Hosea 8:1-14
8 ”Mifoli dorofe nifazökhi moroi ba dandru!+
Tohare nudu ba wanuwö ono mbanua* Yehowa simane moyo,+Börö me faröi ira ba mbuʼusa ligu+ ba no lasawö goroisagu.+
2 Muʼao ira khögu, ’Yaʼugö Lowalangima. Aboto ba dödöma ndraʼugö, yaʼaga iraono Gizaraʼeli!’+
3 No latimbagö zi sökhi iraono Gizaraʼeli.+
Akha igohi ira udu.
4 Lafataro samösa razora ba zi lö niwaʼögu khöra.
Lafataro zondröniaʼö yaʼira ba zi lö fao dödögu.
Lafazökhi khöra nadu moroi ba wirö hegöi anaʼa,+Börö daʼö wa tehori ira.+
5 Utimbagö nadu famaedo zawi andrö khömi, yaʼami banua Zamaria.+
Mofönu sibai ndraʼo khömi.+
Hawaʼara dania tebato waʼaraʼiömi börö horö nifaluami?
6 Moroi ba ndraono Gizaraʼeli nadu andrö,Nifazökhi duka sonekhe, ba tenga Lowalangi sindruhu daʼö.
Mududugö dania nono zawi Zamaria irege tobali adudula.
7 Angi sa nitarura,Ba angi sabölö-bölö dania nibasira.+
Lö mowua döla gandru khöra.+
Gofu hadia ia zowua ba tebai mubaliʼö tarigu.
Hewaʼae na mowua ia, soi böʼö zi manga daʼö.+
8 Udu dania zanölö iraono Gizaraʼeli.+
Muzawili ira ba gotalua soi böʼö,+Simane gama-gama si lö moguna.
9 Börö me no möi ira ba Asiria,+ simane kalide gatua si ha sageu.
No igazi zohorö-horö andrö Eferai enaʼö tobali tuho dödöra.+
10 Hewaʼae moroi ba soi böʼö lahalö duho dödöra si no lagazi andrö,Hasambalö uʼowuloi ira.
Tefakao ira+ börö noro nibeʼe razo hegöi ira sondröniaʼö.
11 Oya ifazökhi naha wanunu sumange Eferai ba ifalua horö.+
Iʼogunaʼö fefu naha wanunu sumange andrö ba wamalua horö.+
12 Oya goroisa* si no usura khönia,Hizaʼi, lö ba dödönia daʼö.+
13 Labeʼe khögu zumange nitunu ba laʼa nagolenia,Hizaʼi lö omasi Yehowa fefu daʼö.+
Iadaʼa, itörö tödögu zala si no lafalua ba uhuku ira börö horöra andrö.+
No lafuli* ira ba Miserai.+
14 No laʼolifugö iraono Gizaraʼeli Zamazökhi yaʼira,+ ba lafazökhi nahia wamosumange.+
Oya nifazökhi Yehuda mbanua nifoʼöli.+
Hizaʼi, uʼasogö galitö ba mbanuania
Irege akhozi fefu malige si so ba mbanua daʼö.”+
