Hosea 6:1-11
6 ”Aine, datafuli ita khö Yehowa,Börö me no isasawi ita,+ hizaʼi ifuli ifadöhö.
No ibözi ita, hizaʼi ifuli ibalugö zokhoda.
2 Na no aefa dua hari, ifuli iʼabölöʼö ita.
Ba ngaluo si tölu, isusugi ita,Ba tasöndra waʼauri fönania.
3 Taʼokhögö waʼaboto ba dödö sanandrösa khö Yehowa, taforege enaʼö aboto ba dödöda ia.
Hasambalö tohare ia simane haga luo si lö tola löʼö tohare.
Tohare dania ia khöda simane teu,Simane teu sombasöi tanö na baŵa deu.”
4 ”Hadia zinangea ufalua khöu, yaʼugö Eferai?
Hadia zinangea ufalua khöu, yaʼugö Yehuda?
Faʼomasimi si lö faröi hulö lawuo ba zihulö wongi,Hulö zau salio taya.
5 Daʼö mbörö wa ubözi ira faoma turia moroi khö ndra samaʼeleʼö.+
Ubunu ira faoma fehedegu.+
Oroma dania wanguhukugu yaʼami simane faʼoroma haga luo.+
6 Faʼomasi si lö faröi* zomasido, tenga sumange.
Faʼaboto ba dödö khö Lowalangi zabölö omasido miʼokhögö, tenga sumange nitunu.+
7 Simane niha samalua horö, no lasawö mbuʼusa li nifazökhigu.+
No laröi ndraʼo.
8 Gileadi andrö banua niha si lö sökhi.+
No afönu do mbanua daʼö.+
9 Ira ere si so ba daʼö hulö zorabu niha ba lala.
Labunu niha ba lala si numalö ba Zikhema,+Börö waʼalösökhi gamuatara.
10 Uʼila ngawalö zi raʼiö ba gotalua ndraono Gizaraʼeli si hokha mbu zamaigi.
Ba daʼö mohorö-horö Geferai,+Ba no itaʼunöisi samösa ia Izaraʼeli.+
11 Hizaʼi, no mutatugöi ginötö wamasi khöu, yaʼugö Yehuda.
Ufuli dania uʼowuloi nono mbanuagu si no muʼoloiʼö.”+
Nisura ba gahe zura
^ Mazui ”faʼahakhö dödö”.
