Hosea 9:1-17
9 ”He yaʼugö Izaraʼeli, böi omusoiʼö dödöu.+
Böi omusoiʼö dödöu simane soi böʼö.
Börö me no mohorö ndraʼugö ba no öröi Lowalangiu.+
Omasi sibai ndraʼugö gazi nitemau ba wohorö ba naha wamöbörö gandru.+
2 Lö ösöndra göu ba naha wamöbörö hegöi ba naha wamera agu,Ba lö hadöi saʼae agu si bohou.+
3 Aheta dania ndraʼugö ba danö Yehowa.+
Mangawuli Geferai ba danö Miserai,Ba laʼa dania gö salakha ba mbanua Asiria.+
4 Lö saʼae labeʼe nagu tobali sumange khö Yehowa.+
Lö möi fangomuso dödönia zumange nibeʼera,+Börö me no amaedola roti niʼa ba waʼabu dödö.
Raʼiö fefu niha si manga yaʼia.
Ha yaʼira zi manga roti daʼö,Lö laʼohe ba nomo Yehowa.
5 Hadia nifaluami dania na no irugi inötö waʼowulomi,Ba ngaluo gowasa khö Yehowa?
6 Hasambalö moloi ira dania na tedudugö mbanuara.+
Muʼowuloi ira ba danö Miserai+ ba mukoʼo ba mbanua Mefisi.+
Tebalu ba goʼo gama-gamara sebua böli moroi ba wirö,Ba tumbu ndruʼu sodoi ba nosera.
7 He yaʼami Izaraʼeli, yaʼaboto ba dödömi,+Tohare dania luo wanguhuku yaʼami,Ba tohare luo wolau balö!
Ba luo daʼö, hulö zi bodo ndra samaʼeleʼö ba owöhö niha sangumaʼö wa yaʼia andrö tenge-tenge Lowalangi.
Laʼuduni dania ndraʼugö börö waʼoya zala si no öfalua.”
8 Me föna, lö faröi ndra sanaro+ Geferai khö Lowalangigu.+
Hizaʼi iadaʼa, hulö dandrawa wofo fefu nifalua ndra samaʼeleʼö andrö.+
So waʼafatuwu ba nomo Lowalanginia.
9 Sindruhu-ndruhu no lafalua horö solohe yaʼira ba waʼatekiko simane me götö Gibea.+
Itörö tödö Lowalangi zala si no lafalua ba ihuku ira börö horöra.+
10 ”Hulö niha sanöndra agu ba danö si mate, simane daʼö ndraʼo me usöndra ndraono Gizaraʼeli.+
Ba wamaigigu, hulö ziaʼa mbua ara ndra tuami.
Hizaʼi, möi ira khö Mbaʼali Weoro,+Ba lalulu waʼaurira khö lowalangi si möi fangaila,+Irege tobali ira niʼogorofi simane niʼomasiʼöra andrö.
11 Taya dania lakhömi Geferai simane na muhombo wofo.
Lö moʼono ira, lö manabina, ba lö motuge khöra niha.+
12 Hewaʼae so ndraono niʼebuaʼöra,Samösa lö utehegö auri.+
Teʼala waʼaurira me uʼerogö ira!+
13 Ba wamaigigu, Eferai andre simane Diro, nitanö ba mbenua soduʼu si sökhi.+
Hizaʼi iadaʼa, lö tola löʼö ilulu nononia Eferai enaʼö mubunu.”
14 He Yehowa, huku ira moloʼö amuatara.
Beʼe khöra naha nono salio adudu ba ösi zusu soköli.*
15 ”Ba Giligala lafalua fefu horöra andrö.+ Ba daʼö fatuwu sibai ndraʼo khöra.
Ufofanö ira moroi ba nomogu börö gamuatara si lö sökhi.+
Lö saʼae uʼomasiʼö ira.+
Abeʼe högö ndra sondröniaʼö yaʼira maʼafefu.
16 Muʼobö dania Geferai simane eu.+
Oköli waʼara ba lö mowua.
Hewaʼae moʼono ira, hasambalö ubunu nono omasiöra andrö.”
17 Itimbagö ira Lowalangigu,Börö me lö laʼoʼö niwaʼönia.+
Tobali ira nigohi-gohi ba gotalua soi böʼö.+
Nisura ba gahe zura
^ Mazui ”sakore”.
