Mikha 3:1-12
3 Umane, ”Mifondrondrongo he yaʼami sondröniaʼö ngaʼötö Yakobo,Hegöi ira kumandru ba ndraono Gizaraʼeli.+
Hadia tenga sinangea miʼila hezo zatulö?
2 Fatuwu ami zi sökhi+ ba miʼomasiʼö zi lö sökhi.+
Misasawi guli nono mbanuagu ba miboʼa nagolera moroi ba dölara.+
3 Miʼa göi nagole nono mbanuagu+Miboʼa gulira,Mifatö ba mirasa dölara,+Simane nagole hegöi töla nirino ba mbowoa.
4 Ba luo daʼö, laʼandrö wanolo khö Yehowa,Hizaʼi, lö ifondrondrongo.
Ba luo daʼö, ibiniʼö mbawania+Börö gamuatara si lö sökhi.+
5 Lafaelungu soigu ira samaʼeleʼö.+
Laʼombakhaʼö waʼatulö+ sagötö so nasa zi tola langanga,*+Ba laʼombakhaʼö wasuwöta ba niha si lö mameʼe hadia ia ba mbawara.
Börö daʼö, imane khöra Yehowa,
6 ’Ihawui ami si bongi;+ ba lö hadöi angilata;+Ha faʼogömi-gömi nisöndrami ba tebai mitahö zalua ba zi so föna.
Aekhu luo khö ndra samaʼeleʼö,Ba ogömi khöra zi maʼökhö.+
7 Teʼailasi dania ndra sangiʼila,+Ba afatö dödö ndra samaʼeleʼö.
Lö tola löʼö laduhö mbawara* börö waʼaila,Börö me lö itema lira Lowalangi.’”
8 Hizaʼi, fahöna khögu geheha niʼamoniʼö moroi khö Yehowa,Enaʼö ufalua waʼatulö ba faʼabarani,Ba wangombakha khö Yakobo faʼalösökhinia hegöi horö nifalua ndraono Gizaraʼeli.
9 Mifondrondrongo he yaʼami sondröniaʼö ngaʼötö Yakobo,Hegöi ira kumandru ba ndraono Gizaraʼeli.+
Fatuwu ami waʼatulö ba mibilaʼö zadölö.+
10 Mifasindro Ziona si fao fanuwagö do ba mifasindro Yeruzalema si fao falöʼatulö.+
11 Laʼetuʼö huku ira sondröniaʼö khönia börö zölö-sölö,+Ba mamahaʼö ndra ere börö me lagazi ira,+Ba mamaʼeleʼö ndra samaʼeleʼö börö gefe.*+
Hewaʼae simanö, lafaduhuʼö wa laʼodaligö Yehowa ba lamane,
”Hadia tenga no fao khöda Yehowa?+
Lö alua khöda wamakao.”+
12 Börö amiWa mufaku Ziona simane nowi,Ba tobali adudula dania Yeruzalema,+Ba hulö gatua dania hili nomo* Lowalangi andrö.+
Nisura ba gahe zura
^ Mazui te ”laʼökhi faoma iföra”.
^ Mazui ”mbu gambira”.
^ Mazui ”wirö”.
^ Mazui ”gosali”.
