Mikha 2:1-13
2 ”Alai niha samakhai si lö sökhi,Ba samaʼua si lö sökhi ba naha wemöröra!
Lafalua niʼera-erara andrö na moluo,Börö me sagu khöra wamalua daʼö.+
2 Na omasi ira kabu hegöi omo niha böʼö,+Larabu ba lahalö.
Lalimo niha enaʼö möi khöra nomo niha daʼö,+Ba lahalö gondröitania.
3 Börö daʼö imane Yehowa:
’Iadaʼa, no uʼera-era wamalua famakao ba nono mbanua daʼa,+ ba tebai aefa ami.+
Lö saʼae mofanö ami si fao fayawasa,+ börö me iʼanemaiʼö tohare khömi wamakao.+
4 Ba luo daʼö, molau amaedola niha ba wangoʼaya yaʼami.
Ba laʼeʼesi ami si fao faʼabu dödö.+
Lamane, ”Sindruhu-ndruhu wa tekiko ita!+
Ibeʼe ba danga soi böʼö gokhötada. Ihalö moroi khöda!+
Ibagi-bagi mbenuada ba niha si lö mamosumange yaʼia.
5 Ba gotalua nono mbanua Yehowa,Lö hadöi samadölö sinali fanuʼa ba wombagi tanö.
6 Lamane, ”Böi miʼombakhaʼö!
Tebai laʼombakhaʼö daʼa.
Lö alua khöda waʼaila!”
7 He yaʼami ngaʼötö Yakobo, no mifondrondrongo wehede niha me lawaʼö,
”Hadia lö saʼae faʼebolo dödö khö Yehowa?*
Hadia sindruhu ifalua daʼö?”
Hadia lö moguna wehedegu ba niha sadölö tödö?
8 Hizaʼi, ba gafuriata daʼa, hulö no tobali udu nono mbanuagu.
Lö khömi faʼataʼu ba worabu gama-gama si sökhi ba niha sanörö lala,Sahono tödö ba wanörö lala, hulö niha sawena mangawuli moroi ba wasuwöta.
9 Mifofanö ndra alawe ono mbanuagu moroi ba nomo sohahau dödöra.
Mirabu fefu ngawalö zi sökhi si no ubeʼe ba ndraonora, ba lö irai mifangawuli khöra.
10 Faoso ba ofanö, börö me tenga naha wolombase daʼa.
Abölö-bölö waʼadudu mbanua daʼa+ börö me no raʼiö ia.+
11 Na so niha solohi angi ba samalua faya, sangumaʼö fehede falimosa andre,
”Ufatunö khömi sanandrösa ba nagu hegöi tuo,”
Niha daʼö zinangea tobali samaʼeleʼö ba soi daʼa!+
12 He yaʼami ngaʼötö Yakobo, hasambalö uʼowuloi ami fefu.
Uʼowuloi göi ndraono Gizaraʼeli si toröi.+
Uʼosambuaʼö ira simane biri-biri ba gandra.
Simane ngawawa gurifö ba mbenua soduʼu.+
Ato sibai dania ira ba daʼö.’+
13 Niha samokai lala dania zangagö föna.
Latörö manö mbawa göli ba weʼamöi baero.+
Mowaö-waö fönara razora,Ba Yehowa zondröniaʼö yaʼira.”+
Nisura ba gahe zura
^ Sin.: ”ba geheha Yehowa?”
