Hosea 7:1-16
7 Ero na utandraigö ufadöhö ndraono Gizaraʼeli,Oroma zala nifalua Geferai+ awö zi lö sökhi nifalua Zamaria.+
Omasi ira falimo.+
Laboto nomo weʼamöi managöBa larabu niha ba lala.+
2 Lö irai lafatou-tou tödöra wa lö olifudo zi lö sökhi nifaluara.+
Teʼala ira börö gamuatara samösa.
Sindruhu sa wa lö tobini daʼö fönagu.
3 Lafalua zi lö sökhi ba wangomusoiʼö tödö razo,Ba lalau falimo ba wangomusoiʼö tödö ndra sondröniaʼö.
4 Niha sohorö-horö ira fefu.
Hulö naha wamogö roti nifohola niha samogö roti,Lö moguna muʼaukhuni gasa-gasa wamarukania tarigu irege kamba.
5 Ba ginötö ifalua gowasa razo, mofökhö ndra sondröniaʼöBa mofönu ira na no aefa labadu nagu.+
Fagogohe tanga razo khö ndra sangoʼaya.
6 Tohare ira si fao faʼaukhu dödö simane naha wamogö roti.*
Sara wongi mörö niha samogö roti;Ba zihulö wonginia, mohola-hola galitö bakha ba naha wamogö roti.
7 Aukhu ira simane faʼaukhu naha wamogö roti,Ba lahori fefu ndra samatörö yaʼira.*
No mukalaisi fefu razora.+
Samösa lö sangandrö tolo khögu.+
8 Fahuwu Geferai ba niha baero.+
Tobali ia simane kue sowulo-wulo si lö mubaliʼö ba ginötö mufaga.
9 Niha böʼö zi manga faʼabölönia,+ hizaʼi lö iʼila.
No tohare huwa ba högönia, hizaʼi lö anehe ia.
10 Faʼasiliyawa Gizaraʼeli zamaduhuʼö sala nifaluania.+
Hewaʼae simanö, lö lafuli ira khö Yehowa Lowalangira,+Ba lö göi laʼalui ia.
11 Hulö marafadi si bodo Geferai, lö khönia faʼaboto ba dödö.+
Laʼandrö wanolo ba niha Miserai+ ba möi ira ba Asiria.+
12 Gofu hezo numalö ira, ufazaumba khöra guʼögu,Ba utorugö ira simane fofo ba dalu mbanua.
Uhuku ira* simane famangelama nibeʼegu ba soira.+
13 Alai ndraʼo ira, börö me no laröi ndraʼo!
Tehori dania ira, börö me no mamadaö ira khögu!
Edöna ndraʼo ba wangefaʼö* yaʼira, hizaʼi laböbögö khögu zi lö duhu.+
14 Tenga soroi ba dödö wangandröra fanolo moroi khögu,+Hewaʼae lö labato weʼe ba waratera.
Lakhokhoi mbotora enaʼö tola lasöndra mbua zinanö mazui agu si bohou.
Lö laböhöli wolawa yaʼo.
15 Hewaʼae no ufomaha ira* ba ubeʼe khöra waʼabölö,Lö aetu lalawa ndraʼo ba lafazökhi dandrawa.
16 Labulöʼö lalara, hizaʼi tenga miyawa.*
Tebai mufaduhusi tödö ira, simane fana sinali si no alulu.+
Mate dania ndra sondröniaʼö yaʼira ba mbawa wöda börö lelara andrö si lö sökhi.
Tobali ira famaʼiki niha ba danö Miserai.”+
Nisura ba gahe zura
^ Mazui te ”Simane naha wamogö roti waʼaukhu dödöra me tohare ira ba dandrawa si no lafaʼanö”.
^ Sin.: ”sangetuʼö huku khöra”.
^ Mazui ”Ubeʼe khöra degu-tegu”.
^ Mazui ”wangöhöli”.
^ Mazui ”no ubeʼe khöra degu-tegu”.
^ Eluahania tenga ba wamosumange satulö.
