Hosea 5:1-15
-
Fanguhuku Geferai hegöi Yehuda (1-15)
5 ”Yaʼami ere,+ mifondrondrongo.
Yaʼami iraono Gizaraʼeli, miʼameʼegö tödö.
Yaʼami ösi nomo razo, mifondrondrongo.
Tehuku dania ami,Börö me no tobali ami simane tandrawa ba Misefa,Ba simane uʼö ba Dabora.+
2 No ato niha si no labunu ira samadaö,*Ba no ufangelama ira.
3 Noa sa aboto ba dödögu Geferai,Ba tebai ibiniʼö ia khögu Izaraʼeli.
He Eferai, omasi sibai ndraʼugö iadaʼa ba wohorö,Ba no itaʼunöisi ia Izaraʼeli.+
4 Amuatara zanaisi yaʼira na mangawuli ira khö Lowalangira,Börö me omasi ira wohorö,+Ba lö lafaduhuʼö wa Yehowa andrö Lowalangira.
5 Faʼasiliyawa ndraono Gizaraʼeli zamaduhuʼö wa fasala ira.+
Alau ndraono Gizaraʼeli hegöi Eferai börö zala nifaluara,Ba fao awöra Yehuda ba waʼalau.+
6 Laʼohe guriföra ba wangalui Yehowa,Hizaʼi lö lasöndra ia.
No iʼaröuʼö ia khöra.+
7 No laröi Yehowa,+Börö me no laʼadonogö nono horö.*
Tehori ira ba zi sara waŵa* fabaya tanö ondröitara.
8 Mifoli dorofe nifazökhi moroi ba dandru+ ba Gibea! Mifoli dorofe ba Rama!+
Miʼoʼao tandra wasuwöta ba Mbeti-avena!+ So ndraʼaga furiu, yaʼugö Beniami!
9 He yaʼugö Eferai, sindruhu-ndruhu wa sataʼu niha dania zalua khöu ba ngaluo wanguhuku.+
No uʼombakhaʼö hadia zi lö tola löʼö alua ba mado Gizaraʼeli maʼafefu.
10 Ira sondröniaʼö ba Yehuda hulö zamaʼese ola danö.+
Ufaduwa khöra wönugu simane idanö.
11 Mufakao Geferai; no sinangea tehori ia,Börö me no ihalö gangetula ba woloʼö udunia.+
12 Uʼa dania Geferai simane hama si manga eu,Ba ubaliʼö simane eu sobou dania Yehuda.
13 Iʼila Eferai wa mofökhö ia, ba iʼila Yehuda waosa si so ba mbotonia.
Andrö wa möi Geferai ba Asiria+ ba ifatenge niha khö razo sebua.
Hizaʼi, lö faʼabölö khö razo daʼö ba wamadöhö yaʼami,Ba tebai iheta waosami.
14 Hulö zingo sawuyu-wuyu ndraʼo ba Geferai,Ba hulö zingo sabölö ndraʼo ba niha Yehuda.
Usasawi ira ba ulau mofanö.+
Uʼohe ira, ba lö hadöi si tola mangorifi yaʼira.+
15 Uröi ira ba ufulido ba nahiagu irege larasoi lua-lua zala nifaluara.
Ba luo daʼö, laʼandrö waʼahakhö dödö.*+
Laʼalui ndraʼo na tosasa ira.”+
Nisura ba gahe zura
^ Mazui ”niha sangerogö yaʼo”.
^ Te iraono moroi khö woʼomora si tenga iraono Gizaraʼeli.
^ Mazui te ”Lö irugi sara waŵa tö, muhori ira”.
^ Sin.: ”laʼalui dania mbawagu”.
