Hosea 4:1-19
4 He yaʼami iraono Gizaraʼeli, mifondrondrongo niwaʼö Yehowa,Börö me so gamadöniwa Yehowa ba nono mbanua soi daʼa,+Lö aboto ba dödöra Lowalangi ba lö hadöi sindruhu ba daʼa hegöi faʼomasi si lö faröi.+
2 Itugu monönö zi möi ba hölu ba waya, falimosa,+ fabunusa,+Fanagö hegöi samalua amuata wohorö.+
Lö irai tebato wabunusa.+
3 Daʼö mbörö wa mege-ege dania soi daʼa,+Ba tehori fefu nono mbanuania.
Ahori mate gutu ndruʼu si so ba mbenua, fofo ba dalu mbanuaHegöi iʼa ba nasi.
4 ”Hizaʼi, böi so zolawa mazui sanegu yaʼami,+Börö me hulö niha solawa ere ami.+
5 Manendre ami ba zi maʼökhö,Simanö göi ndra ere, manendre ira hulö na ba zi bongi.
Hasambalö dania ubunu* ninami.
6 Mate dania* nono mbanuagu börö me lö aboto ba dödöra ndraʼo.
Börö me lö omasi ami miʼokhögö waʼaboto ba dödö sanandrösa khögu,+Lö göi omasido na tobali ami ere ba wamosumange yaʼo.
Börö me no miʼolifugö goroisa* Lowalangimi,+Ba uʼolifugö göi ndraonomi.
7 Itugu monönö waʼatora,* itugu monönö göi horö nifaluara khögu.+
Ugati lakhömi niʼokhögöra tobali fangoʼaya.*
8 Na fasala nono mbanuagu ba laʼa nagole.*
Omasi ira na asese fasala nono mbanuagu.
9 Faoma uhuku nono mbanua daʼa hegöi ira ereUhuku ira börö gamuatara.
Ba latema zulö nifaluara.+
10 Manga dania ira, hizaʼi lö abuso.+
Mohorö ira, hizaʼi lö moʼono,+Börö me lö lafosumange Yehowa.
11 Taya wangera-ngera si sökhi ba wamalua sindruhuBörö wohorö-horö, agu satua hegöi agu si bohou.+
12 Manofu nono mbanuagu ba nadu eu.
Laʼoʼö wanuturu lala nibeʼe ziʼora.*
Isö-isö dödöra ba wohorö, daʼö zamowöhö yaʼira.
Börö wohorö nifaluara andrö wa lö moloʼö ira khö Lowalangira.
13 Labeʼe zumange ba zuzu hili.+
Latunu zumange ba hili-hili,Ba mbörö geu ek, eu storaks hegöi ba mbörö geu sebua tanö böʼö,+Börö me molumö nahia daʼö,Andrö wa mohorö-horö nonou alaweBa orudu numönöu khö ndra matua böʼö.
14 Lö uhuku nonou alawe börö wohorö-horö,Ba lö uhuku numönöu sorudu ba ndra matua böʼö,Börö me möi ndra matua khö ndra alawe sohorö-horö,Ba fao ira khö zohorö-horö ba wameʼe sumange ba nahia wamosumange.
Mubunu dania niha si lö faʼaboto ba dödö andrö.+
15 Hewaʼae no mohorö ndraono Gizaraʼeli,+Hizaʼi böi yaʼifalua zimane daʼö Yehuda.+
Böi miʼae ba Giligala+ mazui ba Mbeti-avena,+Ba böi miʼae ba hölu ba döi Yehowa Lowalangi sauri.+
16 Abeʼe högö ndraono Gizaraʼeli simane sawi sabeʼe högö.+
Lö ikubaloi ira Yehowa simane ono mbiri-biri si so ba mbenua soduʼu.
17 No tefaböbö Geferai ba nadu.+
Tehegö manö khönia!
18 Me no ahori labadu göra bir,*Mohorö ira.
Omasi sibai ndra samatörö* yaʼira ba wangomasiʼö faʼaila.+
19 Si taya ia hulö niʼoloiʼö nangi,Ba aila dania ia börö zumange si no ibeʼe.”
Nisura ba gahe zura
^ Mazui ”uduhö mbawa”.
^ Mazui ”Uduhö mbawa”.
^ Mazui ”wanuturu lala”.
^ Te ira ere.
^ Mazui te ”No lagati lakhömigu tobali fangoʼaya”.
^ Eluahania nagole si no mubeʼe sumange ba wangandrö fangefa zala.
^ Mazui ”ziʼo samaʼeleʼö”.
^ Mazui ”bir gandru”.
^ Mazui ”solumöʼö”.
