Maleakhi 4:1-6
4 ”Hasambalö tohare luo daʼö, hulö ndrundrunga si hola-hola.+ Fefu niha si fayawa ba si lö sökhi tobali simane töla wakhe, tehori ira na tohare luo daʼö. Lö hadöi si toröi, akhozi fefu waʼa awö ndrahania,” iwaʼö Yehowa samatörö saradadu zorugo.
2 ”Hizaʼi, mohaga dania khömi luo solohe sindruhu, yaʼami samosumange* töigu, ba hagania* möi famadöhö. Tobali göi ami simane ono zawi satabö sanaoka-naoka börö waʼomuso dödö.”
3 ”Mihundra-hundra dania niha si lö sökhi. Ba ngaluo wanguhuku andrö tobali ira simane gawu-gawu si so barö gahemi,” iwaʼö Yehowa samatörö saradadu zorugo.
4 ”Mitörö tödömi Goroisa andrö nifaʼema genonigu Moze, yaʼia daʼö amakhoita hegöi fareta nibeʼegu ba Horebi enaʼö lafalua iraono Gizaraʼeli maʼafefu.+
5 ”Ufatenge khömi Gelia samaʼeleʼö+ fatua lö tohare ngaluo Yehowa sabölö-bölö ba sataʼu ita andrö.+
6 Ibaliʼö simane tödö ndraono dania dödö zi samösa ama,+ ba tobali simane tödö nama dania dödö ndraono. Daʼö mbörö wa lö tohare ndraʼo ba wanguhuku ulidanö hegöi ba wangohori yaʼia.”
