Hosea 3:1-5
3 Imane khögu Yehowa, ”Fuli halö woʼomomö niʼomasiʼö ndra matua böʼö andrö, ba omasiʼö ia hewaʼae no mohorö ia+ simane fangomasiʼö Yehowa ndraono Gizaraʼeli+ si no mamosumange lowalangi böʼö+ ba somasi kue nifaruka bua nagu.”*
2 Andrö wa uʼöli ia 15 loga firö ba 330 liter* barli.
3 Aefa daʼö umane khönia, ”Ara dania toröi ndraʼugö khögu. Tebai öfalua wohorö ba tebai orudu ndraʼugö ba ndra matua böʼö. Ba lö göi ufalua waʼorudu khöu.”
4 Alua daʼö börö me ara dania lö hadöi razo ba ndraono Gizaraʼeli,+ lö hadöi sondröniaʼö, sumange, ehomo niʼamoniʼö,* nukha gere*+ hegöi adu.*+
5 Ba gafuriata dania, lafuli laʼalui Yehowa Lowalangira+ ba laʼalui razora sotöi Dawido.+ Si fao fanizi-nizi, möi ira wangondrasi Yehowa ba wangandrö faʼasökhi dödönia ba gamozua götö daʼö.+
Nisura ba gahe zura
^ Mazui ”kue kismis”.
^ Faigi Geluaha Ngawua Wehede.
^ Mazui ”efod”. Daʼa mbaru sebua si so tanö föna ba tanö furi.
^ Mazui ”adu nösi nomo”. Sin.: ”terafi”.
