Mikha 1:1-16
1 Me mamatörö Yotamo,+ Ahasi+ hegöi Hizikia,+ yaʼia daʼö razo-razo Yehuda,+ ibeʼe gangilata Yehowa khö Mikha*+ niha Moreseti andrö sanandrösa ba Zamaria awö ba Yeruzalema,
2 ”He yaʼami ngawalö soi, mifondrondrongo!
He yaʼugö ulidanö awö nösinia maʼafefu, mibeʼe mbörö dalingami!
So Yehowa ba gosalinia niʼamoniʼö,Ba Yehowa Lowalangi Fondrege Zalawa zi tobali samaduhuʼö ba wolawa yaʼami.+
3 Möi baero Yehowa moroi ba nahiania;Möi ia tou ba wohundra-hundra nahia salawa ba gulidanö.
4 Adudu hili-hili barö gahenia,+Ba asila ndrasoHulö lili* sahatö ba galitö,Simane idanö saduwa ba naere-naere sabakha.
5 Alua fefu daʼa börö wamadaö nifalua Yakobo,Börö horö nifalua ndraono Gizaraʼeli.+
Hana wa mamadaö Yakobo?
Hadia tenga börö niha Zamaria?+
Hana wa so naha wamosumange* ba Yehuda?+
Hadia tenga börö niha Yeruzalema?
6 Ubaliʼö dania adudula Zamaria ba mbenua,Ubaliʼö ia kabu ba wananö bua nagu.
Ufazaumba* garania ba ndraso,Ba uboʼa wondrasinia.
7 Mududugö fefu nadu nifoe niʼokhögönia,+Ba mutunu fefu mbuala si no itema ba wamalua fohorö.*+
Uhori fefu nadu niʼokhögönia,Börö me luonia ba wohorö mege wangöhöna yaʼia,Ba tobali luo zohorö-horö zui daʼö dania.”
8 Börö daʼö, uduhugö wege-ege ba ulau moʼao-ao.+
Mofanö ndraʼo lö sandrala ba lö nukha.+
Hulö nasu gatua weʼaogu,Ba feʼegu ba waʼabu dödö hulö li wofo gondra.
9 Tebai mufadöhö zokhonia.+
No iʼanöröi Yehuda.+
No irugi mbawa göli soigu ba Yeruzalema.+
10 ”Böi miʼombakhaʼö daʼö ba Gata.
Böi miʼeʼe.
Mifagaölö ami ba gawu-gawu ba Mbeti-afera.*
11 He yaʼami ono mbanua* Zafiri, miʼofanö lö nukha ba si fao faʼaila.
Lö si möi baero nono mbanua* Zaʼana.
Ba Mbeti-eseli nahia wolumöʼömi me mböröta, hizaʼi hatö li fege-ege sabölö-bölö dania nirongomi ba daʼö.
12 Ladöna-döna zi sökhi ono mbanua* Maroto,Hizaʼi, si lö sökhi niʼasogö Yehowa ba mbawa göli Yeruzalema.
13 He yaʼami ono mbanua* Lakhisi, mifasa kudo ba gureta wasuwöta.+
Moroi khömi iʼotarai horö nono mbanua* Ziona.
He yaʼami ono mbanua Ziona, ba khömi tesöndra wamadaö ndraono Gizaraʼeli.+
14 Börö daʼö, mibeʼe dania mbuala wabalisa ba niha Moreseti-gata,Tebai saʼae laʼodaligö nomo-omo ba Gakhisibi+ ira razo ndraono Gizaraʼeli.
15 He yaʼami ono mbanua* Maresa,+ uʼasogö samösa zokalaisi* yaʼami.+
Tohare dania zolakhömi andrö moroi ba* Gizaraʼeli ba ofeta ia ba Gadula.+
16 Mitaba ba mitöwö mbu högömi,Börö me alua wamakao ba ndraono niʼomasiʼömi.
Mitöwö mbu högömi irege tobali simane högö moyo,Börö me no lahalö ira moroi khömi ba laʼoloiʼö.”+
Nisura ba gahe zura
^ Fangadogoiʼö döi Mikhaʼeli mazui Mikhaya, eluahania ”Haniha Zimane Yehowa?”
^ Te eluahania lili nifazökhi moroi ba gazuni wani.
^ Sin.: ”nahia sagalawa”.
^ Sin.: ”Ufaduwa”.
^ Mazui ”me ifamawa mbotonia”.
^ Mazui ”nomo Afera”.
^ Sin.: ”ono mbanua ira alawe”.
^ Sin.: ”ono mbanua ira alawe”.
^ Sin.: ”ono mbanua ira alawe”.
^ Sin.: ”ono mbanua ira alawe”.
^ Sin.: ”nono alawe”.
^ Sin.: ”ono mbanua ira alawe”.
^ Mazui ”zangoloiʼö”.
^ Sin.: ”Tohare dania lakhomi”.
