa waʼomasi si lö faröi awö ba waʼahakhö dödö.+
20 Ba ubaliʼö ndraʼugö foʼomogu ba waʼalöfaröi,Ba hasambalö öʼokhögö waʼaboto ba dödö sanandrösa khö Yehowa.’+
21 Ba luo daʼö iwaʼö Yehowa, umane ba wameʼe fanema li,’Ufondrondrongo li mbanua si yawaBa yaʼia zamondrondrongo li gulidanö.+
22 Ifondrondrongo dania tanö li mbua nowi, agu si bohou hegöi fanikha,Ba yaʼira göi zamondrondrongo li Yezereʼeli.*+
23 Ufazaewe dania ia ba gulidanö hulö danömö zinanö,+Ba uhakhösi tödö ia börö me lö sohakhösi tödö yaʼia.*
Umane ba zi tenga ono mbanuagu,* ”Ono mbanuagu ami.”+
Ba lamane, ”Lowalangima ndraʼugö.”’”+
Nisura ba gahe zura
^ Sin.: ”wohoröni ba gotalua zusunia”.
^ Mazui ”Baʼalimö”.
^ Eluahania ”Lowalangi Dania Zamazaewe Tanömö”.
